A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

impabiglionàre , vrb Definizione pònnere su pabaglione (a su letu) Sinonimi e contrari apabaglionare Etimo srd.

impabonài , vrb: impaonare, impavonai, impobonai, impobunai Definizione incasciare filos de oro o de prata in s’atzàrgiu po bellesa; trebballare su ferru po dhi giare unu colore lúghidu Etimo spn. empavonar Traduzioni Francese damasquiner Inglese to damascene Spagnolo damasquinar Italiano damaschinare Tedesco damaszieren.

impabuciàre , vrb Frasi tue impabúcia pabiros e mudu! Traduzioni Francese écrivailler Inglese to scribble Spagnolo emborronar Italiano scribacchiare Tedesco lustlos schreiben.

impabúciu , nm Definizione genia de dificurtade, cosa o chistione chi no s'ischit su médiu de pigare, comente fàere Sinonimi e contrari impíciu Frasi fit andhada a testimonza pro ndhe lu bogare dae sos impabúcios (S.Patatu).

impacalaspàjas , avb Definizione impresse impresse, in lestresa, chentza istare a su duiddui Frasi impacalaspajas si fachent sos contos issoro e detzidint de annare.

impachetài, impachetàre imbachetàre

impaciàdu , agt Sinonimi e contrari impedidu, impiciadu.

impaciadúra , nf Definizione su impaciai, nau prus che àteru de sa dificurtade de s'istògomo a digirire calecuna cosa Sinonimi e contrari impaciamentu.

impaciài , vrb: impatzare Definizione tènnere o portare a istrobbu, nau mescamente po cosa chi abbarrat in s'istògomo chentza dha pòdere digirire; si narat fintzes in su sensu de s'interessare de calecuna cosa coment'e giaendhodhi importu Sinonimi e contrari imbarratzare / impiciai, interessai 2. li at rispostu chena s'impatzare tantu Etimo itl. impacciare.

impaciài , vrb: (im-pa-ci-a-i) Definizione avesare a sa pacia Frasi ses impaciendi a tropu su pipiu 2. non impacis su pisitu ca si atóntiat e no cassat topis!(S.D'Arco)

impaciaméntu , nm Sinonimi e contrari impaciadura Etimo srd.

impaciàu , agt: (im-pa-ci-a-u) Definizione nau de ccn., chi est pigau de sa pacia, totu pacia, chi faet totu a giogu Sinonimi e contrari imberriadu, paciosu

impàciu , nm: impatzu Definizione si narat prus che àteru po i. de istògomo, dificurtade a digirire sa cosa papada, ma fintzes in su sensu de dovere, impitzu, cosa de fàere / fàchere i. = pònnere in s'istògomo, tizirire a pelea (nadu de mànigos) Sinonimi e contrari afàstiu, apàstiu, impatzonzu 2. sos fizos no cherent s'impatzu de tènnere contu su babbu e sa mama candho che sunt betzos Traduzioni Francese indigestion Inglese indigestion Spagnolo indigestión Italiano indigestióne Tedesco Verdauungsstörung.

impàcu , nm Definizione cosa chi si ponet in pitzu o apicigada a un'arremu po meighina; fintzes cosa imbodhigada Sinonimi e contrari papinu / pacu 1 2. at ingortu un'impacu de brutesa de bestiolu.

impadronizíre , vrb Sinonimi e contrari apobidhai, impadronizire, impobidhai, impoderare | ctr. ispobidhare Etimo srd.

impagàbbile, impagàbbili , agt Definizione chi est deasi bonu chi no dhue at dinari chi dhu pagat: bonu meda.

impagài , vrb: impaghiai, impaghiari Definizione miminare, essire o èssere pagu, prus pagu Sinonimi e contrari immeltzare, impaghiri, impagonzare, menguai, miminare | ctr. crèschere Frasi su pani in domu primítziat a impagai (F.Carlini)◊ candu s'erba comintzat a impagai is pastoris pinnigant is tallus po cambiai pastura ◊ a fortza de iscialas apu impaghiadu su dinari ◊ e un'àtura fixa cojada: impaghiandu funt, is pegos, in domo! Etimo srd.

impagatzàre , vrb Definizione torrare a prus pagu, a prus pagos; fàere torrare a prus pagu Sinonimi e contrari apagonzare, impagai, impagonzare, menguai, miminare 2. tocat de impagatzare su bestiàmene ca no tenimus pàsculu Etimo srd.

impaghiài, impaghiàri impagài

impaghiméntu , nm Definizione su impaghiri, su miminare, bènnere mancu, essire prus pagu Sinonimi e contrari méngua, mímina | ctr. créschida, creschimónia Etimo srd.