A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cracàriu cacàriu

cracasciài , vrb: cracaxai 1 Definizione su crochidare o crocolare chi faet sa màdria angiada candho si acostit ccn. a is prochedhos (ma si narat fintzes de porcu bastat chi siat candho crócolat papandho o tzatzau, e si narat de sa pudha puru) Sinonimi e contrari crochidare / calcarare 2. intè, intè sa pudha cracascendu: si bit ca at fatu s'ou! Terminologia scientifica bga Etimo srd. Traduzioni Francese grogner (en parlant de la truie) Inglese to grunt Spagnolo gruñir Italiano grugnire della scròfa Tedesco grunzen.

cracàsciu carcàssu

cracatrípa carcadrípa

cracàu , pps, agt Definizione de cracai, de -are 1 / èssiri a itzugu c. = nau de ccn. chi portat su tzugu curtzu meda, coment'e aciuvau Sinonimi e contrari incarcau, istibbidu / acragadu 2. custu est piriciou chi apu cracau dèu ◊ bivint a coru cracau de unu calacorru de axiu ca no est seguru su cras ◊ Turcus e Morus, che frumi calau, a cuadhu si ghetant, a isproni cracau (M.Maxia)◊ est tonta cracada custa picioca! 3. fut cun sa berrita cracada in faci ◊ cussu est a itzugu cracau Traduzioni Francese pressé, serré, caillé Inglese pressed, curdled Spagnolo pisado Italiano pigiato, quagliato Tedesco gedrückt.

cracaxàda , nf Definizione su carcaxai Sinonimi e contrari abbaticada, incarcada Frasi su buginu nci artziàt asuba de su cundennau po dhi giai una cracaxadedha de peis Etimo srd.

cracaxài carcaxài

cracaxài 1 cracasciài

cracaxòla cracaciòla

cràche càlche

crachèdha cacalèdha

crachedhàre calchedhàre

crachédu , nm Definizione logu imbuschiu, tibbu de matedu Sinonimi e contrari crachi, frascarzu, lita, tèpere, tuparzu, tupedu Frasi su linnajolu est faghinne linna in su crachedu.

crachèra calchèra

cracheràju , nm Sinonimi e contrari cacigadori, catigherarzu, iscarchiadore Frasi sos runnadores cracherajos lassadu ant sas fainas eredadas (S.Are)◊ sos cracherajos lussurzesos annànt peri sas bidhas a regòllere su fresi Terminologia scientifica prf Etimo srd.

cracheràre calcheràre

cracheràtzu , agt, nm Definizione chi o chie istat andhandho, sèmpere in giru Sinonimi e contrari arroliadori, bandhuleri, rundhajolu, rundhanu, rundhellu, zirellu Etimo srd.

crachéri , nm Definizione umpedhu de ortigu po pònnere giodhu, cagiau o àteru de cosa de late Terminologia scientifica stz Etimo srd.

crachèsa calchèsa

cràchi , nm: cràchibi, cràchili, cràchini, cràchiri Definizione matedu bàsciu e cracu, tibbiu, logu prenu de linna a cracu, prus che àteru de tupas ma fintzes de matas mannas Sinonimi e contrari bedutzu, cascaràgliu, crachiredhu, craxili, frascarzu, lita, mateda, màtula 1, molalzu, stovina, tèpere 1, tuparzu, tupedu / cdh. tziresa Modi di dire csn: lassai a unu in campu e in c. = lassare a unu solu, totinduna, a si arranzare, lassare cun trinta e cun baranta, itl. piantare in asso; èssiri totu in campu e in c. = èssere abbertu in campu, totu in abbertu Frasi funt cràchiris mannus cun cerbus, murvonis e sirbonis ◊ seu passau in rocas liscinosas e cràchinis de tiria (A.Casula)◊ depeus andai a cussu crachixedhu a dhu scampiai Terminologia scientifica slg Etimo srd. Traduzioni Francese maquis, bois Inglese ground with branches Spagnolo hojarasca, espesura Italiano frasconàia Tedesco Gezweig.