A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sobretódu , nm: subratodu Definizione bestimentu lébiu e longu de pònnere in pitzu a bisura de capoto Terminologia scientifica bst Etimo spn. sobretodo.

sobríre sciorbíri

sóbru sòbra

sòca , nf, nm: assoga, socu, soga, sogu Definizione corria o tira longa e larga de pedhe cosia a un'ala de arresurtare a duos pígios: a unu càbudu portat una lóriga o chirchedha ue si faet intrare sa coatza; brione de casu modhe postu in su fogu po orrostire, comente s'iscàgiat, o fintzes de àteru chi calat comente a funedhas cagiadas; su tanti de filu chi s'intrat in s'agu (itl. gugliata) o fintzes su filu chi si faet filandho / min. sochedha, soghita Sinonimi e contrari cànnabu, fune, isciocu, sagone, sédina / cabu Modi di dire csn: soga de filu, de lana, de arràfia, de ispau = cabu de filu, filu de lana, e gai; sa soga de su dimóniu = cabu de filu tropu longu (e pro cussu s'imbojat e annodighedhat cosindhe); soga de terra = bículu, zura de terrinu Frasi est imbodhiendi e ispodhiendi sa soga ◊ est tucau a linna chin sa soca ◊ faghiat sogas cun sa pedhe crua ◊ sunt colados a cadhu, a soga a codhu ◊ una crapola nida che apo ligadu in s'ortu e cun su socu nou… 2. su casu nou postu in su fogu si faghet a sogas ◊ portat su cofinu prenu de sogas fendi cumpositzionis de ballus tundus ◊ cussa filongiana filaiat semper a soga manna ◊ dae laras perdiat sogos de bae ◊ preparu una soghitedha de satitzu 3. sas socas de su pisellu fint ghetatas a ria 4. fibàt e tessiat, sa soga si segàt ma no ndi aciungiat! Etimo ltn. soca Traduzioni Francese corde en cuir, courroie Inglese leather rope Spagnolo soga, cuerda de cuero, correa Italiano fune di cuòio Tedesco Lederschlinge, Lederseil.

sòca 1 , nf Definizione s'arraighina de una mata in su tretu ue est ingrussada, coment'e fata a nodu, de prus a mancu a paris de terra Sinonimi e contrari cioca 1, ispicone 2, raighina, tzompa Frasi candu s'ispillonat su cardu si ndi bogant is pillonis de a ingíriu de sa soca Terminologia scientifica rbr Etimo ctl. soca Traduzioni Francese pivot d'un arbre Inglese taproot Spagnolo raíz fusiforme Italiano fittóne di una pianta Tedesco Hauptwurzel.

sòca 2 , avb Definizione mi paret chi…, fortzis…, abbisumeu chi… Sinonimi e contrari abbisoca, abbisomeu.

socànnu! , iscl Definizione Gesu, ocannu!…: genia de foedhu chi si narat cun prexu candho si papat su primu frutu Sinonimi e contrari gesocannu!

sochítu , nm: suchete, suchitu 1 Definizione genia de papare fatu cun petza segada a biculedhos (mescamente de pudha, de conillu), posta a fríere unu pagu in su sufrissu fatu cun chibudha, pedrusèmene e un'aciunta de binu o aghedu e pagu pagu de abba, una ispergiadedha de píbere e sale Frasi gei tengu abetu bellu de mi fai su sochitu o s'anguli po Pasca!…◊ dhui tèngiu unu spitzuedhu de suchitu in su fogu Terminologia scientifica mng Etimo ctl. suquet Traduzioni Francese à la nage (cuc.) Inglese stew Spagnolo guiso de carne Italiano guazzétto Tedesco Ragout.

sochítu 1 , nm Definizione soga, prus che àteru nau de is sogas chi serbint a giúnghere is boes Sinonimi e contrari loru.

sòci , nm: sòciri Definizione genia de erba chi faet fògias matucas, ladas (ma a punta, prus longas), tzudhosas, arrasposas, frorighedhu grogo: sa candhelita modhe, unu pagu marigosa, est bona a papare Sinonimi e contrari artiòcoro, ciòcere, cioci, ciòcoro, culurassu, entiòcoro, fiòcaru, iciòcoro, intiòcoro, tziòcoro* Frasi gei no at a mòrriri de su fàmini… papendu sòciri e gureu! ◊ ge dhu connòsciu, su soci! Terminologia scientifica rbz, Helminthotheca echioides.

socialísmu , nm: sotzialismu Definizione idea polítiga chi cunsiderat e bolet a totugantos a paris po dignidade, diritos e doveres de sa persona, càrrigos e cumbénias de su èssere sociedade.

socialísta , agt: sotzialista Definizione chi pertocat su socialismu; nau de ccn., chi est de is ideas polítigas de su socialismu.

sociedàdi , nf: sotziedade, sotziedadi, sotzietate Definizione su èssere o istare totus impare de sa gente in sa bidha, in su logu, e fintzes sa gente etotu in cantu gente, bidha, pópulu organizau; mescamente su èssere, de duos o de prus, impare po chistiones de trebballu cunforma a su ’e sa lei, su àere comunia Sinonimi e contrari sóciu, sotzeria Etimo spn. Traduzioni Francese société Inglese society Spagnolo sociedad Italiano società Tedesco Gesellschaft.

sòciri sòci

sóciu , nm: assótziu, sótziu, sotzu Definizione chie tenet cosa a cumone cun àtere; su fàere cumonia o èssere a cumone in css. cosa o faina: a logos est unu giuàrgiu chi cumandhat àteros serbidores / intrare in sótziu, èssere a sótziu = pònneresi paris in carchi triballu, in afares o àteru Sinonimi e contrari comunàrgiu / sociedadi, sotzeria Frasi sos meres de sa coperativa sunt sos sótzios ◊ cussu est sotzu de mesidadi in s'argiola ◊ su dinai dhu bollu de fusteti e no de su sotzu! ◊ pònedi a sótziu cun Deus e faghe ogna cosa cun Issu! Etimo itl. Traduzioni Francese associé Inglese member, partner Spagnolo socio Italiano sòcio Tedesco Geschäftspartner.

sòcra , nf: sogra, solga, sorga Definizione parente de intradura, sa mama de sa pobidha, sa mama de su pobidhu (a/c.: po dha tzerriare o numenare donniunu sa sua, si narat Onnasogra)/ pl. is sorgus = sa sogra e su sogru; limpiai aundi passat sa sorga = a tretos, is chi si bient de prus Sinonimi e contrari troga 1 Frasi ite cumbéniu logras candho fiudu isposas a connada? restat risparmiada assumanc'una de sas duas sogras! ◊ sogra e nura no sempre si la tirant de acordu ◊ ndi apu passau cun sorga mia!…◊ sorga mia at nau caincuna cosa de mimi? ◊ mih ca sorga tua at papau pane de sete forros! ◊ su pobidhu at pigau a bratzete nura e sorga po ballare Terminologia scientifica ptl Etimo ltn. socra Traduzioni Francese belle-mère Inglese mother-in-law Spagnolo suegra Italiano suòcera Tedesco Schwiegermutter.

socrònza , nf: sogronza, sorgogna, sorgòngia Definizione sa mama de sa nura, de su génneru Sinonimi e contrari trogogna Frasi tzia Annedha andhabat ifatu de sa socronza disizosa de l'acasazare bene (S.Spiggia)◊ sos sogronzos aiant tentu murrunzu, ma sas sogronzas no s'aiant mai negadu su saludu. Terminologia scientifica ptl Etimo srd. Traduzioni Francese mère du gendre, mère de la bru Inglese son's mother-in-law (daughter's) Spagnolo consuegra Italiano consuòcera Tedesco Mitschwiegermutter.

socrónzu , nm: sogronzu, sorgognu, sorgóngiu Definizione su babbu de sa nura, su babbu de su génneru Sinonimi e contrari trogognu / ttrs. sugrognu, surrognu Frasi in domo de sorgonzu meu nosi ant bogau a papare pintzigrogos Terminologia scientifica ptl Etimo srd. Traduzioni Francese père du gendre, père de la bru Inglese son'sfather-in-law (daughter's) Spagnolo consuegro Italiano consuòcero Tedesco Mitschwiegervater.

sócru , nm: sogru, solgu, sorgu Definizione parente de intradura, su babbu de sa pobidha, su babbu de su pobidhu (a/c.: po dhu tzerriare o numenare donniunu su suo, si narat Onnusogru)/ pl. is sorgus = sa sogra e su sogru Sinonimi e contrari trogu 1 Frasi ite trabballu faet sorgu tuo? ◊ nara, giovonedhu, beni, agiudadhu a sorgu tuu! ◊ tenes arresone, ma prima depes intèndhere a sorgu tuu! ◊ su socru ndhe fit bragheri de su ghéneru, ischiat su chi baliat su zòvanu ◊ no bit s’ora chi su sorgu dhu lessit intrai a domu! Terminologia scientifica ptl Etimo ltn. socru Traduzioni Francese beau-père Inglese father-in-law Spagnolo suegro Italiano suòcero Tedesco Schwiegervater.

sócu sòca