A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

soleàda , nf: soliada Definitzione cropu o carda de sole; incarada de sole Sinònimos e contràrios assoliada, golfada Frases at leadu una soleada Ètimu srd. Tradutziones Frantzesu insolation Ingresu insolation Ispagnolu insolación Italianu insolazióne Tedescu Sonnenstich.

soledàde, soledàdi , nf: solidade, solidadi Definitzione su èssere o istare a solos, chentza cumpangia Sinònimos e contràrios assolia, solesa | ctr. cumpagnia Frases in sa solidadi, trista abarru innòi isconsolada! ◊ lassàdemi in sa solidade a gosare sa música chi illébiat s'ànima! ◊ sos betzos nostros ant a cumone sa soledade de unu sirbone ◊ tiat èssere disaura pro s'ómine a campare in solidade ◊ candu fua pastori no fuat su fàmini ni su sidi e ni su síntzulu, ma sa solidadi chi mi donàt apretu Ètimu spn. Tradutziones Frantzesu solitude Ingresu loneliness Ispagnolu soledad Italianu solitúdine Tedescu Einsamkeit.

solénu selénu 1

sòlere , vrb: sòliri Definitzione acostumare a… (su significau si podet rapresentare cun su matessi verbu lessicale chi acampàngiat: es. solent giamare = giamant) Sinònimos e contràrios parusare Frases cue solent giamare pudhos sas pudhas ◊ chiterra, bae, serena cantu cheres serenare ue solet palpitare coros in fiore! ◊ est prammizendhe sa roca inue soles abbitare Ètimu ltn. solere.

solèsa , nf Sinònimos e contràrios assolia, soledade Ètimu srd.

solèta , nf Sinònimos e contràrios bòbida.

soletànte, soletàntu , avb: solintantu Definitzione avb. chi giaet s'idea de cunsiderare su foedhu chi acumpàngiat a sa sola, foras dónnia e css. àtera cosa Sinònimos e contràrios ebbia, feti, isceti, petzi Frases est istada soletante sa mancàntzia de tempus chi mi at impediu de bènnere ◊ sa bellesa chi bidei est alta tantu no solu subra a nois, ma cumbintu so chi la gosat Deus soletantu ◊ a una santa mi as paragonadu solintantu pro mi bídere galana Ètimu itl. Tradutziones Frantzesu seulement Ingresu only Ispagnolu solamente, sólo Italianu solaménte, soltanto Tedescu nur, allein.

sòlga sòcra

sólgu sócru

sòli sòle

soliàche , agt Definitzione chi est a fache a sole, nau de logu; fintzes umbragu Sinònimos e contràrios faciassobi, solianu Ètimu srd.

soliàcra, soliàcre , nf: suliache, suriache Definitzione genia de linna chi podet fàere fintzes a mata manna meda: sa linna est lenta e forte, a corgiolu lisu in colore de chinisu, bogat coment'e unu pibionedhu pitichedhu bonu fintzes a papare candho est cotu (niedhu) Sinònimos e contràrios cigraxa, cixiredhu 1, frugàgia, fruzaghe, sogàrgia*, solzaga, urriaca Terminologia iscientìfica mtm, Celtis australis Tradutziones Frantzesu micocoulier Ingresu hackberry Ispagnolu almez Italianu bagolaro, spaccasassi Tedescu Zürgelbaum.

soliàda soleàda

soliànu , agt, nm: sollanu Definitzione nau de terrenu, de logu, chi est a cara a sole, a Sud; chi pertocat a su Sole, de su Sole Sinònimos e contràrios desu, faciassobi, soliache / cdh. sulianu, ttrs. surianu / assoliadórgiu | ctr. palumbrinu, umbrinu Maneras de nàrrere csn: die, ora s. = dí, ora de soli; logu s. = chi bi tocat sole, a cara a mesudie; su s. = su logu a cara a mesudie; Maria Soliana = sa mama de su sole Frases brotat dogni pianta a su lentore si faghet manzanedhu solianu ◊ cue sa cosa creschet menzus ca est logu solianu ◊ fipo operaju ’e luche soliana (P.Mura)◊ sas raichinas tenio afunnadas chei sos colacasos in precas de rocas sollanas 2. canta, pastoredhu, canta como chi torrat beranu sétzidu in su solianu! (G.Raga)◊ in su solianu a su bestiàmine li piaghet de prus Ètimu srd. Tradutziones Frantzesu ensoleillé Ingresu sunny Ispagnolu asoleado, solanero Italianu solatìo, soleggiato Tedescu sonnig.

soliàta , avb Definitzione po su prus, giai sèmpere Frases sas crapas anzant, soliata, dai primos a binti de nadale (E.Espa) Tradutziones Frantzesu habituellement Ingresu usually Ispagnolu de costumbre Italianu solitaménte, di sòlito Tedescu gewöhnlich.

solidàde, solidàdi soledàde

solidài, solidàre , vrb Definitzione fàere sode, bene firmu, seguru.

solidèsa, solidétzia , nf Definitzione su èssere sode, bene firmu, seguru Sinònimos e contràrios duresa, firmesa Tradutziones Frantzesu solidité Ingresu solidity Ispagnolu solidez Italianu solidità Tedescu Festigkeit, Solidität.

sólidu , agt, nm Definitzione css. corpus prenu o figura a tres dimensiones.

soliète , nm: sulietu Definitzione aina po sonare, fintzes su sonu chi faet Sinònimos e contràrios pipajolu, sulitu, surbiete, tziullete Frases is piciochedhus tzacarrant is manus, faint su sulietu, istrocint is pudhas candu criant ◊ it'est custu soliete, su vízile? Terminologia iscientìfica sjl Ètimu srd. Tradutziones Frantzesu pipeau, sifflet Ingresu flageolet, whistle Ispagnolu caramillo, silbato Italianu zùfolo, fischiétto Tedescu Hirtenflöte, Pfeife.