A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

sobretódu , nm: subratodu Definition bestimentu lébiu e longu de pònnere in pitzu a bisura de capoto Scientific Terminology bst Etymon spn. sobretodo.

sobríre sciorbíri

sóbru sòbra

sòca , nf, nm: assoga, socu, soga, sogu Definition corria o tira longa e larga de pedhe cosia a un'ala de arresurtare a duos pígios: a unu càbudu portat una lóriga o chirchedha ue si faet intrare sa coatza; brione de casu modhe postu in su fogu po orrostire, comente s'iscàgiat, o fintzes de àteru chi calat comente a funedhas cagiadas; su tanti de filu chi s'intrat in s'agu (itl. gugliata) o fintzes su filu chi si faet filandho / min. sochedha, soghita Synonyms e antonyms cànnabu, fune, isciocu, sagone, sédina / cabu Idioms csn: soga de filu, de lana, de arràfia, de ispau = cabu de filu, filu de lana, e gai; sa soga de su dimóniu = cabu de filu tropu longu (e pro cussu s'imbojat e annodighedhat cosindhe); soga de terra = bículu, zura de terrinu Sentences est imbodhiendi e ispodhiendi sa soga ◊ est tucau a linna chin sa soca ◊ faghiat sogas cun sa pedhe crua ◊ sunt colados a cadhu, a soga a codhu ◊ una crapola nida che apo ligadu in s'ortu e cun su socu nou… 2. su casu nou postu in su fogu si faghet a sogas ◊ portat su cofinu prenu de sogas fendi cumpositzionis de ballus tundus ◊ cussa filongiana filaiat semper a soga manna ◊ dae laras perdiat sogos de bae ◊ preparu una soghitedha de satitzu 3. sas socas de su pisellu fint ghetatas a ria 4. fibàt e tessiat, sa soga si segàt ma no ndi aciungiat! Etymon ltn. soca Translations French corde en cuir, courroie English leather rope Spanish soga, cuerda de cuero, correa Italian fune di cuòio German Lederschlinge, Lederseil.

sòca 1 , nf Definition s'arraighina de una mata in su tretu ue est ingrussada, coment'e fata a nodu, de prus a mancu a paris de terra Synonyms e antonyms cioca 1, ispicone 2, raighina, tzompa Sentences candu s'ispillonat su cardu si ndi bogant is pillonis de a ingíriu de sa soca Scientific Terminology rbr Etymon ctl. soca Translations French pivot d'un arbre English taproot Spanish raíz fusiforme Italian fittóne di una pianta German Hauptwurzel.

sòca 2 , avb Definition mi paret chi…, fortzis…, abbisumeu chi… Synonyms e antonyms abbisoca, abbisomeu.

socànnu! , iscl Definition Gesu, ocannu!…: genia de foedhu chi si narat cun prexu candho si papat su primu frutu Synonyms e antonyms gesocannu!

sochítu , nm: suchete, suchitu 1 Definition genia de papare fatu cun petza segada a biculedhos (mescamente de pudha, de conillu), posta a fríere unu pagu in su sufrissu fatu cun chibudha, pedrusèmene e un'aciunta de binu o aghedu e pagu pagu de abba, una ispergiadedha de píbere e sale Sentences gei tengu abetu bellu de mi fai su sochitu o s'anguli po Pasca!…◊ dhui tèngiu unu spitzuedhu de suchitu in su fogu Scientific Terminology mng Etymon ctl. suquet Translations French à la nage (cuc.) English stew Spanish guiso de carne Italian guazzétto German Ragout.

sochítu 1 , nm Definition soga, prus che àteru nau de is sogas chi serbint a giúnghere is boes Synonyms e antonyms loru.

sòci , nm: sòciri Definition genia de erba chi faet fògias matucas, ladas (ma a punta, prus longas), tzudhosas, arrasposas, frorighedhu grogo: sa candhelita modhe, unu pagu marigosa, est bona a papare Synonyms e antonyms artiòcoro, ciòcere, cioci, ciòcoro, culurassu, entiòcoro, fiòcaru, iciòcoro, intiòcoro, tziòcoro* Sentences gei no at a mòrriri de su fàmini… papendu sòciri e gureu! ◊ ge dhu connòsciu, su soci! Scientific Terminology rbz, Helminthotheca echioides.

socialísmu , nm: sotzialismu Definition idea polítiga chi cunsiderat e bolet a totugantos a paris po dignidade, diritos e doveres de sa persona, càrrigos e cumbénias de su èssere sociedade.

socialísta , agt: sotzialista Definition chi pertocat su socialismu; nau de ccn., chi est de is ideas polítigas de su socialismu.

sociedàdi , nf: sotziedade, sotziedadi, sotzietate Definition su èssere o istare totus impare de sa gente in sa bidha, in su logu, e fintzes sa gente etotu in cantu gente, bidha, pópulu organizau; mescamente su èssere, de duos o de prus, impare po chistiones de trebballu cunforma a su ’e sa lei, su àere comunia Synonyms e antonyms sóciu, sotzeria Etymon spn. Translations French société English society Spanish sociedad Italian società German Gesellschaft.

sòciri sòci

sóciu , nm: assótziu, sótziu, sotzu Definition chie tenet cosa a cumone cun àtere; su fàere cumonia o èssere a cumone in css. cosa o faina: a logos est unu giuàrgiu chi cumandhat àteros serbidores / intrare in sótziu, èssere a sótziu = pònneresi paris in carchi triballu, in afares o àteru Synonyms e antonyms comunàrgiu / sociedadi, sotzeria Sentences sos meres de sa coperativa sunt sos sótzios ◊ cussu est sotzu de mesidadi in s'argiola ◊ su dinai dhu bollu de fusteti e no de su sotzu! ◊ pònedi a sótziu cun Deus e faghe ogna cosa cun Issu! Etymon itl. Translations French associé English member, partner Spanish socio Italian sòcio German Geschäftspartner.

sòcra , nf: sogra, solga, sorga Definition parente de intradura, sa mama de sa pobidha, sa mama de su pobidhu (a/c.: po dha tzerriare o numenare donniunu sa sua, si narat Onnasogra)/ pl. is sorgus = sa sogra e su sogru; limpiai aundi passat sa sorga = a tretos, is chi si bient de prus Synonyms e antonyms troga 1 Sentences ite cumbéniu logras candho fiudu isposas a connada? restat risparmiada assumanc'una de sas duas sogras! ◊ sogra e nura no sempre si la tirant de acordu ◊ ndi apu passau cun sorga mia!…◊ sorga mia at nau caincuna cosa de mimi? ◊ mih ca sorga tua at papau pane de sete forros! ◊ su pobidhu at pigau a bratzete nura e sorga po ballare Scientific Terminology ptl Etymon ltn. socra Translations French belle-mère English mother-in-law Spanish suegra Italian suòcera German Schwiegermutter.

socrònza , nf: sogronza, sorgogna, sorgòngia Definition sa mama de sa nura, de su génneru Synonyms e antonyms trogogna Sentences tzia Annedha andhabat ifatu de sa socronza disizosa de l'acasazare bene (S.Spiggia)◊ sos sogronzos aiant tentu murrunzu, ma sas sogronzas no s'aiant mai negadu su saludu. Scientific Terminology ptl Etymon srd. Translations French mère du gendre, mère de la bru English son's mother-in-law (daughter's) Spanish consuegra Italian consuòcera German Mitschwiegermutter.

socrónzu , nm: sogronzu, sorgognu, sorgóngiu Definition su babbu de sa nura, su babbu de su génneru Synonyms e antonyms trogognu / ttrs. sugrognu, surrognu Sentences in domo de sorgonzu meu nosi ant bogau a papare pintzigrogos Scientific Terminology ptl Etymon srd. Translations French père du gendre, père de la bru English son'sfather-in-law (daughter's) Spanish consuegro Italian consuòcero German Mitschwiegervater.

sócru , nm: sogru, solgu, sorgu Definition parente de intradura, su babbu de sa pobidha, su babbu de su pobidhu (a/c.: po dhu tzerriare o numenare donniunu su suo, si narat Onnusogru)/ pl. is sorgus = sa sogra e su sogru Synonyms e antonyms trogu 1 Sentences ite trabballu faet sorgu tuo? ◊ nara, giovonedhu, beni, agiudadhu a sorgu tuu! ◊ tenes arresone, ma prima depes intèndhere a sorgu tuu! ◊ su socru ndhe fit bragheri de su ghéneru, ischiat su chi baliat su zòvanu ◊ no bit s’ora chi su sorgu dhu lessit intrai a domu! Scientific Terminology ptl Etymon ltn. socru Translations French beau-père English father-in-law Spanish suegro Italian suòcero German Schwiegervater.

sócu sòca