A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

coghidòra cochidòra

coghidúra cochidúra

coghíle , nm Definizione foghile, forredha, inue si coet cosa.

coghímini , nm Definizione cosa de cogas, de majàrgios Sinonimi e contrari aciseria, afatúgiu, brusceria, magina, majalzadoria Frasi fiat un'ómini chi no crediat a su coghímini Etimo srd.

coghína cochína

coghinàre cochinàre

coghinàu , nm Definizione segada o fintzes fruschedha chi at fatu matéria Terminologia scientifica mld.

coghinèdha , nf Definizione min. de coghina, coghina pitica, logu fatu solu po fàere a papare Terminologia scientifica dmo Traduzioni Francese kitchenette Inglese small kitchen Spagnolo cocina pequeña Italiano cucinino Tedesco Kochnische.

coghinèra cochinèra

coghinéri cochinéri

coghíngiu cochíntzu

cóghinu , nm Definizione dispraxere serrau chi faet andhandho e creschendho Etimo srd. Traduzioni Francese grand chagrin, grosse peine Inglese inexplicable increasing sorrow of the soul Spagnolo pesar Italiano dispiacére inspiegàbile che va in crescendo Tedesco unerklärbarer wachsender Gram.

coghínzu cochíntzu

cogiàda , nf: cojada, cojuada Definizione su si cojuare Frasi de sa cogiada mia nisciunu ndh'est cuntentu ◊ de custa cojuada ndhe tenzas consolu! ◊ gei dh'at fata sa cojada: sa mulleri si ndi est andada e issu torra in domu de sa mama!◊ pariat maseda, ma a sa cojuvada si est posta sa muzere a cumandhare! Etimo srd.

cogiadúra , nf Sinonimi e contrari cogiuognu, cojubiu Frasi no si la iscetaiat una cogiadura gai! Etimo srd.

cogiài , vrb: (co-gi-a-i) acogiai, coxiai Sinonimi e contrari abarrai, acadiare, acogiai, cambare, codiare*, coigiare, incoizare, lassai | ctr. pigai Frasi de cussu ciculati nd'at coxiau un'unconi ◊ chi còmporu cussu no mi cóxiat dinai.

cogiàna codiàna

cogiàre , vrb: cogiuare, cojai, cojare, cojari, cojuare, cosuare, couare, coxare, coxuare, cozare Definizione pigare pobidha o pobidhu, o fintzes giare a pobidha, a pobidhu, nau siat in su sensu de s'impromítere e siat in su sensu de fàere sa cójua in crésia o in comuna / cojuare a unu, a una = cojàresi cun d-unu, cun d-una; èssere cojendhe = fidantzaos Sinonimi e contrari afidare, cojubare, isposai Frasi no timas de ti cojai cun Maria!◊ a Giuannedha l'amus a cojuare cun Larentu ◊ in chistiones de cojare no si óbbligat mai! ◊ no cògiat babbu e mama: chie cògio so deo! ◊ isse no si podet coxuare ◊ est su primu fuedhu ch’intendu ca cussa est cojada ◊ cussos fint cojendhe ma si sunt irbortados ◊ l'as fata s'aconcada a ti cozare cun d-una mandrona!… Cognomi e Proverbi prb: a cojai est un'ora, a prangi totu sa vida! Terminologia scientifica sntz Etimo ltn. coniugare Traduzioni Francese épouser, marier Inglese to marry Spagnolo casar Italiano sposare Tedesco heiraten.

cogína cochína

coginadòra Sinonimi e contrari cochinera, prantzera Frasi gommai fut una grandu coginadora e preparàt cosas bonas.