impressuràre , vrb Sinonimi e contrari allestai, allestire, apressurai, impressare, impressire.
imprestadòre, imprestadòri , agt, nm Definizione chi o chie dimandhat o leat a préstidu Sinonimi e contrari prestadore Etimo srd.
imprestài, imprestàre , vrb Definizione
giare, lassare o pigare cosa a impréstidu, po dha torrare a su mere apustis de su bisóngiu, de s'impreu
Sinonimi e contrari
prestai
Frasi
nemos nos at imprestau trigu po sa cota ◊ mi so ingramesciadu a sa chilandra chi mi imprestet su bolu sou (G.Fiori)◊ po tui nc’imprestu sa personi mia!◊ Bustianu at secau sos códules chin ferramenta chi li aiant imprestau ◊ no ti giris de palas si calincunu si bolit imprestai de tui ◊ ti as imprestadu su dinare po comporare cosa noa ◊ s'amigu chi dh'ia imprestau su dinare… Bernardu mi at bistu, iscovas de forru! ◊ seo bennia si mi imprestais s'orrosonita ca seo preparandhe culurzones
Traduzioni
Francese
prêter
Inglese
to lend
Spagnolo
prestar
Italiano
prestare
Tedesco
leihen,
verleihen,
ausleihen.
impréstidu , nm: impréstiu Definizione
css. cosa chi si lassat a unu po si ndhe serbire a unu bisóngiu ma de torrare apustis
Sinonimi e contrari
fidu,
presta,
préstida
Frasi
medas faedhant cun limba a impréstidu e tenindhe limba!
Traduzioni
Francese
prêt,
emprunt
Inglese
loan
Spagnolo
préstamo
Italiano
prèstito
Tedesco
Darlehen.
imprestíle , agt Definizione nau de ccn., chi no ndhe balet, chi est de pagu abbilidade, isentu, de pagu impita, fintzes istrupiau Sinonimi e contrari isente | ctr. àbbile 1 Frasi ite ti ne faes de un’imprestile ci non serbit a nudha? (G.Locci)
impréstiu impréstidu
impréstu , nm Sinonimi e contrari fidu, impréstidu, presta, préstida Frasi at dévidu torrare sa cosa dada a imprestu ◊ a chie cheret un’imprestu no li zires sas palas!◊ ses a s'imprestu!◊ issu no daet e ne picat nudha a imprestu Etimo srd.
impretàtu, impretiàtu impedràdu
impretiosíre impreitiosíre
impréu impléu
imprevístu , agt, nm Definizione chi o cosa chi no s'ischiat innanti, chi no s'ibertaiat, no si podiat ischire.
impriài imperài
impriastài, impriastàre impiastài
impriastéri impiastéri
impriastòne , agt, nm Definizione chi faet su trebballu male, a improdhu Sinonimi e contrari aciapinadori, aciorodhosu, ciaputzeri, impiasteri, improdheri, indrovigosu Frasi andha a su dentista, cant'istas fatu a custos impriastones!
impriastósu , agt Definizione nau de ccn., chi faet impiastos, atzorodhos, cosas fatas male; nau de trebballu, chi est fatu a improdhu Sinonimi e contrari aciapinadori, aciorodhosu, ciapinu, ciaputzeri, coredheri, impiasteri, improdheri, indrovigosu 2. andhao nendhe pro parre animosu, candho una boghe esseit de su fossu sentza faedhos, sonu impriastosu Etimo srd.
impriàstu impiàstru
impribillutzài , vrb Definizione pònnere sa tzudha Sinonimi e contrari altudhire, assutzudhai, impribillutziri / marmurizai, scitorai Frasi unu cantu, unu pibiu, una sisia de unu trudu in sa tupa cuau m'impribillutzat s'ànima istriorendimí sa persona (D.Maccioni).
impribillutzíri , vrb Sinonimi e contrari impribillutzai Frasi cussa poltrona est pindaciada e isceti a dha castiai mi fait impribillutziri, titia! (G.Tatti)
imprídha , nf Definizione chibudha o tziodha marina (o fintzes canina), de cogas: erba chi faet a paris a terra fògias largas e mannas, bogat una candhelita arta (candho sa fògia est sicada) e asuta faet una conca che a sa chibudha Sinonimi e contrari abridha, ambridha, aspidha*, scruidha Frasi serras de impridha covacant ribas e badhijos Terminologia scientifica rba, Charybdis maritima.