A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tràma , nf: tramma Definizione filu po prènnere sa tela, su chi si passat a istúturu cun s'ordiu in is telàrgios cun s'ispola Modi di dire csn: fai una cosa a tramas tzopas, sopas = a coredhu, male, in manera chi is cosas no torrant paris; no zúghere una trama assuta = èssiri isciustu colagola, cun sa bestimenta isciusta totu; istudiare una cosa a trama trama = bene meda, a s'atenta, a puntinu; tramas iscapadas, in d-una faina = cosa chi pro paga atentzione ch'est colada chentza èssere fata bene Frasi su moentedhu si at papau sa funi de sa campana: lobai sa prova, dus lumburonis de trama! ◊ in su tessinzu bi at tramas iscapadas ◊ ti at frundhidu che lórumu de trama 2. oi ndi at arrutu una matulada de cussa burra: mi parit ca is topis funt fendindi trama ◊ de su dellúbbiu ndhe semus ghirados chentza una trama assuta! Etimo ltn. trama Traduzioni Francese trame Inglese weft Spagnolo trama Italiano trama Tedesco Schuß.

tramacàle , nm Definizione its, logu de malesa? Frasi Cainu atrubiscadu, isce puru at a cúrrere peri sas tupas e sos tramacales, che boe muilache.

tramàciu , nm, nf: tramatza, tramassu, tramatzu Definizione genia de linna, prus che àteru a tupa, chi faet ororu de is errios e de su mare o fintzes in àteru logu de umidore Sinonimi e contrari framaritu, tamariche, tamaríciu*, tamariscu Frasi una mata de tramatza che ponzo in su zardinu ◊ su piciochedhu at fatu una traca cun arrampus de tramàciu istichius in su carrúciu Cognomi e Proverbi smb: Tramatzu Terminologia scientifica mt, Tamarix africana, T. gallica Traduzioni Francese tamaris Inglese tamarisk Spagnolo taray Italiano tamerice Tedesco Tamariske.

tramàcu tamàciu

tramàdighe , nf Definizione bobboi chi ponent a esca po cassare su pische Sinonimi e contrari tramarígia Traduzioni Francese ver d'eau Inglese sea-mouse, nereid Spagnolo afreza, bayo, lombriz de tierra Italiano afrodite, nerèide, bruco di mare, ésca di fango Tedesco Borstenwurm.

tramafílu , nm: tramavia Definizione trambullu, avolotu Modi di dire csn: a tramafilu = aira, a meda, a pil'in pedhe; bi est su tramafilu (in carchi chistione)= bi at zente trassendhe Frasi si ammenteit su tramafilu de su note: su curre curre, a boghes, a cuscuxinu, a lamenta, giannas abbelzèndhesi e tanchèndhesi 2. candho s'at fraigadu sa domo Pepantoni, bi fit sa zente a tramafilu e totu faghiant a brintzis proas pro carrare rena e pedra (G.Ruju)◊ nci at a èssi sa genti a tramavia, cras, po biri sa cummédia!

tramàghe, tramàgu tamàciu

tramài , vrb: tramare Definizione tessendho, pònnere o passare sa trama; in cobertantza, odrire, cuncordare ingannos Sinonimi e contrari intramare Etimo srd.

tramajàna tamejàna

tramàju tamàciu

tramalítu tamaríciu

tramalléntzia , nf Definizione su èssere tramalli, pagu crabbaos, ildeoltos Sinonimi e contrari innangarúmine, managhéncia, stramidadi.

tramallète , nm: arramaletu, gramagliete, ramagliete* Definizione matzu de frores (o fintzes de àteru); in css. frutu, duos o tres o prus frutos atacaos apare a su cambu cun su tenaghe (es. cheréssia, tzorfa, pira) Sinonimi e contrari màrtulu, matzu, trintzilleri Frasi aio unu bellu tramallete de mazinedhas.

tramàlli , agt Definizione nau de ccn., chi est pagu futu, pagu abbistu, bonu a nudha; chi est pagu crabbau po comente si movet, in su fàere Sinonimi e contrari babbalocu, casticau, gingiorre, saboju, tolondro Frasi nara, tramalli, bollis biri ca iscís cancuna cosa?!

tramàre tramài

tramaríghe , nm Definizione lorighedha, genia de filighedhu chi unas cantu linnas (es. bide) bogant e imbodhigant a calecuna cosa coment'e po si mantènnere Sinonimi e contrari bentzígliu 1, pendhirighe.

tramarígia , nf: tremulígia, trimulígia Definizione gremighedhu chi ponent a esca po cassare su pische Sinonimi e contrari tramàdighe Frasi trimulígia bia bia, trimuligioni e cambaredha! Terminologia scientifica crp Etimo ctl. tremolitja.

tramarítu, tramarítziu tamaríciu

tramassài , vrb Definizione cuncordare o odrire trampas, ingannos, cosa a dannu de s'àteru Sinonimi e contrari acolichiai, archimingiai, conziminare, intramassai, ordimignare, trafanare Frasi càstia ita totu iat tramassau cuss'ómini po cuai su dinai!… (A.Garau)◊ ita totu seis tramassendu?! ◊ càstia it'at tramassau custu dimóniu! Traduzioni Francese conspirer Inglese to conspire Spagnolo tramar Italiano tramare, congiurare Tedesco stiften.

tramasséri , agt, nm Definizione chi o chie cuncordat trampas, ingannos, aprofitamentu Sinonimi e contrari ingannile, tramposu Frasi a cussu no dhi apu mai ghetau istima, cancuna cosa mi narat ca est unu tramasseri mau!