A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

gregàllu gragàllu 3

grèglia , nf: grièglia Definizione trastu de ferru a pònnere po orrostire cosa cun sa braxa asuta Sinonimi e contrari cadriga, grabíglia Frasi Larentu coghet in sa grèglia a fogu, ma pro sa veridade no li noghet (Gv.Piredda) Etimo ctl. grella.

gregòre, gregòri , nm Definizione genia de terramíngiu, terra orrúbia, arenosa, de pagu contu, làngia Sinonimi e contrari gregu Frasi su làdiri fiat impastau cun palla de argiola e de argidha cun gregori.

gregoriànu , agt Definizione chi est dipéndhiu de su Paba Gregóriu, nau de una genia de càntigu e de música de crésia.

grégu , nm Definizione logu inue no dhue creschet matas, àrbures, terra mala, gregori Sinonimi e contrari gregori Terminologia scientifica slg.

grégu 1 grécu

gregúmene , nm Definizione su èssere gregos, susuncos, arrestigos, nau de su naturale de unu Sinonimi e contrari aggantzadura, asurímini, limiore, susuncúmini Frasi pro su gregúmene no lis at iscobiadu inube teniat aggubados sos marengos Etimo srd. Traduzioni Francese ladrerie, crasse Inglese stinginess Spagnolo tacañería Italiano taccagnerìa Tedesco Geiz.

grèi , nm Definizione pagu pagu, nau prus che àteru de tempus, iscutighedha Sinonimi e contrari gredu, iscuta Frasi fintzas de sa poberesa ndi ant iscípiu bodhiri greis e dis de cunfortu e de prexu Etimo ctl. en breu.

grèma , nf: gremma Definizione arrennegu chi unu si leat o chi dhi giaent: gremma est fintzes ispurgadura de bruncos, iscarràsciu, ispudu Sinonimi e contrari afuta, aragoni, arrennegu, bischiza, bústica, búzara, cardedha, crocone, gormone, stacu, studugu / istarràsciu, salchedha Etimo ctl. cremarse Traduzioni Francese rage, colère Inglese rage Spagnolo rabia Italiano ràbbia Tedesco Ärger.

gremàgliu gramàgliu

gremànu , agt Definizione nau de s'ógiu, chi est fatu de s'olia Sinonimi e contrari ermanu*.

grème ghèrme

gremèdha germèdha

gremedhànte , nm Definizione parte de is latzos, ispina inue s'infrissit sa gremedha o àteru bobboi Sinonimi e contrari paradroxa, pitzianti 1 Etimo srd.

gremédhiche ghermédhiche

gremédhiche 1 , nm Sinonimi e contrari arruga, berruca, cucurra, mamaruga, rugaruga Terminologia scientifica crp.

gremédhu , agt Definizione nau de cosa de còere sicada, àrrida (es. fae, chíghere), chi est de malu cotu, malu a còere Sinonimi e contrari malacoi | ctr. coxibi Traduzioni Francese de cuisson difficile Inglese hard to cook Spagnolo teniente, verriondo Italiano di diffìcile cottura Tedesco schwer kochbar.

grémida , nf Definizione acatare a ccn. in grémidas = sighire o agatare a unu faendho su dannu Sinonimi e contrari gréminu.

gréminu , nm Definizione male o dannu chi si faet apostadamente / sejare, collire a unu in g. = agataidhu fendi su dannu, iscolliri Sinonimi e contrari crímene* Frasi cale est su gréminu meu, chi ti ses postu a mi currigliare?! ◊ a un’ómine l'ant sejadu in gréminu chin d-una fémina cojuvada.

grémiu , nm: grémmiu Definizione genia de sótziu de is maistos de unu matessi mestieri; a logos, bratzada o fasche de fae tirada lassada a sicare po dha treulare, laore ammuntonau 2. sont garriandhe sos grémmios de sa fava pro la pònnere in sa terraja Etimo ltn. gremium Traduzioni Francese corporation Inglese corporation, guild Spagnolo gremio Italiano corporazióne Tedesco Innung.