A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sòda , nf Definitzione chinisu de s'erba chi narant cristallu, ma pruschetotu cumpostu chímicu de sódiu impreau in is indústrias de sabone, de paperi e àteras Tradutziones Frantzesu soude Ingresu soda Ispagnolu soda, sosa Italianu sòda Tedescu Soda.

sodàtzu sadàtzu

soddisfài saltifàghere

soddisfassiòne saltifasciòne

sòde , agt Definitzione chi est cagiau, tostau, firmu; nau de cumportamentu, séliu, paghiosu Sinònimos e contràrios cracu, tostau / pàsidu Maneras de nàrrere csn: terrinu s. = tostu, frimmu, seguru; faedhare a boghe s. = calma, chentza airu Frases su sinu chi ti at dadu late lichitu e sode 2. sa zente fit sode iscultendhe sa préiga Tradutziones Frantzesu solide, calme Ingresu solid, calm Ispagnolu sólido, quieto Italianu sòlido, pacato Tedescu fest, ruhig.

sodèsa , nf Definitzione su èssere sode de sa cosa: nau de gente, firmesa Frases calchi bolta su mundhu est curiosu: zente chi de sodesa tenet vantu isbàgliat tzegamente sa… filada! (B.Asili) Tradutziones Frantzesu consistance Ingresu consistency Ispagnolu consistencia, textura Italianu consistènza Tedescu Festigkeit.

sodhabbruxàu , nm Definitzione sodhu abbruxau: in cobertantza, su culu.

sódhia , nf Sinònimos e contràrios aciumu, atzoncada, cochera, imbreachera

sodhiólu , nm Sinònimos e contràrios odhiolu, sodhiscu.

sodhíscu , nm: tzudhiscu Definitzione trota de naschidórgiu Sinònimos e contràrios groli, odhiolu, seju 1, sodhiolu, trotischedha Frases incui dhue at piscinas de trota e de sodhiscu (C.Arangino) Terminologia iscientìfica psc.

sodhítu , nm Definitzione min. de sodhu, nau prus che àteru po dinare pagu.

sódhu , nm Definitzione deghe centésimos de unu francu sardu, ma oramai nau solu cun su significau de dinare / min. sodhitu Sinònimos e contràrios dinari Maneras de nàrrere csn: s. grussu = dinai mannu; tirai su s. = chircare de risparmiare, de ispèndhere prus pagu; ballos de sodhu = a pagamentu; su pisci a s. mi ponis!… = no mi faghes nudha!, mi ndhe afuto!; asuba de is corrus, cincu sodhus = sa ruta e su tzurumbone, su dannu e sa befe; essire a s. = andhare in bene; abarrai coment'e unu s. de casu = pitichedhu Frases sa zente no teniat unu sodhu a comporare unu tàpulu ◊ prommore de sodhu o de poltrona dorchent sa conca a órdines de Roma ◊ si no tenes unu sodhu a ite chircas muzere? ◊ balanzaiat carchi sodhitu batendhe mudeju ◊ amus collidu pagos sodhos pro carchi mezoru ◊ gi at a costai duus sodhus, cussa cosa!… 2. gei mi dh'as fata bella, gei ses tonta aici dus sodhus!…◊ a tzia Matilde su manzanu no li fit essiu a sodhu: giuchiat idea de si labare sa robba ma s'abba fit astragada ◊ emu a bòliri crèsciri: seu abbarrau coment'e unu sodhu de casu! Sambenados e Provèrbios smb: Soddu Ètimu ltn. sol(i)dus Tradutziones Frantzesu sou Ingresu money, soldo Ispagnolu dinero Italianu sòldo, danaro Tedescu Geld.

sodigài, sodigàre , vrb: sorigai Definitzione fàere ancora sa matessi cosa; lòmpere a ue, o a su tretu, a su puntu, chi un'àteru est andhau o est andhandho Sinònimos e contràrios segudare, sichire, sodighiri Frases sódiga a oberri po mimi is bríglias tuas a bentuestu ◊ nanca dhu depiant arrangiai, su castedhu: su bentu gei sódigat a dh'arrosigai! ◊ at sodigau aici po una cida 2. mi ndi seu pesau e nchi seus sodigaus paris a dommu de su fradi ◊ bai a innanti, gei sódigu! ◊ su càmiu chi portu ananti no ndi dhu potzu sorigai currendi a 120! ◊ bénniu est s'avisu, e sa mala fortuna infatu at sodigau ◊ candu fut in prima média, custu piciochedhu fut artu artu: immoi ndi dh'ant sorigau is cumpàngius ◊ Morello currendho che unu lampu iat sodigau is àteros cuadhos ◊ sódiga a domo ca nos leamus unu mossu de pane! 3. no potzo sodigare su mastru a mi fàghere cust'acontzu! Tradutziones Frantzesu continuer, rejoindre Ingresu to continue, to reach Ispagnolu seguir, alcanzar Italianu continuare, raggiúngere Tedescu fortsetzen, erreichen.

sodighíri , vrb Sinònimos e contràrios sichire, sodigai* Frases intamis de sodighiri a istudiai mi fia donau a fai su manorba ◊ at sodighiu a mi saludai cun sa manu fintzas a candu no mi at biu prus.

sodisfaciòne saltifasciòne

sódiu , nm Definitzione elementu chímicu de símbulu Na in colore de prata, de númeru atómicu 11 e pesu atómicu 22,99: si agatat mescamente cumpostu cun àteros elementos Terminologia iscientìfica mtl Tradutziones Frantzesu sodium Ingresu sodium Ispagnolu sodio Italianu sòdio Tedescu Natrium.

sodrarédhu , nm Sinònimos e contràrios acutzaverru, bècidi, cincipasca, frailazu, sincerra, tzerretzerre Terminologia iscientìfica pzn Ètimu srd.

sodràu , nm: soldadu, soldau, sordadu, sordatu, sordau Definitzione unu tempus, ómine pagau po fàere gherra: como, prus che àteru giòvono de leva arruolau in s'esércitu po dh'imparare a fàere gherra o chi faet gherra a cumandhu de su guvernu de s'istadu suo, ómine cun impreu militare de gradu prus bàsciu; a logos narant soldau, sordadu ’etzu a su parapunta o titulone: in calecunu logu soldadu o bandhidu soldadu est s'andaciana o culifúrriu / sordau rasu = chentza grados nudha Sinònimos e contràrios ttrs. suldadu Frases s'ora chi so partidu a fàghere su soldadu tue fis pianghendhe! ◊ s'andada de is sodraus grogus fatzat! ◊ mi ndi ant pigau in trenu a Castedhu po fai su sordau Tradutziones Frantzesu soldat Ingresu soldier Ispagnolu soldado Italianu soldato Tedescu Soldat.

sòdri , nm, nf: sorde 1, sordi Definitzione malesa, cosa bruta, fintzes sa brutesa de is origas Sinònimos e contràrios brutore, cadhossímini, cadràngia, muga, sarrone, sodrímini, tadhore Frases sas paràulas de sa sorde sunt dóighi…◊ su sorde furint liandudedhi, is netas, no su dinai!

sodrigósu , agt, nm: soldigosu, sordigosu Definitzione chi est totu sodri, muga, brutesa Sinònimos e contràrios butzinosu, cadhóciu, cadrangiosu, lodhancu, lórinu, mughedhosu, mugosu Frases po su sordigosu, mellus arremédiu de s'abba e sabone no nd'at Ètimu srd. Tradutziones Frantzesu crasseux Ingresu dirty (person) Ispagnolu mugriento Italianu lùrido, sózzo Tedescu schmutzig.