A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

parapennènte , nm Definizione genia de crabiga, ma prus pitica, chi si ponet in punta in s'iscala de su carru, in d-un'istampu fatu de pitzu a bàsciu, po no ch'essire s'iscala a denanti in s'ajone (sa crabiga serbit candho su carru est in tira) Sinonimi e contrari cdh. parapinnenti Etimo srd.

parapétu, parapétus , nm Definizione css. cosa, ma mescamente muru, barandíglia o àteru deasi, fata a s'artària de su petus in logu artu o de perígulu a manera de no che orrúere gente, de si pòdere imbarare chentza che orrúere; genia de pinzos de fémina po poderare is titas Sinonimi e contrari balaustrera, petíglia Frasi est imbranconadu in su parapetus de su ponte Traduzioni Francese garde-fou, allège Inglese parapet Spagnolo parapeto, sujetador, sostén Italiano parapètto, reggiséno Tedesco Brüstung, Büstenhalter.

parapillíssiu , nm: parpellíssiu, prafallissu, prapallissu, prapellissu, prefellissu, prefellítziu Definizione bestimentu biancu fine, largu, a mànigas largas, totu trebballau, longu agiummai a benugos, chi su preide ponet po unas cantu funtziones; àteru bestimentu deasi chi si assimbígiat Sinonimi e contrari rochetu 1, subrapellissu* Frasi mancai no porti chíriga e prafallissu, caincunu sarmonedhu dhu sciu arrapillai dèu puru ◊ chi sigheus aici in mesu de is predis tocat a si ponni a prafallissu! ◊ a carrasecare si est bestiu chin d-unu parpellíssiu biancu ◊ su preídelu giughiat su prefellítziu 2. Tziu Nicola fit chin su parpellíssiu chi, si fit istau biancu, l'aiat fatu assimizare a unu dutore Terminologia scientifica prdc Traduzioni Francese surplis Inglese surplice Spagnolo sobrepelliz Italiano còtta Tedesco Chorhemd.

parapímpu paraímpiu

parapiòlas , nm Definizione unu chi giaet a bíere sa natura Etimo srd.

parapúnta , nm Definizione molinalzu, para de s'àcua, de s'arriu (cun alas niedhas), cuadhu béndhiu, cadhu 'e piliche, genia de tzuga (tzíntzula) manna, debberone, de diferentes calidades, chi faet in logos friscos, chi dhue at abba, in istade: bolat coment'e a móvias a iscutuladura e fatuvatu si parat firmu (si apuntat) in pitzu de s'abba o in s'erba Sinonimi e contrari coebida, ispadaluchente, isperaranza, parixedhu, preidedhu, púbulu 1, sennoredha 2, tintulone Terminologia scientifica crp, lestes macrostigma, calopteryx splendens, libellula depressa, crocothemis erythraea, anax imperator Etimo srd. Traduzioni Francese libellule Inglese dragonfly Spagnolo libélula Italiano libèllula Tedesco Libelle.

parapuntíglia , nm Sinonimi e contrari parapunta Etimo srd.

parapúntu , agt Definizione chi est totu istampau, totu puntu Sinonimi e contrari pertusatzu, pipionidu, precolatzu, tavunadu, trapau Traduzioni Francese criblé de trous Inglese riddled with holes Spagnolo agujereado Italiano bucherellato, sforacchiato Tedesco durchlöchert.

paràre parài

pararútas , nm Definizione genia de paracu mannu chi s'imbestit in dossu po si ndhe betare de aeroplanu e chi comente si aperit arreschet in s'ària e permitit de calare a terra abbellu Sinonimi e contrari paracadutu Frasi unu si ndh'est betadu de s'ariopranu cun su pararutas Traduzioni Francese parachute Inglese parachute Spagnolo paracaídas Italiano paracadute Tedesco Fallschirm.

parasàmbene, parasàngu , nm Definizione pígiu de carre (músculu) chi, postu a istúturu a mesania de sa carena, ispartzit su matzàmene: coro e prumones apitzu (o a sa parte de sa conca, in is animales a bàtoro peis), totu s'àteru a bàsciu, asuta, (o apalas) Sinonimi e contrari traessalza Terminologia scientifica crn Etimo srd.

parassíta , nm Definizione vegetale o animale chi creschet o faet a gastos de un'àteru; fintzes cristianu chi campat apitzu de is àteros po mandronia o àteru pecu Traduzioni Francese parasite Inglese parasite Spagnolo parásito Italiano parassita Tedesco Schmarotzer.

parastàgiu, parastàju, parastàxu, parastàzu, parastràzu palastràgiu

paràta paràda 2

paràta 1 paràda

paratòpas , avb Definizione fai a p. = atopare, atobiare, andhare a cara a un'àteru Sinonimi e contrari paradóbias.

paràtu , nm Definizione tocu de campana distintu e a pagamentu chi si faiat unu tempus candho interraiant unu mortu Sinonimi e contrari asséchiu, lassa 1 Frasi sos paratos unu tempus fint unu pro su póveru, duos pro sa tzente cuartache, tres pro su campatógliu e dae tres in susu pro su ricu.

paratúra paradúra

paràtzu , agt Definizione nau de animale e de gente, chi est a pintirighinos, a marchighedhos de diferente colore Sinonimi e contrari aggutau, iscacadu, pibirassu, pibirinosu.

paràu paràdu