A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tramàssu tramàciu

tramàta tamàta

tramàta 1 , nf: tramatza 1, tremata Definizione banita, una genia de sacone (o camisa) prenu a pígiu grussu parívile de cosa modhe (lana, crinu, àteru) po letu, largu e longu su matessi tanti, cun puntos de tretu in tretu de parte a parte (in su sensu de sa grussària) a manera de poderare su prenimentu istérriu chentza si ammuntonare o fàere a fossu Sinonimi e contrari bainta, ballita, istrabunta, mantabafu, sabanita, sacone / cdh. stramatza Frasi sas tramatas de lana sunt caentosas ◊ sas tramatas chi essiant dae manos de su tramataju nostru no las faghiant mancu sos menzus tapetzeris ◊ istat mezus cue chi no in su bàntzigu, ancus chi assupridu de tremata de issurdorija Etimo itl. stramazzo Traduzioni Francese matelas Inglese mattress Spagnolo colchón Italiano materasso Tedesco Matratze.

tramatàju , nm: tramatzàgiu Definizione (f. -a) chie faet tramatas, banitas Sinonimi e contrari baniteri, matalaferi Frasi candho sas modas de sas tramatas de gommapiuma no fint intradas in bidha, su tramataju fit chilcadu Etimo srd. Traduzioni Francese matelassier Inglese mattress-maker Spagnolo colchonero Italiano materassàio Tedesco Matratzenmacher.

tramàtiga tamàtiga

tramatòla , nf Definizione tramatedha, banita pitica Etimo srd.

tramatólu , nm Definizione tamatedha minore, tamàtiga pitica.

tramàtza tramàciu

tramàtza 1 tramàta 1

tramatzàgiu tramatàju

tramatzèta , nf Definizione min. de tramatza 1: sa modhita, bàtile, isterrimentu chi si ponet asuta de sa sedha Sinonimi e contrari bàtibi Frasi s'àinu suta de su sedhone giughet sa tramatzeta.

tramàtzu tramàciu

tramavía tramafílu

trambedhài , vrb Sinonimi e contrari istantonai, tontonae.

trambellàre , vrb Definizione orrúere camminandho po neghe de calecuna cosa chi at traténniu su pei Sinonimi e contrari abbruncai, atzupare, imbronconai, imbruncai 1, istambecare, trabbucai 1 Frasi artiandhe e calandhe trambellant secàndheti s'àlinu.

trambéllu , nm Definizione chie o cosa chi est de istrobbu, baraundha / t. de zente = muntone de gente, gente meda 2. a múilos de sonazos si mescrant sos cantos de sos puzones: totu est unu trambellu de chidérios chi alligrant s'aera (L.Loi) Etimo itl. troppello.

trambíche, trambíchi , nm: tramichi Definizione genia de tela fine, de cotone Sinonimi e contrari cambré, cambresina, cambrí* Frasi so cosíndhemi a manu sas camisas, sas de trambiche, e sunt una dusina ◊ de trambichi faiant sa camisa de sa fémina.

trambòlla , nf Sinonimi e contrari farrassa, imbovu, ingànniu, tràglia, tramòglia Frasi is acàpius, is trambollas portant a èssi sutumítius e bincit su prus forti Traduzioni Francese duperie Inglese cheating Spagnolo embaucamiento Italiano turlupinatura Tedesco Schwindelei.

trambollài , vrb Definizione pigare a trampa, a ingannu Sinonimi e contrari abbuvonare, coglionai, colovrinare, imbaucare, imbuvonare, improsae, ingannai, mariolare, piocai, trampai Frasi s'erricu a trassa e a fartzidadi at trambollau su fradi (G.Moi)◊ funt agiudendu a imbovai e trambollai sa genti innioranti Traduzioni Francese duper Inglese to cheat Spagnolo embaucar Italiano turlupinare Tedesco täuschen.

trambucàda , nf: trambucata Definizione su trambucare camminandho, atumbada de pei a calecuna cosa e movimentu coment'e orruendho Sinonimi e contrari atuviada, atzupada, ilbronchiada, imbronchiada, trabbucu / abbrúnciu, arrocu, atzopu, barrancu, imbàssinu, imbrúnchinu, imbrunchioni, immulcionada Frasi apo fatu una trambucada che tzegu! ◊ coment'est su logu totu fossos e a s'iscuru che so andhadu totu a trambucadas ◊ ite ndhe ischint sos àteros de sas trambucadas tuas in sa vida? Etimo srd. Traduzioni Francese trébuchement Inglese stumble Spagnolo tropezón Italiano inciampaménto, inciampata Tedesco Stolpern.