A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

falchítu , nm Definizione genia de pigione; falche piticu Terminologia scientifica pzn.

fàlci fàlche

falcínu , nm Sinonimi e contrari faschina.

falcòne, falcòni , nm Definizione pigione mannu chi papat petza Sinonimi e contrari astore Cognomi e Proverbi smb: Falcone, Falconi Terminologia scientifica pzn Etimo ltn. falcone(m).

fàlda , nf: farda Definizione parte de unu bestimentu, telu de forma retangulare chi si ponet sa fémina in denanti acapiau a chintzu / min. faldina Sinonimi e contrari antaledha, àntela, davantabi, fadreta, fantallicu, fascadòrgia, frandha, panneananti, saúciu Frasi bunnedha e falda de seda, imbustu, isciaca e giupone t'istant a perfessione che a cudhe su fachile (Limbudu)◊ a durudduru tzia Mariola chi li at brujadu sa farda su ventu! Terminologia scientifica bst.

faldàre , vrb Definizione pònnere sa falda a is mascos po no impringiare is brebès a distempus Sinonimi e contrari afarditare, antedhare.

faldassài , vrb: afardassai, fardassae, fardassai, fardassare, fratassare, vardassai Definizione allisare arrebbussadura noa a fardassu, trebballare (istirare) s'ischedradura frisca, faendhodha Sinonimi e contrari acalociae Frasi maistu de muru… a chini ti at a biri fardassendi o a gaveta a codhu!… Etimo srd.

faldassaméntu , nm Definizione su fardassare, su trebballare ischedradura a fardassu Etimo srd.

faldàssu fadràssu

faldéri , agt, nm Sinonimi e contrari feminari Etimo srd.

faldèta fadrèta

faldichèra , nf Definizione (busciaca) in guefus de faldichera: genia de druches, tundhos che un'ou e imbodhigaos in paperi Etimo spn. faldiquera.

faldíta fadrèta

fàldula , nf Definizione genia de gunnedha Terminologia scientifica bst.

falentèsa , nf: balentesa* Definizione su èssere balentes, àbbiles Sinonimi e contrari astrúscia, falentia Frasi eo puru apo ispesas e de sas falentesas mi ndh'apo e mi ndhe servo.

falentía , nf: balentia* Sinonimi e contrari falentesa Frasi già bi lis apo dadu su recreu, si si lu cherent pònnere in falentias!

falentúra , nf: farentura Definizione calidades diferentes de farra betadas apare; fintzes sa podha (tzichi, scete) chi s’ispèrgiat apitzu de su panevresa candho si tendhet a cannedhu po dhu fàere de sa finesa giusta Sinonimi e contrari balentura* Frasi tia Tatónia ammódhigat su frammentalzu, dhi amméschiat farina, dh’impastat e dh'ispibísiat unu pagu de farentura a suba.

falèta , nf Definizione fasca Frasi sa faleta de sos Bator Moros de sa bandhera sarda Traduzioni Francese bandeau Inglese bandage Spagnolo venda Italiano bènda Tedesco Binde.

falfaruzéri , agt Definizione nau de materiale, de cosas de papare, chi essit o si faet a farinos Sinonimi e contrari farinatu, farinaxosu, isfarinosu, prude Etimo srd.

fallàda , nf: fellada, velada Definizione bestimentu: ispétzia de corpitu chi usant is féminas e chi si portat chentza abbutonare Terminologia scientifica bst Etimo itl. velada Traduzioni Francese casaque Inglese bodice Spagnolo corpiño de mujer abierto Italiano giubbettóne delle dònne Tedesco eine weibliche Westesorte.