A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

supédhida , nf Definition tochedhu, atzàpidu forte de su coro Sentences currendhe pro sighire s'àinu arrivaia isalenendhe e cun su coro a supédhidas Etymon srd. Translations French battement de cœur English palpitation Spanish palpitación Italian batticuòre German Herzklopfen.

supédhidu, supédhu , nm: assupedhu Definition respiru a cropu, mancamentu de s'àlidu chi faet a chie pranghet a meda; assúpidu, respiru a pelea Synonyms e antonyms acoramentu, atzuconamentu, singurtu, sucúturu, surpúliu, tzuconi, tzúcuri / afandha, assúpidu, bémida, irbúfida Idioms csn: s. assutu = chentza làgrimas; s'últimu supédhidu = s'úrtima torrada de àlidu chi faghet unu morindhe Sentences apustis de pac'ora est ghirada pranghendhe a supedhu pro sa sorre ◊ sessae sos supedhos, chi no est ora de prànghere! ◊ che so curtu isalenau e pranghendhe a supedhu 2. sas bajanas giughiant su coro a supedhos daghi intendhiant sos bajanos cantendhe in su giannile ◊ est proghendhe a supedhu e no b'at ànima in ziru Etymon srd. Translations French sanglot English sob, snort Spanish sollozo, bufido Italian singulto, sbuffo German Schluchzer, Schnauben.

supèlva, supélvia , nf: superba, superva, supeva, supreva Definition genia de mata manna chi a logos narant mela supelva e faet linna forte, dereta e bona po òpera; su frutu (upm) chi faet a bisura de pibione o de pirastedhu piticu, cun sèmene meda, a apicones o romaglietes de deghe o bíndhighi superbas, est bonu a papare candho est fatu, cun sa prupa in colore de castàngia (si est crefu, innanti grogo ma orrúbiu a s'ala de su sole, arreschet ingurtindho!) Synonyms e antonyms sorba, subreba, suerva, supurva, trueba, tzorfa / isermegna, sísaba Sentences unu romagliete de supeva ◊ sa superba faghet bene pro passare s'iscussura (e chi si ndi papat meda arrescit su carru!) Scientific Terminology mtr, lno, Sorbus domestica Translations French sorbier, sorbe English sorb (apple) Spanish serbal, serba Italian sòrbo, sòrba German Spierling, Vogelbeere.

supentíre , vrb Definition pentzare o èssere presente cun is sensos a su chi si biet o chi s'intendhet Synonyms e antonyms atinai, atoare, penciai Sentences no supentit prus ◊ s'ómine, su piús no supentiat ilgadaradu a un'oru che mortu (P.Casu)◊ inoraona, ajó, ischida: apen'apena a sa boghe supentis! ◊ supenti e pesadindhe! ◊ supentit de tantu in tantu e si li movet su bultzu Translations French avoir conscience English to be conscious Spanish ser consciente Italian èssere cosciènte German sich bewusst sein.

supèra , nf: supiera Definition istrégiu largu po pònnere minestra de brodu cota, a dha pònnere in sa mesa Synonyms e antonyms latiera 1, minestrera, sartzera Sentences at postu una supera subra de sa banca ◊ sa pasta poneidha in sa supera! ◊ e allu rutu in sa supera piena de su giodhu ammadrigadu! ◊ aundi dhoi at pratus e superas brutas currit sa musca Scientific Terminology stz Etymon itl. Translations French soupière English tureen Spanish sopera Italian zuppièra German Suppenschüssel.

superài, superàre suberàre

supèrba supèlva

supérbia , nf Synonyms e antonyms altària, altivesa, barrosia, intreore, madérria, magnosidade.

superbiósu , agt, nm: superviosu Definition nau de unu, chi o chie si credet meda, no si abbàsciat a s'àteru Synonyms e antonyms magnosu 1, mannósigu, presumidu, strufudhosu | ctr. úmbile, umiliosu Sentences no bolit is superbiosus, ma istimat e avalorat is úmilis e onestus Scientific Terminology ntl Translations French hautain English haughty Spanish soberbio, presumido Italian supèrbo German überheblich.

supércu subélciu

superiòre, superiòri , agt, nm Definition chi o chie est prus mannu, méngius, podet de prus Sentences serat in isse una fortza superiore.

superioridàde, superioridàdi , nf Definition su èssere superiore.

superlatívu , agt Definition chi est de gradu superiore, su prus artu.

supermercàdu , nm Definition genia de butega, po su prus manna de ocupare unu dominàriu fintzes a tantos pianos e milas de metros cuadraos de istérria, ue si bendhet a sa minuda de dónnia cosa e donniunu si serbit issu e atóbiat solu a pagare a sa essia.

supérnu , agt Synonyms e antonyms superiore.

superògna, superonía, superónnia , nf Definition su si crèdere méngius de is àteros, de ischire totu, de no àere bisóngiu de àtere Synonyms e antonyms prejumu, presuméntzia | ctr. umilesa Sentences tue no as de ti abbasciare ca ses chin sa superogna de èssere menzus de onzune! (S.Saba)◊ lassendi a parti sa superogna, e de is collegas manc’unu ndi ofendu (Maxia S.)◊ donna Cristina fiat vanagloriosa e ti castiàt sèmpiri cun superónnia.

supèrva supèlva

superviósu superbiósu

supesàre , vrb Definition artzare, pesare de terra; cunsiderare, nàrrere cantu o ite balet ccn. cosa, cunsiderare bene Synonyms e antonyms alciare, pesai / cunfígiri, pesai 2 / calculai | ctr. abasciai Sentences mira chi sa madrighe est supesendhe! ◊ ndhe supesat s'imbóligu dae terra e si lu ponet in coa ◊ un'undha dae palas alta e forte lu supesat ◊ supesados a bolu dae terra, milliones de ojos incantados bos ant acumpagnadu 2. sas poesias cherent bene supesadas pro ndhe seberare sa menzus ◊ eo supeso sas cosas, abbàido ite ndhe podet capitare 3. sos pes muntenent sa càssia supesada dae terra Etymon srd. Translations French soulever English to lift Spanish levantar, sopesar Italian sollevare, soppesare German heben.

supèva supèlva