A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

súrzile , nf Sinònimos e contràrios súivile*.

surziméntu , nm Definitzione su surzire Sinònimos e contràrios surzidura Ètimu srd.

surzíre sultzíre

surzíu surgíu 1

susàre , vrb Definitzione cicire comente faent is canes, a cúmeros in terra e cun is cambas de ananti prantadas Ètimu srd.

susàrga , nf Definitzione its, furzaga? (sugàrgia) Frases ses a vinti tres annos pili cana, duos ojos che sancu de susarga, gobbedha dai conca fin'a pes! (F.A.Arca)

susetòtus , nm Sinònimos e contràrios bòbida.

suspadòre , agt, nm Definitzione chi o chie costumat a foedhare a suspos, in cobertantza Ètimu srd.

suspàre , vrb Definitzione nàrrere is cosas in cobertantza, foedhare a suspos, fintzes in cara de chie depet intèndhere ma chentza nàrrere sa cosa tropu ladina Sinònimos e contràrios alaviai, baltzigare Frases sa sogra istat sempre suspendhe contr'a sa nura: ma cudha puru za no est tonta, za la cumprendhet s'antífona! Ètimu srd. Tradutziones Frantzesu parler argot Ingresu to use slang, to speak allusively Ispagnolu hablar en jerigonza Italianu parlare in gèrgo, sótto metàfora Tedescu durch die Blume sprechen.

suspàre 1 , vrb Definitzione suspire*, tirare su mucu aintru, cun su nasu.

suspèndhere , vrb: suspendi, suspèndiri Definitzione firmare calecuna cosa o a ccn. una sumana de tempus / pps. suspéndhidu, suspesu Sinònimos e contràrios arrepiare, firmai, impasare, istajire, tasire Ètimu itl. sospendere.

suspéndhidu , pps Definitzione de suspèndhere Sinònimos e contràrios firmau, suspesu, tasidu.

suspendhidúra , nf Sinònimos e contràrios firmada, tasida Ètimu srd.

suspèndi, suspèndiri suspèndhere

suspensiòne, suspensiòni , nf Definitzione su suspèndhere Sinònimos e contràrios firmada, tasida.

suspentàre , vrb Definitzione pentzare calecuna cosa innanti chi bèngiat, coment'e chi unu dh'iscat, suspetare Frases sa Sibbilla suspentendhe nesit: - Deghe ancora lunas noas e benit fedu a mundhu! Tradutziones Frantzesu prévoir Ingresu to foretell Ispagnolu presagiar Italianu presagire Tedescu vorhersagen, ahnen.

suspéntu , nm Definitzione genia de sentidu, coment'e ischindho innanti cosa chi depet capitare Sinònimos e contràrios tocamentu Frases Lenaldu no si potet bídere firmu e che colat sa note chena sonnu, in mesus a suspentos e pesàdighes (A.M.Pala) Ètimu srd.

súsperu , nm Definitzione genia de assúpidu, de tzúnchiu, de mancamentu de s'àlidu chi pigat a chie est pranghendho o at prantu meda Sinònimos e contràrios assupedhu, atzuconamentu, singurtu, sucúturu, tzuconi, tzúcuri.

suspésu , pps, agt Definitzione de suspèndhere Sinònimos e contràrios firmau, suspéndhidu, tasidu.

suspèta , nf: suspita Definitzione genia de duda, cosa chi si pentzat coment'e timendho, pentzandho in su malu Sinònimos e contràrios arreselu, suspetu Frases in su chi iscries tue bi at calchi suspeta (M.Ghiacciu)◊ podit èssi essiu a fusili a codhu po donai pagu suspeta a sa genti! (Olata)◊ po custu agruai iant arrestau su capitanu de is barrucellus e àturus a suspeta Ètimu ctl. suspita.