A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sòda , nf Definizione chinisu de s'erba chi narant cristallu, ma pruschetotu cumpostu chímicu de sódiu impreau in is indústrias de sabone, de paperi e àteras Traduzioni Francese soude Inglese soda Spagnolo soda, sosa Italiano sòda Tedesco Soda.

sodàtzu sadàtzu

soddisfài saltifàghere

soddisfassiòne saltifasciòne

sòde , agt Definizione chi est cagiau, tostau, firmu; nau de cumportamentu, séliu, paghiosu Sinonimi e contrari cracu, tostau / pàsidu Modi di dire csn: terrinu s. = tostu, frimmu, seguru; faedhare a boghe s. = calma, chentza airu Frasi su sinu chi ti at dadu late lichitu e sode 2. sa zente fit sode iscultendhe sa préiga Traduzioni Francese solide, calme Inglese solid, calm Spagnolo sólido, quieto Italiano sòlido, pacato Tedesco fest, ruhig.

sodèsa , nf Definizione su èssere sode de sa cosa: nau de gente, firmesa Frasi calchi bolta su mundhu est curiosu: zente chi de sodesa tenet vantu isbàgliat tzegamente sa… filada! (B.Asili) Traduzioni Francese consistance Inglese consistency Spagnolo consistencia, textura Italiano consistènza Tedesco Festigkeit.

sodhabbruxàu , nm Definizione sodhu abbruxau: in cobertantza, su culu.

sódhia , nf Sinonimi e contrari aciumu, atzoncada, cochera, imbreachera

sodhiólu , nm Sinonimi e contrari odhiolu, sodhiscu.

sodhíscu , nm: tzudhiscu Definizione trota de naschidórgiu Sinonimi e contrari groli, odhiolu, seju 1, sodhiolu, trotischedha Frasi incui dhue at piscinas de trota e de sodhiscu (C.Arangino) Terminologia scientifica psc.

sodhítu , nm Definizione min. de sodhu, nau prus che àteru po dinare pagu.

sódhu , nm Definizione deghe centésimos de unu francu sardu, ma oramai nau solu cun su significau de dinare / min. sodhitu Sinonimi e contrari dinari Modi di dire csn: s. grussu = dinai mannu; tirai su s. = chircare de risparmiare, de ispèndhere prus pagu; ballos de sodhu = a pagamentu; su pisci a s. mi ponis!… = no mi faghes nudha!, mi ndhe afuto!; asuba de is corrus, cincu sodhus = sa ruta e su tzurumbone, su dannu e sa befe; essire a s. = andhare in bene; abarrai coment'e unu s. de casu = pitichedhu Frasi sa zente no teniat unu sodhu a comporare unu tàpulu ◊ prommore de sodhu o de poltrona dorchent sa conca a órdines de Roma ◊ si no tenes unu sodhu a ite chircas muzere? ◊ balanzaiat carchi sodhitu batendhe mudeju ◊ amus collidu pagos sodhos pro carchi mezoru ◊ gi at a costai duus sodhus, cussa cosa!… 2. gei mi dh'as fata bella, gei ses tonta aici dus sodhus!…◊ a tzia Matilde su manzanu no li fit essiu a sodhu: giuchiat idea de si labare sa robba ma s'abba fit astragada ◊ emu a bòliri crèsciri: seu abbarrau coment'e unu sodhu de casu! Cognomi e Proverbi smb: Soddu Etimo ltn. sol(i)dus Traduzioni Francese sou Inglese money, soldo Spagnolo dinero Italiano sòldo, danaro Tedesco Geld.

sodigài, sodigàre , vrb: sorigai Definizione fàere ancora sa matessi cosa; lòmpere a ue, o a su tretu, a su puntu, chi un'àteru est andhau o est andhandho Sinonimi e contrari segudare, sichire, sodighiri Frasi sódiga a oberri po mimi is bríglias tuas a bentuestu ◊ nanca dhu depiant arrangiai, su castedhu: su bentu gei sódigat a dh'arrosigai! ◊ at sodigau aici po una cida 2. mi ndi seu pesau e nchi seus sodigaus paris a dommu de su fradi ◊ bai a innanti, gei sódigu! ◊ su càmiu chi portu ananti no ndi dhu potzu sorigai currendi a 120! ◊ bénniu est s'avisu, e sa mala fortuna infatu at sodigau ◊ candu fut in prima média, custu piciochedhu fut artu artu: immoi ndi dh'ant sorigau is cumpàngius ◊ Morello currendho che unu lampu iat sodigau is àteros cuadhos ◊ sódiga a domo ca nos leamus unu mossu de pane! 3. no potzo sodigare su mastru a mi fàghere cust'acontzu! Traduzioni Francese continuer, rejoindre Inglese to continue, to reach Spagnolo seguir, alcanzar Italiano continuare, raggiúngere Tedesco fortsetzen, erreichen.

sodighíri , vrb Sinonimi e contrari sichire, sodigai* Frasi intamis de sodighiri a istudiai mi fia donau a fai su manorba ◊ at sodighiu a mi saludai cun sa manu fintzas a candu no mi at biu prus.

sodisfaciòne saltifasciòne

sódiu , nm Definizione elementu chímicu de símbulu Na in colore de prata, de númeru atómicu 11 e pesu atómicu 22,99: si agatat mescamente cumpostu cun àteros elementos Terminologia scientifica mtl Traduzioni Francese sodium Inglese sodium Spagnolo sodio Italiano sòdio Tedesco Natrium.

sodrarédhu , nm Sinonimi e contrari acutzaverru, bècidi, cincipasca, frailazu, sincerra, tzerretzerre Terminologia scientifica pzn Etimo srd.

sodràu , nm: soldadu, soldau, sordadu, sordatu, sordau Definizione unu tempus, ómine pagau po fàere gherra: como, prus che àteru giòvono de leva arruolau in s'esércitu po dh'imparare a fàere gherra o chi faet gherra a cumandhu de su guvernu de s'istadu suo, ómine cun impreu militare de gradu prus bàsciu; a logos narant soldau, sordadu ’etzu a su parapunta o titulone: in calecunu logu soldadu o bandhidu soldadu est s'andaciana o culifúrriu / sordau rasu = chentza grados nudha Sinonimi e contrari ttrs. suldadu Frasi s'ora chi so partidu a fàghere su soldadu tue fis pianghendhe! ◊ s'andada de is sodraus grogus fatzat! ◊ mi ndi ant pigau in trenu a Castedhu po fai su sordau Traduzioni Francese soldat Inglese soldier Spagnolo soldado Italiano soldato Tedesco Soldat.

sòdri , nm, nf: sorde 1, sordi Definizione malesa, cosa bruta, fintzes sa brutesa de is origas Sinonimi e contrari brutore, cadhossímini, cadràngia, muga, sarrone, sodrímini, tadhore Frasi sas paràulas de sa sorde sunt dóighi…◊ su sorde furint liandudedhi, is netas, no su dinai!

sodrigósu , agt, nm: soldigosu, sordigosu Definizione chi est totu sodri, muga, brutesa Sinonimi e contrari butzinosu, cadhóciu, cadrangiosu, lodhancu, lórinu, mughedhosu, mugosu Frasi po su sordigosu, mellus arremédiu de s'abba e sabone no nd'at Etimo srd. Traduzioni Francese crasseux Inglese dirty (person) Spagnolo mugriento Italiano lùrido, sózzo Tedesco schmutzig.