A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

marigòre, marigòri , nm: amargori* Definizione su dispraxere chi si provat po calecunu male, cosa mala Sinonimi e contrari amalgura, dispiachere, tragu / maricosore Frasi ant a poder bídere sa Sardigna betza in sa note e in su marigore sou ◊ no pensao a símiles rigores de males imbeléschidos gasie, bàtimu túsciu e tales marigores (P.Casu)◊ creschiant majas de arrasolu, prunitza e teti e tales marigores.

marigosàtzu , agt Definizione chi est unu pagu marigosu Sinonimi e contrari ranchitzu, ranchizosu | ctr. druconzu Frasi cudhas fitas de pani bèni arridadas e indoradas cun cudh'ollu marigosatzu teniant unu sabori de no crei! Etimo srd.

marigosòri maricosòre

marigósu maricósu

marílla maríglia

marimúntu maremúndhu

marína , nf Definizione su mare pruschetotu ororu de sa terra, su prus acanta; genia de corpus militare chi manígiat is naves e andhat peri is mares Frasi Deus a nosu at cuncédiu unu mannu capitali de sa marina a Fonni ◊ deris unu canàriu falat a sa marina, faghe e no faghe die… 2. Sesetu est tenenti de Marina ◊ a Tamasu ndi dh’iant pigau sordau in sa Marina e dh’iant imbarcau cumenti a cannoneri Etimo itl. Traduzioni Francese bord de la mer, marine Inglese coast (line), navy Spagnolo marina Italiano marina Tedesco Meeresküste, Marine.

marinàre , vrb Definizione andhare in mare, istare in pitzu de s'abba, in su mare Frasi una mància manna in colore iscuru fit marinendhe abbellu abbellu in mare.

marinéri , nm, agt Definizione chie tenet impreu de mare po su manígiu de is naves; chi est de mare, chi pertocat su mare; genia de bobboitedhu chi faet in s'abba, sa andaciana o pischeri; a logos, unu de is sedatzos Sinonimi e contrari marinu / culifúrriu, gioguana Frasi so allegru che marineri chi giompet a terra pustis de tantas chidas de tempesta ◊ mi agato che marineri pérdidu in s'iscógliu ◊ a tantu no t'arrisches in su mare, marineri, mancari apas coràgiu! 2. sa bida marinera li aperit s'ocru ◊ sos locos marineris sardos unu tempus teniant prus ispipillesa 4. su sedatzu prus piticu, su marineri, serbiat po otenni su scèti Cognomi e Proverbi prb: aundi est capitanu no cumandit marineri! Etimo ctl., spn. mariner Traduzioni Francese matelot, marin Inglese saylor Spagnolo marinero, marino Italiano marinàio, marinaro Tedesco Matrose, See…

mariníscu mareníscu

marínu , agt Definizione de su mare, chi pertocat su mare / Bosa marina = sa parte de sa citade de Bosa prus acanta a su mare (tra s'erriu e su mare); sale m. = sale fatu in is salinas, chi no est de miniera; cuadhu m. = genia de animale mannu meda, de s'Àfrica, chi faet siat in terra e siat in s'abba de is errios; crou m. = genia de pigione; cani m. = piscigani, làmia; tzuca m. o areste = corcoriga o lillu de àcua, genia de erba chi faet in s'abba (Nuphar lutea) Sinonimi e contrari marinuscu Frasi a totus bosi pighet su puntore ca mi parís prenos de tzuca marina!◊ pro mazare sa pedhe teniat una códula marina de una deghina de chilos Cognomi e Proverbi smb: Marinu Etimo ltn. marinus Traduzioni Francese marin Inglese marine Spagnolo marino Italiano marino Tedesco See….

marinúscu , agt Definizione chi o chie est de logos de mare, istat in logu a oru a mare.

marinzòne mainzòne

mariòla , nf Definizione tzicamariola, baca de Deu, de Babbu Mannu, de Nostra Segnora, de Santa Maria, de santu Giuanne, sa nigola, bobboi cun is alas orrúbias a pintirighinos niedhos, paret una mesa luna de forma Sinonimi e contrari abbajola, bibbiolanda, majola, mandioba Frasi mariola mariola, bae a Castedhu a batire un'anedhu, un'anedhu e un'ispola! Terminologia scientifica crp Etimo srd.

mariolàre , vrb: ammariolare Definizione pigare a ingannu, cun ispedientes a manera de portare s'àteru a su chi si bolet / fàghere sa cosa mariolamariola = a trassa, a sa fraissina Sinonimi e contrari abbovai, abbuvonare, coluvronare, imbaucare, imbusterai, improsae, ingannai, ingrangugliare, piocai, trampai Frasi Pilatu timet mascamente sa traganza de sa piata mariolada dai sos inimigos de Gesús Etimo itl. mariolare Traduzioni Francese duper, tromper, corrompre Inglese to cheat, to corrupt Spagnolo engañar, estafar Italiano imbrogliare, corrómpere Tedesco betrügen, verderben.

mariolèta , nf: marioneta, mariuneta Definizione figura pitichedha de gente, a bisura de fàere a erríere, chi si movet comente dha manígiat o faet mòvere su giogante cun filos: in cobertantza, chie si lassat pigare comente bolet àtere chentza chi fatzat bàlere sa volontade sua Etimo itl. Traduzioni Francese marionnette Inglese marionette Spagnolo títere Italiano marionétta Tedesco Marionette.

marioletéri , nm Definizione giogante chi manígiat o faet mòvere is marioletas, is mascaredhas Sinonimi e contrari buratineri, pupularzu Etimo srd.

mariólu , agt, nm: meriolu Definizione chie acostumat a pigare is àteros cun s'ingannu; fintzes unu chi abbarrat aifatu de su logu, sèmpere in giru Sinonimi e contrari afrascadore, arrebuseri, fraíciu, fuglieri, imbodhiosu, imbusteri, inganneri, ingheniosu, ingregheri, mànghinu, tramperi, trasseri / ttrs. marioru / rundhellu Frasi no s'ischit ite àteru li nesit cussa mariola pro la corogliare ◊ no ti lasses incantare dae su mariolu! ◊ pro si campare, dogni mariolu diat cunvelter sas pedras in pane! (G.Zicconi Tanchis)◊ innantis su sonnu beniat mariolu mariolu e mi abbratzaiat a note intrea: como no poto drommire! Cognomi e Proverbi smb: Mariolu Terminologia scientifica ntl Etimo itl. mari(u)olo Traduzioni Francese escroc Inglese swindler Spagnolo estafador Italiano truffatóre Tedesco Betrüger, Schwindler.

mariólu 1 , nm Definizione trastu de lana a bestire su dossu, fintzes franella, bestimentu de fundhu Sinonimi e contrari gorfo Terminologia scientifica bst.

marionèta mariolèta