A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ocúpu , nm Sinonimi e contrari ocupamentu, ocupatzione Etimo srd.

ocurréntzia , nf Definizione bisóngiu comente ndhe podet capitare Sinonimi e contrari bisognu, ocasione Frasi aggradesso s'azudu tou, ma ispero de no àere ocurréntzia ◊ in cuss'ocurréntzia in su pessamentu mi prammizaia totu sas naravellas intesas dai sos mannos ◊ su pastore est torrau a bidha po ocurréntzia de su monte.

ocúrrere, ocúrriri , vrb Sinonimi e contrari bisonzare, serbire.

odhàna , nf Definizione genia de mata, no tanti manna, a fògia lada e larga, frutu (upm) mannu cantu unu landhe, a corgiolu tostau, chiu tundhitu, mesu incasciau in d-una genia de ischissone chi s'istacat candho lompet Sinonimi e contrari lantzola, naciola, nucedha Terminologia scientifica frt, Corylus avellana Etimo ltn. avellana Traduzioni Francese noisetier, noisette Inglese hazel (tree) Spagnolo avellana Italiano nocciòlo, nocciòla Tedesco Haselnußstrauch, Haselnuß.

odhè!, odhéu! , iscl, nm Definizione foedhu chi narant ispantaos, dispràghios, timendho po dannu acontéssiu o chi podet acontèssere: it'arrori!, ite dannu! (dhu narant coment'e nm. puru), o fintzes po cosa bona, chi si credet bella meda, chi s'istimat, o po cosa lègia, mala, chi no si bolet o no si aprovat / essere a odheos = narri odheu! fatuvatu, coment'e timendi meda (o fintzas unu pagu po arreghèscia, tanti po nàrriri ca ccn. cosa no fait a dha fai) Sinonimi e contrari ateu!, mintzisti! / arguai, dannu Frasi odheu ite disastru in domo mia, chi una pedra in se piús no b'at! ◊ odheu, sos canes istanote in gianna mia! ◊ odheu, pudhighina, si ti fidas s'astore est a rodeu! ◊ "Odhè! odhè! ite raju ti est picandhe?!", zúbilat tziu Antoni ◊ e ite li apo a dare, odhè, si so sica che linna?! ◊ odheu si est abberu su chi est nendhe sa zente, chi nachi l'at mortu su fizu?! ◊ - Si no càglias ti sego sa conca! - Odheu, proite no ti provas?! 2. dae tentu, innanti chi ti sutzedat calchi odheu! ◊ e càlladi a sa muda: a ndhe tenes de odheos, mancus chi siant mortes de ómine pro àere intesu duos tzocos! ◊ làssami sos odheos, pònedi e faghe sa faina, za no ses cancaradu! 3. odheu a bonu chi est custu mele!…◊ odheu cantu est zeniosu cussu zòvanu!…◊ odheu, cudhu macu, bessimich'eretu, no so in chirca tua! ◊ odheu cust'imbriagone: candho est chi ndhe la finis?! ◊ odhè! odhè! proite no ti callas, menzus?! ◊ - Fulanu est cojendhe cun Fulana… - Odheu!… bellu inzertu, mih, unu prus macu de s'àteru! ◊ odheu, no niedas nudha ca est fintzas birgonza! Etimo srd. Traduzioni Francese mon Dieu! Inglese good Lord! Spagnolo ¡Dios mío! Italiano o Dio! Tedesco ach Gott!

odhidòne , nm Definizione genia de istrégiu; idea chi berrinat sa conca Sinonimi e contrari badhidoni*, mannirone / ammuntu 1, arriolu, pedine.

odhiólu , nm Definizione sa trota candho est de naschidórgiu, ancora pitica Sinonimi e contrari groli, seju 1, sodhiscu, trotischedha, tzurrita Terminologia scientifica psc Etimo srd. Traduzioni Francese alevin de la truite Inglese fry trout Spagnolo alevín de la trucha Italiano avannòtto della tròta Tedesco junge Forelle.

ódia , nf, nm: ódiu, údia Definizione sentidu malu e forte contràriu a ccn. o a calecuna cosa, de dhi bòllere male e de cricare de dhi fàere dannu; su ndhe pàrrere male de su bene de s'àteru Sinonimi e contrari àschiu, tírria | ctr. amore, istima Modi di dire csn: ficare, parare, ghetai o pònniri ódiu a unu = leare in ódiu; mastigare ódiu = sunfriri po s'ódiu de is àterus, po su mali chi ndi benit; aguantai s'ódiu = muntènnere s'ódiu, no iscarèsciri s'ofesa Frasi eis inténdiu chi fut nau: Istima is amigus tuus e torra ódia a is nimigus tuus; ma dèu si naru: Istimai fintzas is nimigus! (Ev)◊ pro no sighire in cussa malaita gherra de ódios, los perdonei ◊ at a èssiri genti chi ti at ghetau ódiu ◊ no andhes a los acusare ca poi ti leant a ódiu 2. s'ódiu de s'amante cun s'isposa durat dae terra a letu ◊ cussa est zente chi comente bident a unu mezorendhe ndhe tenent ódiu 3. a pipia, a su pisedhu dhu tenei ódiu, candu ndi fenta a minestra: no mi praxiat e bastat! Cognomi e Proverbi prb: s'ódiu de oe làssalu a cras Traduzioni Francese haine Inglese hate Spagnolo odio Italiano òdio Tedesco Haß.

odiài , vrb: odiare Definizione ficare o pònnere ódiu, pigare a ódiu, portare ódiu Sinonimi e contrari tirriai Frasi fizos mios, odiade onzi mala discórdia, onzi brutu ódiu vanu chi no batit frutu! (A.Casula) Traduzioni Francese haïr Inglese to hate Spagnolo odiar Italiano odiare Tedesco haßen.

odiànu , agt Definizione chi tenet ódiu de is àteros, chi sentit ódiu, sentidos malos po s'àteru Sinonimi e contrari odiosu, terriosu Etimo srd.

odiàre odiài

odiosidàde, odiosidàdi , nf Definizione su èssere odiosos.

odiósu , agt, nm Definizione chi o chie tenet ódiu de is àteros, chi, no de si ndhe alligrare, dhi dispraghet chi àtere tèngiat bene; chi sentit ódiu, tenet sentidos malos po àtere Sinonimi e contrari belosu, fengiosu, odianu, sangiosu, unconosu / terriosu / cdh. udiosu Frasi issa fit paurosa ca timiat sa zente odiosa ◊ lampu ma est odiosu, mih: a unu mezorendhe mancu lu faedhat prus! ◊ s'ómine odiosu abbandhonat a Deus Traduzioni Francese envieux Inglese envious Spagnolo envidioso Italiano invidióso Tedesco neidisch.

Odissèa , nf Definizione unu de is duos poemas immortales de su poeta grecu Omero: contat de is disauras de Odisseu (Ulisse).

ódiu ódia

odriàngus, odrinàgus , nm: ordinagos, ordinagus Definizione is funes acapiadas a corros e a lobu in d-un'origa de is boes po dhos ghiare (giuntos o nono) Sinonimi e contrari brancos, cabitzinas, redinàgios* Modi di dire csn: is ogus no portant ordinagus = abbàidant a totue, su chi cumbinat; tirai, andai a ordinagus = andhare a manu destra (sa parte de su boe chi triballat menzus) Traduzioni Francese rênes Inglese reins Spagnolo riendas Italiano rédini Tedesco Zügel.

odrinài , vrb: ordinai, ordinare Definizione pònnere in assentu, bene, in órdine, in régula, a régula; giare órdines, cumandhos, cosas a fàere; dimandhare cosa a comporare, cosa chi mandhant de aterue / ordinare sas vinzas = marrai, tzapare sas binzas; ordinare sas ortalíscias = surcare sos ortos pro los prenare Sinonimi e contrari assantai / pertzetare 2. custas meighinas mi las at ordinadas su dutore 3. amus ordinadu robba a nos fàghere bestimenta Etimo ltn. ordinare Traduzioni Francese mettre en ordre, prescrire Inglese to order Spagnolo ordenar, mandar Italiano ordinare, prescrìvere, richièdere Tedesco ordnen, in Ordnung bringen, befehlen, verschreiben, bestellen.

odringiài , vrb Definizione bestire a nou, pònnere cosa bella Sinonimi e contrari mudai 2. biendidhu aici mali odringiau no dh'ant fatu tropu bella apariéntzia, a su piciocu.

odríngiu , nm: ordinzu 1 Definizione su ordire Sinonimi e contrari oldiu, ordidura, ordimentu Etimo srd. Traduzioni Francese ourdissage Inglese warping Spagnolo urdimbre Italiano orditura Tedesco Anzettelung.

odríre, odríri , vrb: ordie, ordire, ordiri, uldire Definizione istèrrere s’istàmene o filu in s'ordidórgiu; aprontare su filu ordiu in su telàrgiu (de un'insúliu a s'àteru); cuncordare trassas a dannu de ccn., istare sèmpere faendho Sinonimi e contrari ordimignare Frasi como chi est su filu ordidu a bois tocat a tèssere! (F.I.Mannu)◊ canno veniat su tempus de ordire ficaiant bàtoro brocos in terra e fachiant una matassa a tritza ◊ dhue aiat féminas filanno, ordinno e tessenno 3. a tiva bassa eo apo iscurtadu totu su chi ant ordidu pro innóriu ◊ intendhendhe cust'istória bene ordia cudhu credet totu ◊ babbu tuu sempri odrendi est!… Etimo ltn. ordire Traduzioni Francese ourdir Inglese to warp Spagnolo urdir Italiano ordire Tedesco zetteln, anzetteln.