A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

conúgla cannúga

convéniu , nm: cumbéniu 1, cunvéniu Definizione genia de acórdiu chi si faet mescamente tra amministratziones Sinonimi e contrari acódriu, cuntratu, cunventzione Frasi iscontzau su cumbéniu, ca fiat fatu chentza zéniu, iscontzau su cuntratu ca chentza zéniu fiat fatu! Etimo spn. convenio Traduzioni Francese convention Inglese convention Spagnolo convenio Italiano convenzióne Tedesco Abkommen.

conversiòni , nf: cunversione Definizione cambiamentu mannu, mescamente in chistiones de fide religiosa, in su sensu de cundivídere e pratigare su chi sa fide arrechedet, cambiamentu de ideas Sinonimi e contrari cumbertimentu Frasi s'òpera de sa conversioni non si perfetzionat ne in oras, ne in dis ◊ est sempre tempus de pregadoria, de pentimentu e de cunversione! Traduzioni Francese conversion Inglese conversion Spagnolo conversión Italiano conversióne Tedesco Übertritt.

conzàle congiàli

conzàrzu , nm Definizione maistu chi faet istrégiu de terra Sinonimi e contrari congiobraxu, strexaju Etimo srd.

conzèdha , nf Definizione genia de istrégiu de terra a bàtoro asas; una perra de su corgiolu de sa nughe e fintzes su corgiolu de s'ou apustis essiu su pudhighinu; a logos est ferru (sonàgia) chi si apicat in su tzugu a is animales, po sonare, o fintzes casigiolu Sinonimi e contrari bróina Terminologia scientifica stz Etimo srd. Traduzioni Francese petite jarre Inglese small pitcher Spagnolo pequeña jarra Italiano pìccolo órcio Tedesco kleiner Krug.

conzédhu congédhu

conzèdo congèdu

conziminàre , vrb: aconziminare, cungiminai, cungimminai, cunziminai Definizione cuncordare, aprontare, pònnere a postu, intrare apare cosas Sinonimi e contrari codrimingiai, cuncodrai, cuntzebire, ingrauciare, ordimignare, ziminare | ctr. isconsiminzare Frasi coces, fressadas, lentolos e iscacos tocaiat a nois a los conziminare ◊ fraghigendi is arrastus cungímminat is trastus ◊ ocannu sa cummédia dh'at bófia cungiminai ammarolla cussu ◊ a mi ndi furai a filla mia a tres oras de noti chini dhu podiat cunziminai?! ◊ is tzeracus boliant papai petza e ant cunziminau de bocí una mallora Etimo ctl. conjuminar Traduzioni Francese combiner Inglese to combine, to compose Spagnolo combinar, arreglar Italiano combinare, compórre Tedesco zusammenstellen.

conzolàlzu congiobràxu

conzólu cangiólu

cónzu cógnu

cónzu 1 , nm Definizione orrughedhu de linna chi in s'arau si ponet a cotza po firmare s'ispada o nérbiu a sa timona a manera de mantènnere s'apertura chi si bolet de s'arau, po calare a fundhu unu tanti Sinonimi e contrari cangiolu Etimo ltn. cuneus + conus.

conzuntívu congiuntívu

conzuntúra congiuntúra

còpa , nf: cupa, gopa Definizione est sa base (prus che àteru tundha) de linna ue si ponet su braxeri, ma dhu narant fintzes a su braxeri etotu: genia de istrégiu tundhu a oros bàscios po pònnere braxa a caentare fora de sa forredha / c. cun is cambas = zenia de isterzu supesadu de bi pòdere arrustire cosa istendhe ritzos Sinonimi e contrari brageri, tonte Frasi po callentai su logu ponint braxa in sa cupa ◊ candu fiat frius poniant una cupa de craboni allutu in mesu de s'aposentu ◊ in s'ierru si setziat impari cun is neboris a giru de sa cupa contendi contixedhus ◊ cussu mastru fachiat petzi cupas de brasieri Etimo spn. copa Traduzioni Francese brasier Inglese brazier Spagnolo brasero Italiano bracière Tedesco Kohlenpfanne.

còpa 1 , nf Definizione genia de càlighe mannu, bellu, chi si giaet a prémiu.

copànte , nm: cupante Definizione animali croxiu, de mare, una genia de aligusta manna (e portat is primas duas cambas parent tonàgias) Sinonimi e contrari lenfru, lifante, longhifanti / cdh. cupanti Terminologia scientifica crx, astacus gammarus Traduzioni Francese homard Inglese lobster Spagnolo bogavante Italiano àstice, òmaro Tedesco Hummer.

copedhàre , vrb: corpedhare Definizione giare cropos, prus che àteru piticos, lestros aifatu de pare, istare giaendho cropos Sinonimi e contrari colpare, fèrrere, tochedhare Frasi in iscola a segare, a corpedhare, a pulire, a tínghere, e gai, mancu a zogu, mancu brullendhe faghet ◊ ite li ses corpedhendhe, a martedhu, a cussa cosa? ◊ s'intendhet su mastru de linna corpedhendhe, paret puntzitendhe carchi cosa 2. unu túnciu paret essendhe dai sos muros e copedhendhe a balcones e giannas Etimo srd. Traduzioni Francese battre, taper plusieurs fois Inglese to beat over and over Spagnolo golpear muchas veces Italiano bàttere ripetutaménte Tedesco wiederholt schlagen.

copelciàda , nf: copercada Definizione su copercare; gigantinu, tumba de s'antigóriu fata cun pedras covecadas de ammontu apitzu de àteras postas prantadas Terminologia scientifica opan Etimo srd. Traduzioni Francese dolmen Inglese dolmen Spagnolo dolmen Italiano dòlmen Tedesco Dolmen.