A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

santítzu , agt Definizione nau de fedu, chi est naschiu chentza lómpere, aortitzu, agurtitu*.

santixédhu santichédhu

santolína , nf: santulina Definizione genia de erba chi no sicat mai, bona po cura: dhi narant fintzes erba de bremis, erba de coscos, o murga de bòis Sinonimi e contrari allupaguadhu, murguleu 1, murmueu, simu 1, ungos Terminologia scientifica rbc, Santolina chamaecyparissus Etimo itl.

santòne , nm Definizione santu, ma nau prus che àteru de ómine chi faet vida totu giada a sa religione de fides no cristianas Cognomi e Proverbi smb: Santone, Santoni.

santonína , nf Definizione zenia de meighina chi faghet bene pro sos bermes.

santrecòro , nm: sentrecore Definizione male a su coro, mortemala, puntore Sinonimi e contrari antecoru*, bentracoro, intracoro Frasi bibíebbos unu bubbulicu de abbardente, sinono oje bos suprit carchi santrecoro malu de su fritu! Traduzioni Francese collapsus Inglese collapse Spagnolo colapso Italiano collasso Tedesco Kollaps.

sàntu , agt, nm Definizione chi o chie est deasi bonu e giustu de arresurtare aggradéssiu a Deus, faet vida totu cunforma a sa volontade e a is leis suas, istat in amighéntzia e in s'amore de Deus: mescamente si narat de cudhos chi ant professau sa fide cristiana cun balentia manna e lassau fama nodia (e si narat fintzes a is conas issoro chi si ponent in is crésias); css. cosa sagrada; a bortas si narat po meravíglia, ispantu, e s'impreat su pl. chentza art.; si narat fintzes po giare prus fortza a s'agt. dónnia/donzi / coment'e agt. si podet pònnere innanti o apustis de su nm. (es. ispina santa, lunis santu, chida santa, abba santa, manu santa, santa rughe, santa glória, sant'ómine, ómine santu, ma in is títulos sèmpere innanti)/ min. santighedhu; santitu = istatuedha de unu santu; Sos Santos = prima die de santandria candho si afestant totu is santos Sinonimi e contrari bonu, sagradu | ctr. demóniu, malu Modi di dire csn: fàghere a unu a cara ’e s. = apodhigare, matunzare, tocare meda (nadu mescamente de fémina); a sa santa glória! = a dhu connòsciri in su celu! (fuedhendi de o po unu mortu); segundu su s. s'incensu = a donzunu, o a donzi cosa, su chi bi cheret, su chi andhat bene; zúghere sa manu santa = tènniri manu bona fendi ccn. cosa, chi po cussu arrennescit bèni; giúghere sos pes, sas manos a s. = cancarados; s. Seindomo = unu santu chi no afestant in perunu logu (santu setzi in domu, abarra in domu); su s. = (nadu de sa síndria) sa parte de mesu, sa menzus, (nadu de sa fémina) sa natura; totu a unu s. seus preghendi!… = deo e tue cherimus cosas própiu diferentes!; pàrrere impromintu a santos (nadu de unu)= istare sempre malaidonzu; ischire portare su s. a crésia = zúghere manera grabbosa e delicada de fàghere ma pro torracontu, cun trassa; pregare a ccn. che unu s. = circai de dhu cumbínciri a fuedhus in totu is maneras a fai calicuna cosa; su s. chi t'at fatu!, chi t'at nàsciu!, de aundi! = genia de frastimu nau isceti po arrennegu, po feli, ma sentza de disigiai perunu mali; abbarrare che s. de àstragu = ammarmuraus, círdinus (de atzíchidu o àteru); tocai a santus a santus = sonare sos trinnitos a sa cunsacratzione, in sa missa Frasi fuedhus santus, tziu Massiminu! ◊ sa manu santa zughes, chi ti andhat totu in bene?! ◊ seu beniu po circai is ollus santus po sorgu ◊ si est santa sa radichina, l’ant a èssere fintzas sas carvas! 2. s'únicu viàgiu chi eus fatu est a santu setzindomu ◊ li at nadu cosa de peràulas…: l'at fatu a cara de santu! ◊ est frimmu e sériu che santu betzu ◊ santos, a ómine mannu chi si ch'est fatu custu pisedhu! ◊ cantat de sos eroes sas impresas, sa glória e martíriu de sos Santos ◊ pro fàchere a sa vidha su teracu vi cheret unu santu o unu macu (T.Ziranu) 3. in cussa butega bi tenent santitos a bèndhere 4. ómini santu, sa pingiara dèu dha bollu! ◊ donzi santa die isse ndh'est inoghe ◊ donzi santa borta chi fontomat cudhu malevadadu che li fuit su prantu ◊ sa meri est totu sa santa dí incortia in cust’apusentu ◊ su babbu est abbarradu che santu de àstragu ca crediat chi fint pranghenne a Bachisedhu mortu ◊ a cussa pisedha irgirada la faghent totu a cara de santu (G.Ruju) Cognomi e Proverbi smb: Santu, Santus / prb: chini tenit santus in corti non timit mancu sa morti ◊ dogna santu bolit sa candela sua Terminologia scientifica prdc Etimo ltn. sanctus Traduzioni Francese saint Inglese saint Spagnolo santo Italiano santo Tedesco heilig, Heilige.

santuaíne, santuaíni , nm: santucaini, santugabini, santugabinu, santuvaini Definizione su de deghe meses de s’annu, candho si faet sa festa de Santu Gavinu (su 25 de su mese)/ bidha cun custu numene: Santuéngiu in Campidanu (de santu 'ainzu), ue est nodia sa crésia ca dhue funt isculpios is Arboreas prus famaos, Marianu, Ugone, Leonora, su fígiu e su pobidhu Sinonimi e contrari ladàminis, meseladàmini, santumiàili / cdh. santigaini Frasi Giuanne est nàschidu su 6 de santucaini ◊ su chelu metas annos abbarrat serenu finas a sa fine de santugaini ◊ a primos de santuaini finiat s’istiu e finiat sa libbertade: si torraiat a iscola Terminologia scientifica tpc Etimo srd. Traduzioni Francese octobre Inglese october Spagnolo octubre Italiano ottóbre Tedesco Oktober.

santuànni , nm Definizione su èssere gopares e gomares inter duas personas, su dhue tènnere s'ógiu santu Sinonimi e contrari comparia, cumpradiadu, goparàgiu Modi di dire csn: èssi s. = àere comparia, èssere compares, comares; segai, iscuai, isciusciai, iscuncordai su s. = iscrobare, essire a iscórriu, in malas; mortu su pipiu, isciusciau su santuanni! = bénnidu mancu su motivu o sa càusa, benit mancu fintzas su chi ndhe podet dipèndhere Frasi cussus duus si nant "Fostei" ca nci tenint su santuanni ◊ acabbamidha ca assinuncas iscuncordaus su santuanni puru, lah! ◊ muda, dassinuncas iscuaus su santuanni! ◊ totus iscínt ca nosu seus santuannis Etimo srd. Traduzioni Francese parrainage Inglese godfathership Spagnolo compadrazgo Italiano comparàtico Tedesco Gevatterschaft.

santuàriu , nm Definizione una crésia in cantu est dedicada a calecunu santu Sinonimi e contrari crésia.

santucaíni, santugabíni, santugabínu santuaíne

santugrístos, santugrístu , nm Definizione una grughe pitichedha cun su Cristos incravau, de pònnere prus che àteru apicada in domo Sinonimi e contrari rughevissu Frasi impicau in d-unu brocu bi aiat unu santugristu de linna Etimo ctl. sant crist Traduzioni Francese crucifié Inglese crucifix Spagnolo crucifijo Italiano crocifisso Tedesco Kruzifix.

santulína santolína

santumiàili, santumiàle , nm Definizione su de deghe meses de s'annu Sinonimi e contrari ladàmene, santuaine Frasi a úrtimu de santumiàili o a primu de donnisantu su tempus cumènciat a marcae fritu! Terminologia scientifica tpc Etimo srd.

santútzu , agt, nm Definizione min. de santu, nau de una cona / portare a s. = pigai a palaporcedhu Sinonimi e contrari santichedhu 2. in cue, mira, santutza ’e oro, apo pérdidu su coro: no l'apas crobadu tue? (Grolle)

santuvaíni santuaíne

santzaína, santzainèdha sanciainèdha

sàntzarra , nf Sinonimi e contrari bibbigorra, chíchela, cicirida, cixigraxa, sitzigarra, sitzigolla Terminologia scientifica crp.

santzaughèdha , nf Definizione satzaluga pitica, satzauga etotu Frasi is latzajus ponint santzaughedha po cassai is turdus.

santzéru , agt: sintzeru, síntzeru Definizione chi est bonu, sanu / unu pratu sintzeru = chi no est cannidu Sinonimi e contrari sentzígliu / síncaru Frasi mi fiat partu ca is manus gei dhas portàt santzeras, po iscriri su chi dhi ant pediu ◊ su tziu at iscritu is númerus chi dhi ant nau poita de memória no fut prus santzeru meda 2. no mi giutas ingannu: si ses sintzera che deo no amus pena ne dannu!