A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

súrzile , nf Sinonimi e contrari súivile*.

surziméntu , nm Definizione su surzire Sinonimi e contrari surzidura Etimo srd.

surzíre sultzíre

surzíu surgíu 1

susàre , vrb Definizione cicire comente faent is canes, a cúmeros in terra e cun is cambas de ananti prantadas Etimo srd.

susàrga , nf Definizione its, furzaga? (sugàrgia) Frasi ses a vinti tres annos pili cana, duos ojos che sancu de susarga, gobbedha dai conca fin'a pes! (F.A.Arca)

susetòtus , nm Sinonimi e contrari bòbida.

suspadòre , agt, nm Definizione chi o chie costumat a foedhare a suspos, in cobertantza Etimo srd.

suspàre , vrb Definizione nàrrere is cosas in cobertantza, foedhare a suspos, fintzes in cara de chie depet intèndhere ma chentza nàrrere sa cosa tropu ladina Sinonimi e contrari alaviai, baltzigare Frasi sa sogra istat sempre suspendhe contr'a sa nura: ma cudha puru za no est tonta, za la cumprendhet s'antífona! Etimo srd. Traduzioni Francese parler argot Inglese to use slang, to speak allusively Spagnolo hablar en jerigonza Italiano parlare in gèrgo, sótto metàfora Tedesco durch die Blume sprechen.

suspàre 1 , vrb Definizione suspire*, tirare su mucu aintru, cun su nasu.

suspèndhere , vrb: suspendi, suspèndiri Definizione firmare calecuna cosa o a ccn. una sumana de tempus / pps. suspéndhidu, suspesu Sinonimi e contrari arrepiare, firmai, impasare, istajire, tasire Etimo itl. sospendere.

suspéndhidu , pps Definizione de suspèndhere Sinonimi e contrari firmau, suspesu, tasidu.

suspendhidúra , nf Sinonimi e contrari firmada, tasida Etimo srd.

suspèndi, suspèndiri suspèndhere

suspensiòne, suspensiòni , nf Definizione su suspèndhere Sinonimi e contrari firmada, tasida.

suspentàre , vrb Definizione pentzare calecuna cosa innanti chi bèngiat, coment'e chi unu dh'iscat, suspetare Frasi sa Sibbilla suspentendhe nesit: - Deghe ancora lunas noas e benit fedu a mundhu! Traduzioni Francese prévoir Inglese to foretell Spagnolo presagiar Italiano presagire Tedesco vorhersagen, ahnen.

suspéntu , nm Definizione genia de sentidu, coment'e ischindho innanti cosa chi depet capitare Sinonimi e contrari tocamentu Frasi Lenaldu no si potet bídere firmu e che colat sa note chena sonnu, in mesus a suspentos e pesàdighes (A.M.Pala) Etimo srd.

súsperu , nm Definizione genia de assúpidu, de tzúnchiu, de mancamentu de s'àlidu chi pigat a chie est pranghendho o at prantu meda Sinonimi e contrari assupedhu, atzuconamentu, singurtu, sucúturu, tzuconi, tzúcuri.

suspésu , pps, agt Definizione de suspèndhere Sinonimi e contrari firmau, suspéndhidu, tasidu.

suspèta , nf: suspita Definizione genia de duda, cosa chi si pentzat coment'e timendho, pentzandho in su malu Sinonimi e contrari arreselu, suspetu Frasi in su chi iscries tue bi at calchi suspeta (M.Ghiacciu)◊ podit èssi essiu a fusili a codhu po donai pagu suspeta a sa genti! (Olata)◊ po custu agruai iant arrestau su capitanu de is barrucellus e àturus a suspeta Etimo ctl. suspita.