A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tràira tràbila

tràiri tràere

traisciòne traiciòne

traiscòne , nm Definizione trau, magiolu piticu, giòvono Sinonimi e contrari tentógliu, traizolu Etimo srd. Traduzioni Francese taurillon Inglese bullock Spagnolo novillo Italiano torèllo Tedesco junger Stier.

traissiòne traiciòne

traitoràtzu , agt, nm Definizione traitore malu: prus che àteru nau a disprétziu Sinonimi e contrari traitore.

traitòre, traitòri , agt, nm Definizione chi o chie afartzat sa fide, benit mancu a sa fide chi s'àteru dhi at giau o dhi giaet / a traitorinu = a traitoria, a s'irfidiada, a s'ispensada, candho unu no si dh'ibertat Sinonimi e contrari alevosu, traixinu, trebiali Frasi mundhu traitore, totu trampas, totu ingannia! ◊ lu pintat coment'e traitore a manera de Giudas e Cainos ◊ niunu sa fide giutesit a mie: totu los incontresi traitores ◊ l'apo cumpresa: unu traitore in mesu bi amus! ◊ cussu est traitore che Zuda Traduzioni Francese traître Inglese traitor, deceptive Spagnolo traicionero, traidor Italiano traditóre, adúltero Tedesco Verräter.

traitoría , nf, nm: traitoriu Definizione fata de traitores, su portare ingannu a unu, su dhi fàere crèdere una cosa po un'àtera apostadamente po dh'ingannare, mescamente faendho fintas de dhi bòllere bene, de dh'istimare Sinonimi e contrari afaltzadura, irfídia, traicione / cdh. tradituria Modi di dire csn: portai t. a unu = zúghere sa traitoria a unu; fai una cosa a t. = a traitzioni Frasi a issu dh'ant ochitu a traitoria sos paesanos suos etotu ◊ teniat bandhidos in domo e a traitoria los at béndhidos a sa zustíssia ◊ cussu est unu chi andhat cun traitoria ◊ sa traitoria est mala, dadebbei atentzione! ◊ dh’ant agghentzau a traitoria e che dh'ant furau Etimo srd. Traduzioni Francese trahison, infidélité Inglese infidelity, treason Spagnolo traición Italiano tradiménto, infedeltà Tedesco Verrat.

traitorínu , avb Definizione a t. = a traitoria, a ingannu Frasi s'àstiu mi leat a traitorinu chi ti ligat in sorte a sa priorissa.

traitoríu traitoría

traítu , pps, agt Definizione de traíchere Sinonimi e contrari traíchiu 2. a rúghere traitu dae sa cumarca fit s'ofesa prus manna pro sa zente de campanna ◊ su coro mi dat s'apolta chi mai tenzo fortuna: ndhe so amendhe ateruna, ma forsis traitu so! (G.Pinna) Traduzioni Francese trahi Inglese betrayed Spagnolo traicionado Italiano tradito Tedesco verraten.

traitzèlla , nf Definizione genia de fuste inue si apicat cosa po dh'asciutare o chistire Sinonimi e contrari béltiga, pértia, tràica Frasi in cuchina tenet traitzellas de sarditza frisca Etimo itl. travicello.

traitziòne, traitziòni traiciòne

traivénu tragavénu

traixédhu , nm Definizione min. de trau, trauchedhu.

traiximéntu traighiméntu

traixínu , agt, nm Definizione chi o chie afartzat sa fide, chi traighet, benit mancu a sa fide chi s'àteru dhi at giau o dhi giaet, e no faet a si ndhe fidare Sinonimi e contrari alevosu, ifidau, traitore, trebiali Etimo srd. Traduzioni Francese sournois, faux Inglese treacherous Spagnolo de poco fiar Italiano infido Tedesco treulos.

traíxiri traíchere

traíxiu traíchiu

traizólu , nm Definizione trae minore; fintzes trau o magiolu piticu Sinonimi e contrari traicioba / currente 2, trabitzedhu / tentógliu, traiscone Frasi sa domedha antiga est chin copertura de téula e canna, traizolos e carchi trae manna de gheníperu Etimo srd.