A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sonniàre sonnài

sonniciósu, sonnicrósu , agt, nm: sonnigosu, sonnigrosu Definizione chi o chie dormit meda; mescamente chi o chie costumat a s'istentare cun pagu pentzamentu, cun pagu incuru, cun pagu atentzione che unu chi tenet sonnu Sinonimi e contrari dormidore, dormiu, sonnile / cdh. sunnicosu / drommiciosu Frasi sonnigrosu, ancora in letu a sas noe, pesadindhe! 2. s'ànima sarda, sempre in duda e sonnigosa, trunchet sas cadenas! ◊ lassau cherias, sonnicrosu: su chi fit budhendhe in su lapiolu ti nch'est totu brusiau! ◊ po cantu Bidhanoa fessit una bidha sonnigosa, preitzosa, sentza de nisciuna gana de si ponni a su paris cun is àtaras bidhas, Bidhanoa fut in Sardínnia (B.Lobina) Etimo srd. Traduzioni Francese grand dormeur, ensommeillé Inglese sleepy-head, drowsy Spagnolo dormilón, soñoliento Italiano dormiglióne, sonnacchióso, dormiglióso Tedesco Langschläfer, schlaftrunken, schläfrig.

sonnídu , agt: sonnitu, sonniu, sunnitu Definizione chi tenet sonnu; chi costumat a pigare is cosas a pagu incuru, cun discóidu / su batu sonnidu! = si narat de unu pagu ischidau, pagu atentu, pagu coidosu (assimbigiau a su gatu chi che lassat fuire is sórighes e no cassat nudha) Sinonimi e contrari assonniscau, indormiscau, insonniscadu, sonniciosu, sonnisonni / cdh. insunnitu | ctr. ischidadu, schidu Frasi sos ojos mios, a s'abbàscia abbàscia, sonnidos, ant finidu de si sizire ◊ su manzanu si ndhe pesant totu istracas e sonnidas ◊ ohi pudhitu birde brigantinu, pinnicu chitulanu e oriolu pro su primmu sonnidu linnajolu! (G.Fiori) Etimo srd. Traduzioni Francese endormi Inglese sleepy Spagnolo somnoliento, adormilado Italiano assonnato, sonnacchióso Tedesco schläfrig, schlaftrunken.

sonníferu , nm Definizione meighina o fintzes cosa o chistione chi batit su sonnu, faet dormire Sinonimi e contrari addromitiolu, dormitóriu, indrommitóriu.

sonníga , nf Definizione tzatzada de sonnu, dormia manna Sinonimi e contrari drommida, sonnigada, sonnighera Frasi no mi cicheis fintzas a cras: mi bollu fari una bella sonniga! (G.Mura) Etimo srd.

sónniga , nf Definizione bobboi (mescamente su calagasu, ma fintzes segadidus o priorissa) ingendrau ma ancora dormiu totu imbodhigau in sa napa Sinonimi e contrari cacaracasu 1, drummiciolu, ghilípuru, mamaesonnu, sonnighita Etimo srd.

sonnigàda , nf Definizione tzatzada de sonnu, dormia manna Sinonimi e contrari drommida, sonniga, sonnighera Frasi ti fuliasta in d-una banghina e ti faiast una bella sonnigada Etimo srd.

sonnigài , vrb Sinonimi e contrari drommitai, pintzulare Frasi est torra sónniga sónniga Etimo srd.

sonnigasónniga , avb Definizione dormindhosi e chentza dormire, tra dormiu e ischidau Sinonimi e contrari sonnisonni Etimo srd.

sonnighédhu , nm: sonnixedhu Definizione min. de sonnu, unu pagu de sonnu o, de comente si narat, fintzes sonnu meda Frasi comintzo a tènnere sonnighedhu puru a cust'ora! ◊ unu sonnighedhu, lenu, dultze, galanu mi che intrat fintzamentra a su chelvedhu 2. sonnighedhu teniat: no fit mancu corcadu chi che fit drommidu!

sonnighèra , nf: sonnischera Definizione sonnu meda, gana de drommire, drommida manna Sinonimi e contrari drommida, sonnera, sonnigada, sultu Frasi gei ti dh'as fata sa sonnighera! Etimo srd.

sonnighíta, sonnigíta , nf Definizione bobboi (mescamente su calagasu, ma fintzes segadidus o priorissa) ingendrau ma ancora dormiu totu imbodhigau in sa napa Sinonimi e contrari cacaracasu 1, mamaesonnu, sónniga Terminologia scientifica crp Etimo srd. Traduzioni Francese chrysalide Inglese chrysalid Spagnolo crisálida Italiano crisàlide Tedesco Puppe.

sonnigósu, sonnigrósu sonniciósu

sonníle , nm Sinonimi e contrari sonniciosu Etimo srd. Traduzioni Francese grand dormeur Inglese sleppy-head Spagnolo dormilón Italiano dormiglióne Tedesco Langschläfer.

sonniónu , agt Definizione chi tenet sonnu Sinonimi e contrari sonniciosu, sonniosu Etimo srd.

sonniósu , agt Definizione chi tenet sonnu Sinonimi e contrari sonniciosu Etimo srd.

sonnischèra sonnighèra

sonnisónni, sonnissónnis , avb Definizione èssiri intr'e abbillus e dormius, mesu ischidaos e mesu dormios, tra billa e sonnu; chi tenet sonnu, dormindhosi (cun sos ogros belaela) Sinonimi e contrari sonnigasónniga / indormiscau, sonnidu / cdh. insunnulitu Frasi su pitzinnu andhat a iscola ma inibe abbarrat sonnissonnis ◊ mi at rispostu sonnisonni, no ischiat mancu su chi fit nendhe Etimo srd. Traduzioni Francese ensommeillé Inglese drowsy Spagnolo adormilado Italiano insonnolito Tedesco schläfrig.

sonnítu, sonníu sonnídu

sónniu , nm: sonnu 1 Definizione visione chi si faet dormindho; genia de disígiu, de contu, de progetu chi si faet, pruschetotu de idea bella meda ma chi no faet bene is contos cun is cosas Sinonimi e contrari bijione, bisu / idea, progetu Frasi si fais aici ti apu a essiri in su sonnu a ti certai ◊ ita sonnu tristu est su chi apu biu! (E.Pintor Sirigu)◊ sonnu trumbullau chei custu no nd'iu fatu ancora ◊ est unu sonnu trobedhosu su chi apu fatu ◊ fatzu sonnus de cani candu mi crocu giaunu ◊ sos sónnios parent machines, epuru irvelant pessamentos, disizos e timórias ◊ no cretas in sonnos: is bisos no sunt avisos! 2. a ti ndhe ammentas de cudhos passados annos chi faghimis sonnos mannos? (G.A.Cossu) Etimo itl. Traduzioni Francese rêve, songe Inglese dream Spagnolo sueño Italiano sógno Tedesco Traum.