A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cuadhissèdha , avb Definizione a c. = pònnere una cosa apitzu de s'àtera, nau mescamente de is cambas Etimo srd. Traduzioni Francese à califourchon Inglese astride Spagnolo a horcajadas Italiano cavalcióni Tedesco rittlings.

cuàdhu cabàdhu

cuadhúdu , agt Definizione nau de unu, chi si cumportat comente dhi meledat, dhi acucat, chentza cunsideru, abbetiosu, chi portat pudredhimi, chi fait cuadhus, letranghigurtzu, ispassientziau Sinonimi e contrari abbetiosu, cadredhosu, crecósigu, cuadhinàrgiu, físchidu Frasi furiat una fémina cuadhuda: candu su pobidhu circàt de dh'arrexonai si ndi bandàt a domu de sa mama Terminologia scientifica ntl Etimo srd.

cuadhuéngiu , nm Definizione genia de bobboi chi assimbígiat a unu pibitziri Sinonimi e contrari aberenza, bocigani, bociguadhus, segalàdiri, sennora 1, signorica 1 Terminologia scientifica crp Etimo srd.

cuadína , nf Definizione sa cosa cuada e su logu puru inue si cuat Sinonimi e contrari acuadórgiu 2. cussos logos sunt cuadina de zente mala! ◊ ti ant tentu cuada in cuadina Etimo srd. Traduzioni Francese choses cachées Inglese hidden things Spagnolo cosas escondidas Italiano còse nascóste Tedesco versteckte Sachen.

cuadórzu , nm, agt: acuadórgiu, cuadroxu, cuatógliu, cubadorju, cuvadorju Definizione logu inue faet a si cuare o dhue at cosa o gente cuada Sinonimi e contrari acucadolzu, costoidorzu, cuadina, incóvinu, isticarzu, istichidórgiu, remunidorzu Frasi sas pudhas si ant fatu su cuadorzu in sa cresura 2. candho si sunt saludaos, carchi làcrima cubadorja lis at surcau sos càvanos assutos e carraitos Etimo srd. Traduzioni Francese cachette Inglese hiding-place Spagnolo escondite Italiano nascondìglio Tedesco Versteck.

cuadradòre , nm Definizione chi o chie cuadrat, serbit a cuadrare.

cuadradúra , nf Definizione su cuadrare, fàere cuadru, a cuadrau Sinonimi e contrari cuadramentu Traduzioni Francese quadrature Inglese squaring Spagnolo cuadratura Italiano quadratura Tedesco Abvierung.

cuadrài , vrb: cuadrare Definizione fàere cuadru, giare una forma cuadrada; si narat fintzes in su sensu de torrare apare is contos, de cumbènnere, pràghere Sinonimi e contrari cubbai Traduzioni Francese carrer, s'accorder Inglese to square Spagnolo cuadrar, corresponder Italiano quadrare Tedesco abvieren.

cuadraméntu , nm Definizione su cuadrare, fàere a figura cun àngulos de noranta grados e latos oguales Sinonimi e contrari cuadradura Etimo srd. Traduzioni Francese équarrissage Inglese squaring Spagnolo el escuadrar Italiano squadratura Tedesco Zuschneiden.

cuadrànte, cuadrànti , nm Definizione donniuna de is bàtoro partes de unu cricu ispartziu cun duos diàmetros a noranta grados s'unu cun s'àteru; in is arrellòrgios, cricu ue funt marcaos is oras e is minutos.

cuadràre cuadrài

cuadràtu , nm, agt Definizione genia de figura prana chi portat bàtoro latos oguales chi faent àngulos donniunu de noranta grados; chi est a bisura de cuadru Sinonimi e contrari cuadru Traduzioni Francese carré Inglese square Spagnolo cuadrado Italiano quadrato Tedesco viereckig, Quadrat.

cuadretàre , vrb Definizione fàere o ispartzire a cuadretedhos Sinonimi e contrari acuadrigliare Traduzioni Francese quadriller Inglese to divide into squares Spagnolo cuadricular, recuadrar Italiano quadrettare Tedesco karieren.

cuadretàrju , nm Definizione operaju chi segat su ortigu a cuadros a dh'aprontare po fàere is tapos Terminologia scientifica prf Etimo srd. Traduzioni Francese ouvrier qui coupe le liège en carrés pour en faire des bouchons Inglese divider into squares Spagnolo obrero que corta el corcho en cuadros para tapones Italiano quadrettatóre Tedesco wer kariert.

cuadrète , nm Definizione cuadredhu piticu, prus che àteru sa figura chi arresurtat cun línias o síngias iscritas postas parallelas e a noranta grados is unas cun is àteras.

cuadrísta , nm Definizione operaju chi segat su ortigu a cuadredhos de diferente mannària segundhu is tapos de fàere.

cuadríviu , nm Definizione tretu ue si atóbiant o de ue tzucant duas carrelas o orrugas, duas istradas a grughe Sinonimi e contrari gruxeri Terminologia scientifica bdh.

cuadróxu cuadórzu

cuàdru , nm, agt Definizione pintura, fintzes cun d-unu inghíriu de linna trebballada; parte de una màchina, de una butega o fàbbrica ue dhue at aparícios de controllu (es. interrutores, contadores e àteru); chi est fatu a cuadratu / min. cuadritu, cuadredhu; ràdica cuadra = in matemàtica, númeru chi, po èssere moltiplicau cun cussu etotu, giaet un'àteru númeru (es. su 3 est ràdica cuadra de 9), nau sèmpere in su sensu de cricare sa r.c. de unu númeru Frasi no bi at menzus cuadru de bellura candho su beranu mastru de sa pintura mudat a festa s'universu intreu (R.Bechere)◊ ndi est arrutu su cuadritu de s'aposentu miu 2. sa màchina ponet in motu ma no bi atzendhet su cuadru 3. chini nascit tundu non morit cuadru ◊ su logu de una domo si medit a metros cuadros Etimo itl. Traduzioni Francese tableau Inglese picture Spagnolo cuadro Italiano quadro, quadrato Tedesco Bild, viereckig, Quadrat.