toràrzu telàgiu
torbàdu, torbàu , nm: turbadu Definition calidade de bide e de àghina bianca, su binu chi si ndhe faet Scientific Terminology frt Etymon ctl. turbat.
tòrchere tòlchere
tórchidu , pps, agt: tórchiu, tórciu, tróchidu, tróciu [tró-ci-u] Definition de tòrchere, tòrciri Synonyms e antonyms dórchidu / frantu, transiu.
torchiète , nm Definition genia de cricu, de cosa tundha, cosa chi si movet coment'e faendho unu cricu Sentences cudha tzia fachiat annare su bachedhu canno a tzirollos e canno a torchietes, peri sas àgheras e terra terra ◊ canno ghirat imbreacu fachet su caminu a torchietes ◊ sas alasdepedhe volant a torchietes.
tórchita , nf: dórchida,
tróchia,
tróchida,
trócida,
trótzida Definition
su tòrchere; móvia forte a cropu e a betu malu de un'arremu isfortzandho s'annoigadórgiu; fintzes borta o furriada chi faet unu camminu, un'istrada
Synonyms e antonyms
isgúbberu,
recracadura,
trochidura,
trunchinada
/
carronada,
furriada
Sentences
bio su prefeto a un'ala, a murrunzu, a tróchias de conca e a irmúrridos (A.G. Solinas)◊ si at fatu una tróchia a un'anca ◊ s'ègua si at fatu una trócida e no podit cúrriri
Etymon
srd.
Translations
French
entorse
English
sprain
Spanish
esguince
Italian
stòrta,
distorsióne
German
Verstauchung.
tórchiu tórchidu
tórcia , nf: (tór-ci-a) Definition dolore a is annoigadòrgios prus che àteru po tróchia Synonyms e antonyms tórchita Sentences dhi ant fatu sa meigina de sa tórcia.
tòrcia , nf: tortza Definition àcia, candhela manna chi faet fràmula e lughe meda Synonyms e antonyms àcia 1, intortza Etymon itl. torcia.
torcidòri , agt Definition chi torcit, chi serbit a tròchere Etymon srd.
torcidróxu , nm Definition aina po tròchere, atrotigare filu o àteru Etymon srd.
torcidúra , nf: trocidura Definition su tròchere; fintzes su pònnere o trantzire a una parte o in assentu cosa chi istrobbat Synonyms e antonyms atrotoxadura, profizadura, retrocidura, retrocimentu Etymon srd.
torcighíglia , nf: tucighilla Definition genia de tzughitu artu in sa camisa de s'ómine, in su costúmene Synonyms e antonyms rucighilla Etymon spn. lechuguilla/tòrciri.
tòrciri tòlchere
torcisàrgiu , nm Definition una mata de ogiastu chi no arrennescet a crèschere ca (mescamente is crabas) che dhi papant is puntas modhes e faet a crispione Synonyms e antonyms crisioni.
tòrco , nm: troco, tròcu Definition genia de terra lugiana grassa, picigosa meda, e logu de terramíngiu deasi, fintzes arenatzu tostau, terra de granitu ancora tostada meda Synonyms e antonyms agridha, elvinu, gliurminu, lassedu, lozana, luzanitu, maremundhu, terrasanta Sentences innòi asuta agatas su troco si calas unu mesu metru: sa terra bona est in pitzus ◊ is murus de su mangasinu furint de troco e preda ◊ dhu narànt Terra Orrúbia poite igui dhue teniat troco meda Etymon srdn.
torculéri , nm Definition tipògrafu chi aprontat s'istampa, chi istampat is provas.
tórdinu , agt: túrdinu Definition chi no est deretu o, nau de ccn., chi andhat a iscutuladura, unu pagu a tzopu, pagu seguru, ma fintzes chi est alligru meda, totu prexau; chi s'istat citiu faendho finta de nudha 3. Elias fit intrau a cuchina tórdinu tórdinu: su babbu e sos frades fint semper dormios (S.Spiggia).
toréri , nm Definition
chie gherrat cun su magiolu, po fàere ispetàculu
Sentences
su toreri fiat in cumbata cun d-unu malloru arrui
Translations
French
toréro
English
toreador
Spanish
torero
Italian
torèro
German
Stierkämpfer.
tória , nf Definition cosa chi si narat a ifadu / istare a t. = a mémula, pedindho, a toroju, giaendho ifadu.