Ditzionàriu in línia
de sa limba e de sa cultura sarda

tràma , nf: tramma Definition filu po prènnere sa tela, su chi si passat a istúturu cun s'ordiu in is telàrgios cun s'ispola Idioms csn: fai una cosa a tramas tzopas, sopas = a coredhu, male, in manera chi is cosas no torrant paris; no zúghere una trama assuta = èssiri isciustu colagola, cun sa bestimenta isciusta totu; istudiare una cosa a trama trama = bene meda, a s'atenta, a puntinu; tramas iscapadas, in d-una faina = cosa chi pro paga atentzione ch'est colada chentza èssere fata bene Sentences su moentedhu si at papau sa funi de sa campana: lobai sa prova, dus lumburonis de trama! ◊ in su tessinzu bi at tramas iscapadas ◊ ti at frundhidu che lórumu de trama 2. oi ndi at arrutu una matulada de cussa burra: mi parit ca is topis funt fendindi trama ◊ de su dellúbbiu ndhe semus ghirados chentza una trama assuta! Etymon ltn. trama Translations French trame English weft Spanish trama Italian trama German Schuß.

tramacàle , nm Definition its, logu de malesa? Sentences Cainu atrubiscadu, isce puru at a cúrrere peri sas tupas e sos tramacales, che boe muilache.

tramàciu , nm, nf: tramatza, tramassu, tramatzu Definition genia de linna, prus che àteru a tupa, chi faet ororu de is errios e de su mare o fintzes in àteru logu de umidore Synonyms e antonyms framaritu, tamariche, tamaríciu*, tamariscu Sentences una mata de tramatza che ponzo in su zardinu ◊ su piciochedhu at fatu una traca cun arrampus de tramàciu istichius in su carrúciu Surnames and Proverbs smb: Tramatzu Scientific Terminology mt, Tamarix africana, T. gallica Translations French tamaris English tamarisk Spanish taray Italian tamerice German Tamariske.

tramàcu tamàciu

tramàdighe , nf Definition bobboi chi ponent a esca po cassare su pische Synonyms e antonyms tramarígia Translations French ver d'eau English sea-mouse, nereid Spanish afreza, bayo, lombriz de tierra Italian afrodite, nerèide, bruco di mare, ésca di fango German Borstenwurm.

tramafílu , nm: tramavia Definition trambullu, avolotu Idioms csn: a tramafilu = aira, a meda, a pil'in pedhe; bi est su tramafilu (in carchi chistione)= bi at zente trassendhe Sentences si ammenteit su tramafilu de su note: su curre curre, a boghes, a cuscuxinu, a lamenta, giannas abbelzèndhesi e tanchèndhesi 2. candho s'at fraigadu sa domo Pepantoni, bi fit sa zente a tramafilu e totu faghiant a brintzis proas pro carrare rena e pedra (G.Ruju)◊ nci at a èssi sa genti a tramavia, cras, po biri sa cummédia!

tramàghe, tramàgu tamàciu

tramài , vrb: tramare Definition tessendho, pònnere o passare sa trama; in cobertantza, odrire, cuncordare ingannos Synonyms e antonyms intramare Etymon srd.

tramajàna tamejàna

tramàju tamàciu

tramalítu tamaríciu

tramalléntzia , nf Definition su èssere tramalli, pagu crabbaos, ildeoltos Synonyms e antonyms innangarúmine, managhéncia, stramidadi.

tramallète , nm: arramaletu, gramagliete, ramagliete* Definition matzu de frores (o fintzes de àteru); in css. frutu, duos o tres o prus frutos atacaos apare a su cambu cun su tenaghe (es. cheréssia, tzorfa, pira) Synonyms e antonyms màrtulu, matzu, trintzilleri Sentences aio unu bellu tramallete de mazinedhas.

tramàlli , agt Definition nau de ccn., chi est pagu futu, pagu abbistu, bonu a nudha; chi est pagu crabbau po comente si movet, in su fàere Synonyms e antonyms babbalocu, casticau, gingiorre, saboju, tolondro Sentences nara, tramalli, bollis biri ca iscís cancuna cosa?!

tramàre tramài

tramaríghe , nm Definition lorighedha, genia de filighedhu chi unas cantu linnas (es. bide) bogant e imbodhigant a calecuna cosa coment'e po si mantènnere Synonyms e antonyms bentzígliu 1, pendhirighe.

tramarígia , nf: tremulígia, trimulígia Definition gremighedhu chi ponent a esca po cassare su pische Synonyms e antonyms tramàdighe Sentences trimulígia bia bia, trimuligioni e cambaredha! Scientific Terminology crp Etymon ctl. tremolitja.

tramarítu, tramarítziu tamaríciu

tramassài , vrb Definition cuncordare o odrire trampas, ingannos, cosa a dannu de s'àteru Synonyms e antonyms acolichiai, archimingiai, conziminare, intramassai, ordimignare, trafanare Sentences càstia ita totu iat tramassau cuss'ómini po cuai su dinai!… (A.Garau)◊ ita totu seis tramassendu?! ◊ càstia it'at tramassau custu dimóniu! Translations French conspirer English to conspire Spanish tramar Italian tramare, congiurare German stiften.

tramasséri , agt, nm Definition chi o chie cuncordat trampas, ingannos, aprofitamentu Synonyms e antonyms ingannile, tramposu Sentences a cussu no dhi apu mai ghetau istima, cancuna cosa mi narat ca est unu tramasseri mau!