A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

emigràdu , pps, agt, nm: emigrau Definizione de emigrare; chi o chie ch’est fora de su logu suo po trebballare 2. e cheres puru cudhos emigrados chi torrent prestu a s'abbitu insoro pro mezorare in sa terra nadia ◊ sardas mammas sempri prangendi po is fillus chi tenint emigraus! (G.Zedda)◊ non bolleus prus invasoris: emigraus, torrai a coltivai sa Sardigna! Traduzioni Francese émigré Inglese emigrant, emigrated Spagnolo emigrado Italiano emigrato Tedesco ausgewandert, Auswanderer, Emigrant.

emigrài , vrb: emigrare, emigrari Definizione andhare a s'apretu a logu angenu a cricare trebballu, tucare a fora Sinonimi e contrari disterrai, ispatriai Frasi azummai cun s'emigrassione noche aiant emigradu totu! ◊ su mesu de sa bidha mia si ch'est emigrada ◊ a terr'anzena che sunt emigrados lassendhe inoghe fizos e muzere (Gv.Piredda)◊ emigraus nosu fintzas cun is tallus de su bestiàmini Traduzioni Francese émigrer Inglese to emigrate Spagnolo emigrar Italiano emigrare Tedesco auswandern, emigrieren.

emigrànte, emigrànti , nm Definizione chie ch'est fora de sa terra de sa nadia po buscare trebballu Sinonimi e contrari emigradu Frasi in totue bi at Sardos emigrantes ◊ de trint'annos in goi amus connotu sos emigrantes a portessione ◊ che azis fatu sa vida emigrantes in terra istranza ◊ solu un'emigranti mi porit cumprendi chi bivit in ispera sempri de torrai! (C.Líndiri)

emigràre, emigràri emigrài

emigrasciòne, emigrassiòne, emigratziòne, emigratziòni , nf Definizione su emigrare; su che èssere emigraos e is emigraos etotu Sinonimi e contrari disterradura, disterru Frasi no fit tempus d'emigrasciones: fit s'abrile de sa vida! ◊ de emigratzioni issa no ndi at fatu ◊ cun s'emigratzione ant ispozadu sa Sardigna de sas menzus fortzas Traduzioni Francese émigration Inglese emigration, migration Spagnolo emigración Italiano emigrazióne Tedesco Auswanderung, Emigration.

emigràu emigràdu

eminéntzia , nf Definizione títulu chi si giaet a persona o autoridade de importu mannu Sinonimi e contrari ecelléntzia.

emisféricu , agt Definizione chi tenet sa forma de una mesa isfera.

emisfériu, emisféru , nm Definizione su metade de un'isfera, nau prus che àteru de is duas metades de sa Terra, de s'ecuatore a is polos Frasi sa Terra si podet partire in duos mesos: s'emisfériu sud e s'emisfériu nord.

emissàgliu, emissàriu , nm Definizione persona de giudu chi si mandhat a fàere una miscione díliga; foedhandho de is errios, s’erriu chi de unu lagu che bogat s'abba a mare Traduzioni Francese émissaire, canal d'évacuation Inglese emissary Spagnolo emisario, desaguadero Italiano emissàrio Tedesco Abgesandte, Sendbote, Agent, Emissär, Ausfluß.

emitzícru emicíclu

èmma , nf Definizione númene de sa de dóighi líteras de s'alfabbeto, iscrita / M, m /, manigiada po fonema bilabbiale nasale.

emmentàrzu , nm: ammentarzu Sinonimi e contrari fermentarzu*, fermentu, irmentazu, madriche.

èmmo, èmmu , avb Definizione foedhu po fàere a cumprèndhere s'adduimentu arrespondhendho a una pregonta, ma nau cun fortza o fintzes abbetiandho / torrare o dare su Chi emmo = torrai sceda nendi ca ei Sinonimi e contrari ei, eja, embo | ctr. nono Frasi l'apo nadu chi emmo ◊ si ti dant su "Chi emmo" cras ti pones in viàgiu ◊ emmo chi est gai! ◊ emmo, berus est! 2. emmo, emmo, a mi che andho: no che abbarro prus cun bois, inoghe! ◊ emmo, emmo, comente cherzo deo fato! Etimo ltn. immo Traduzioni Francese oui, bien sûr Inglese yes, of course Spagnolo sí, ciertamente Italiano sì, certaménte! Tedesco ja gewiß.

emorragía , nf Definizione foressia, iscolu o pérdia de sàmbene chi essit de sa carena a fora o fintzes a sa bandha de aintru in venas o artérias apertas.

emossiòne, emotziòni , nf Definizione genia de sentidu forte e de pagu dura chi si proat po calecuna cosa chi acontesset Traduzioni Francese émotion Inglese emotion Spagnolo emoción Italiano emozióne Tedesco Emotion, Erregung.

empíricu , agt Definizione nau de cosa chi si connoschet deasi a pràtiga, chi no est cosa de isciéntzia, no est de istúdiu fatu apostadamente a s'atenta e cun métidu.

èna , nf: aena*, oena Definizione genia de erba chi si sèmenat po brovendha, e fintzes s'areste chi creschet desesi; genia de pitarioledhu; su pigiolu de su linu, genia de filu chi giughent is erbas bonu po tèssere; css. cambu longu de erba, fintzes de àteru: ena de tzafaranu, de zuncu, parte de unu frore, genia de cambu filivili (itl. pistillo) chi de s’overa artzat e in punta portat su podhinedhu chi ingendrat is oos Sinonimi e contrari aenamurra, arvenarzu, enàrgiu, fenapu, fenarza, fenumurru 3. in cúcuru ti fichent unu giau, in donzi ena de pilu una bullita! Cognomi e Proverbi smb: Ena, Enas Terminologia scientifica rba, rbr Traduzioni Francese fibre Inglese fibre Spagnolo fibra Italiano fibra Tedesco Faser, Fiber.

èna 1 , nf Definizione su logu inue si tréulat su trigu, s'avena o àteru Sinonimi e contrari agliola Frasi su trigu s'apostaiat in sa posta e poi beniat carrucadu e si che gighiat a s'ena pro l'arzolare.

enàdi , nf: anade* Definizione sa calidade pesada apostadamente de una genia de pigiones mannos, prus che àteru de abba e a bicu largu Sinonimi e contrari nadre Terminologia scientifica pzn, anall.