A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

precadòre , agt, nm: pregadore, pregadori Definizione chi o chie pregat Frasi in su chelu che sias pregadora! ◊ candu at inténdiu cussa boxi pregadora est curtu po agiudai Etimo srd.

precadoría, precaduría , nf: precatoria, pregadoria, pregaroria, preicadoria Definizione su foedhare chi si faet cun Deus o is Santos po dhos laudare, arrengratziare e pedire calecuna cosa; su istare a meda, a tantas bortas, naendho a unu chi fatzat o getzat calecuna cosa Sinonimi e contrari arresa, orascione, pregaria / preconzu / cdh. pricaduria, ttrs. prigaduria Frasi za la faghet sa cosa, ma totu a pregadorias! ◊ sas precadurias issoro sunt istadas ascurtadas ◊ chelu e terra parent in cuss'ora impare unidos in pregadoria ◊ ndi at bófiu, de pregadorias, cussu piciocu, po benni a innòi!… Etimo srd. Traduzioni Francese prière Inglese prayer Spagnolo oración, rezo, ruego Italiano preghièra Tedesco Gebet.

precàre , vrb: prechiare, pregai, pregare Definizione foedhare cun Deus o cun Santos siat po làudes, arrengratziamentu, siat po dhis pedire e cumprèndhere calecuna cosa; istare a su pedi pedi a ccn. po chi fatzat o getzat cosa naendhosidhu de dónnia manera; disigiare cosas de bonu o fintzes de malu a ccn. Sinonimi e contrari arrasai / aurare Modi di dire csn: a pregare a crésia! = chi ndi bollis, piga, assinuncas lassadhu!; chèrreresi pregadu = ispetare chi lu preghent, fàghere sa cosa petzi si bi la pedint Frasi apu a pregai po issus puru ◊ su sant'ómine pregat su Chi totu podet ◊ "Firmadhu, su registradori" - pregu dèu a boxi chesciosa -◊ no li apo dau sa vinta de lu prechiare 2. ti cheres pregadu pro fàghere sa cosa ◊ no at mancu ispetadu a lu pregare meda pro cantare ◊ candho devio pagare no mi soe chertu pregadu ◊ l'ant pregadu che unu santu, ma isse no ndhe at chérfidu mancu s'intesa ◊ cussu si no est pregadu no faghet nudha 3. sa morte no si pregat a neune ◊ ti prego bona fortuna! ◊ deo sa moda mia apo finidu preghendhe a totugantos benes mannos (Sozu)◊ bona fortuna apedas comente bos pregades! ◊ ti deves pregare dies de vida! Cognomi e Proverbi prb: su de pregare est su saludu Terminologia scientifica prdc Etimo ltn. precare Traduzioni Francese prier Inglese to pray Spagnolo rezar, orar, rogar Italiano pregare, esortare Tedesco beten.

precatoría precadoría

precedéntzia , nf: pretzedéntzia Definizione su bènnere innanti, antibitzau; diritu, segundhu sa lei o una régula, de èssere o de passare innanti de un'àteru.

precetài, precetàre pertzetàre

precétu pertzétu

prechèra , nf Sinonimi e contrari precadoria.

préchia , nf Definizione su tretu totu a inghíriu de sa natura, in sa carena, tra sa natura e is còscias / portare musca cadhina in préchias (nau de ómine) = tènnere disígiu de fémina Sinonimi e contrari angunàglia, ibbina, igliari, ímbana, immina, índima, íngua Frasi caladiche sos pantalones… o brigunza tenes de ti faer bíere in préchias?

prechiadúra , nf Sinonimi e contrari precadoria Etimo srd.

prechiàre precàre

prechíle perchíle

precisài pertzisàre

precisiòne, precisiòni pertzisiòne

precísu pertzísu

préciu , nm: (pré-ci-u) prégiu 1, preju, présciu, présiu, préssiu 1, prétziu, préxiu Definizione su tanti de moneda chi si faet pagare una cosa chi si bendhet; fintzes virtude, calidade bona de unu, su cunsideru chi si ndhe faet Sinonimi e contrari càlculu, consideru, contu Modi di dire csn: abbassiare, falare, artziare o pigare su prétziu; tirai su prétziu = (pro chie est bendhindhe) chircare de bèndhere a prétziu artu (pro chie est comporendhe su contràriu); intrare in preju, pònneresi in prétziu = agatàresi o èssere de acordu pro su prétziu chi li ant fatu, cuncordare in su prétziu; fàghere prétziu de unu, tènnere in prétziu a unu = pònnere o tènnere in contu o càrculu mannu (e pro cussu fintzas "combidare") Frasi no ti l'íscio nàrrere su préciu, ma costat! ◊ su salmoni dh'ant artiau de préssiu ◊ ti bendis is prendas e prétziu no tiras! ◊ bi teniat binu bonu e a pagu prégiu ◊ intrat in preju e bendhet s'istante ◊ su chi li daiant si lu torraiat a bèndhere a présiu baratu ◊ già l'ischis comente ch'est faladu su prétziu de su late! 2. pòvera càscia, a cale fine ses parada pustis chi tantos prétzios as tentu! ◊ su prétziu chi azis fatu a nois est totu onore e dignidade a bois (A.Cubeddu)◊ amigu caru, ti naro "gràssias!" pro su prétziu chi as fatu pro custu axudu Etimo spn., itl. pregio Traduzioni Francese prix, appréciation Inglese price, appraisal Spagnolo precio, apreciación Italiano prèzzo, apprezzaménto Tedesco Preis, Achtung.

precocéri , agt, nm Definizione chi o chie faet male sa faina Sinonimi e contrari abbunzosu, aciorodhosu, afarringiadori, coredheri, improdheri, indrovigosu.

precóciu , nm Definizione in fai una cosa a precòcius = comente male si podet, a santarranza, a sa bona Frasi sa domu de su pòberu est totu fata a precòcius.

precolàtzu , agt Definizione chi est totu a percolos, tuvudu, ispongiatzu (es. che a sa pedra fúmiga) Sinonimi e contrari parapuntu, tuvatu | ctr. calcu, tipiu Frasi est orroca precolatza o craca? Etimo srd. Traduzioni Francese poreux Inglese porous Spagnolo poroso Italiano poróso Tedesco porös.

precólu percólu