A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

surpía , nf Definizione farta manna de sa vista Sinonimi e contrari insurpia, turpíghine, tzeghidúdine, tzegúmene, tzurpedade Terminologia scientifica mld Etimo srd.

surpímini , nm: (su s. = nr. sussurpímini) tzurpímene Sinonimi e contrari tzeghidúdine, tzegúmene, tzurpia Frasi su surpímini de sia Sipiredha, ca si fadhiat su macitu po trèmini! Terminologia scientifica mld Etimo srd.

surpíre supríre

súrpu , agt, nm: (su s. = nr. sussúrpu) ciurpu trupu*, tzulpu Definizione chi o chie no biet, chi dhi fartat deunudotu sa vista Sinonimi e contrari cegu, insurpu, ispereladu.

surpúliu , nm Sinonimi e contrari assuconi, assupedhu, singurtu, sucúturu, tzúcuri Frasi sa fiza bi carinnat sa cara, a sa mama morta, pranghindhe a surpúlios.

súrra , nf Definizione cropos a meda giaos a unu, o a un'animale, po su male chi at fatu o àteru, fintzes múngia, pelea manna; cosa meda / donai, pigai una s. = giare, pigare cropos a meda, atripare Sinonimi e contrari apiossa, apodhada, assurrada, banzu 1, cabossa, carda, catatripa, dobbe, pista, sussa, zongada / antua, cària, mugna Frasi no si ndi boliat andai e mi dhi donant una bella surra ◊ dh'at iscutu una surra cun sa màniga de su marroni, a burrincu ◊ mellus cussu chi non una surra de fusti! ◊ po chi portis sa conca murra, lah no ti acontessat de arregolli surra! ◊ si ti domandhant cun chie as cantadu, lis naras chi as cantadu cun Cugurra; si ti domandhant "Ite as balanzadu po prémiu?" "Unu 'anzu e una surra!"(Cugurra) 2. l'apo leada sa surra in cussa pigada mala!… 3. cussus funt una surra de piscinàrgius ◊ tèngiu una surra manna de cosa de fai ◊ su piciochedhu portat in sa bussa una surra de gioghitus Etimo ctl. surra Traduzioni Francese coup, rossée Inglese blows Spagnolo zurra Italiano percòsse, busse Tedesco Schläge, Hiebe.

súrra 1 , nf Definizione su súmene de sa tunnina (mescamente sa s. bianca), bona meda orrostia Terminologia scientifica mng Traduzioni Francese thon à l'huile de première qualité Inglese tuna fish Spagnolo ventresca Italiano ventrésca, buzzonàglia Tedesco Bauchfleisch des Thunfisches.

surràdigu , agt Definizione nau de ccn., chi tenet naturale malu, chi est de mal'intesa Sinonimi e contrari abbetiosu, acucosu, aputajolu, corriatu, coteu, pertiassu, redossu, serréntile, testarrudu.

surradúra , nf Definizione s'immamadura chi si faet in beranu a sa bide noa, po che dhi betare is cambighedhos chi at bogau in prus Sinonimi e contrari irmamadura, iscatzedhadura Etimo srd.

surragaméntu sarragaméntu

surragàre sarracràre

surràgu sarràgu

surrài, surràre , vrb: assurrare Definizione pigare a cropos, atripare Sinonimi e contrari abbanzare, acamassare, aciocai, addobbai, apodhare, arropai, assupare 1, atrempare, atripai, cadhai, impodhare, isciúdere, magiare, mungiai, sussare, zongare Frasi nois amus surradu a issu, sos fizos e totu sa gente sua ◊ si proo a surrare… deo surro! (Cugurra) Etimo ctl. surrar Traduzioni Francese battre, frapper Inglese to strike Spagnolo golpear Italiano percuòtere, picchiare Tedesco schlagen.

surràstra sorràstra

surràu , pps, agt Definizione de surrare Sinonimi e contrari cordomau, iscutu, mazadu.

surreschiàre , vrb Definizione pigare a mal'ogu, pigare o àere contragéniu Sinonimi e contrari ghelestiare.

surréscu , agt Definizione nau de unu, chi no si faet tanti bòllere bene, chi no praghet, chi no faet a dhu padire de cantu no praghet Sinonimi e contrari dilzeniau.

surrínu , agt Definizione nau de unu, chi est unu pagu bregungiosu, arestosu Sinonimi e contrari bergungiosu, gavardu | ctr. facianu, ifaciu Frasi su surrinu, proite no ti la leas sa cosa candho ti la cherent dare?!

surrogài, surrogàre , vrb Definizione cambiare, pònnere a su postu o in parte de un'àteru.

surrúgnu , nm: surrúngiu Definizione no própriu murrúngiu, ma calecuna cosa coment'e duda, chèscia e dispraxere totu impare, ammentu de cosa chi dispraxet Sinonimi e contrari impudu Frasi tui as tentu custu dannu e immoi ti abarrat custu surrúngiu de no èssi pótziu fai nudha ◊ is surrúngius de tantis tristuras, su grajori de tantis buconis marigosus si fiant assacaus asuba de is palas suas ◊ mi berrinat in conca s'ispédhiu e su surrúngiu de is cosas chi fiant e no funt prus ◊ si passat innoe dh’at a bíncere su surrugnu Traduzioni Francese regret Inglese regret Spagnolo nostalgia, arrepentimiento Italiano rimpianto Tedesco schmerzliche Erinnerung.