A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ogruadòri , nm: orguadori Sinonimi e contrari alghidadore, orgunista Etimo srd.

ógu óciu

ogualàu , agt Sinonimi e contrari aguale Frasi camminendi a passus longus ogualaus iat cumentzau a nc'ispaniai su trigu Etimo srd.

oguàle, oguàli , agt: aguale*, iguale Definizione chi est de calidades, de cantidade e de mannària che a s'àteru, chi no dhue at diferéntzia tra unu e àteru; coment'e símbulu si ponet / = / Sinonimi e contrari cabale, chepare | ctr. difarenti Frasi cussas predas sunt abbituadas a intèndherent su nareju oguale de s'eternu falare de su riu ◊ apu fatu su custumu oguali comenti si usàt a s'antiga.

ogualidàde , nf: agualidadi Definizione su èssere oguales, a paris, in totu o in calecunu piessignu osservau in cosas o personas diferentes Sinonimi e contrari paridade | ctr. difarénsia Traduzioni Francese égalité Inglese parity Spagnolo igualdad Italiano uguaglianza Tedesco Gleichheit.

oguèna , nf Definizione abena agreste, fenu púdiu o murru, genia de erba areste chi assimbígiat a s'avena, ma podet fàere a fundhu mannu cun cambos meda e artos Sinonimi e contrari aena*, aenamurra, anàile, arvenarzu, enarzu, fenàile, fenapu, fenarza, fenumurru, filianu Terminologia scientifica rba.

ogulàtinu , nm Definizione mància bianca de s'ogu, oju pàbaru o manciau Sinonimi e contrari bolàdiga 1 Terminologia scientifica mld Etimo srd.

oguleàu, oguliàu , nm, agt Definizione genia de fortza, de capacidade chi nanca unu tenet de fàere male ('pitzigare') a s'àteru solu po dh'abbaidare (e fintzes chentza dhu bòllere o chentza ndhe ischire nudha); male chi benit a chie dh'ant pitzigau de ogu; chi dh'ant pitzigau de o fertu a ogu, o postu ogru Sinonimi e contrari ispinzadura, ispinzamentu, ogumalu Etimo srd. Traduzioni Francese mauvais œil Inglese evil eye Spagnolo mal de ojo Italiano malòcchio Tedesco böser Blick.

ogulúcidu, ogulúxidu , nm Definizione genia de bobboi pitichedhedhu chi paret una lughighedha, a denote Sinonimi e contrari culiluche Frasi is ogulúxidus s'intragnant, assupaus, apalas de s'iscuriu Terminologia scientifica crp, lampyris noctiluca, l. fusca, malachius aeneus, rhagonycha fulva Etimo srd. Traduzioni Francese luciole Inglese firefly Spagnolo luciérnaga Italiano lùcciola Tedesco Leuchtkäfer.

ogumàlu , nm Definizione male chi benit a chie dhi ant postu ogu Sinonimi e contrari oguliau Etimo srd.

oguòe ogreòe

oh! , iscl Definizione foedhu de ispantu, fintzes de afuta, de tzacu: a bortas sa /o/ si narat serrada (che in ohi!, fràsias de su 'campu' 1), a bortas aperta (is esémpios de su campu 2) Sinonimi e contrari ah!, ih! Frasi oh, s'iscuru, arratza de dannu chi at tentu!… ◊ a ndhe bides, oh, de funtzione!…◊ labai, oh, gi est imbeciau pagu!…◊ oh, ma macu ses: ite ses faghindhe?! 2. oh, inoghe ndhe ses! ◊ oh, tandho tiat èssere chi mi faedhas male puru?! ◊ oh!, oh!, pitica sa brulla! Traduzioni Francese oh! Inglese oh! Spagnolo ¡oh! Italiano oh Tedesco ach.

óhi! , iscl, nm Definizione boghe e foedhu chi signíficat sèmpere dispraxere, dolore, dólima: a bortas si narat fintzes coment'e a impudu, pentimentu, o fintzes a ifadu / èssere a ohis = ohire, tzerriai Ohi! fatuvatu Sinonimi e contrari oja! Frasi si istas male nara "Ohi!" ◊ a ndhe tenet de ohis e de ahis! ◊ candho li dolet cosa narat "Ohi!" 2. ohi… aite cumpresu mi as?!…◊ ohi, fradi miu, cussa coja… chi ti dhu contu no dhui creis! ◊ ohi, no ndhe li cumprendho, deo, no! ◊ ohi, aite reséssidu bi so a fàghere cussa faina?! ◊ ohi, làssami sa conca chi no so in chirca de cussas cosas, deo! Etimo srd. Traduzioni Francese aïe! Inglese ow Spagnolo ¡ay! Italiano ohi Tedesco ohi.

òi òe

oíci , avb Definizione de custa o in custa manera, ma fintzes in cussa manera, comente naro geo, comente naras tue Sinonimi e contrari aggae, aici*, asi, asiche, deasie.

oidédhu , nm: ovidedhu Definizione sa parte de mesu, orrúbia, de s'ou Sinonimi e contrari aminedha, arravígliu, ollanu, orrubiedhu, ruviovu, tórulu 1 Frasi candho s'oidedhu est brutu, su puzone intro est niedhu Traduzioni Francese jaune d'œuf Inglese yolk Spagnolo yema Italiano tuòrlo Tedesco Eigelb, Eidotter.

oídu , nm: udidu Definizione su sentidu o capacidade de intèndhere, cosa chi si faet cun is origas Sinonimi e contrari intesa Frasi cunsagru a Bosu is sentidus po alabaiosí cun sa língua, cun sa vista, cun s'oidu e cun totu su corpus ◊ est a oidu abbertu e a ojos tancados Etimo spn. Traduzioni Francese ouïe Inglese hearing Spagnolo oído Italiano udito Tedesco Gehör.

oídu 1 , agt Definizione chi est a oos, chi portat oos, nau de niu, de pische Sinonimi e contrari aoadu Etimo srd.

oighédhu obichédhu

oignài!, oijài! , iscl Sinonimi e contrari ebbenemindhe! Frasi custu pane est oignai! Etimo srd.