A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scabbalàu , pps, agt Definizione de scabbalai; nau de ccn., chi est ammandronau Sinonimi e contrari praitzosu 2. sa balentia de dh'impringiai dh'iat fata cussu scabbalau de… no mi subèngiu su nòmini!◊ furiat piciocu scabbalau e pagu avesu a trabballai.

scabbassàu , agt Definizione chi est andhau male meda, chi agiummai no ndhe balet prus Sinonimi e contrari scasciubbau.

scabbéciu , nm Definizione pische scabeciau / pei de bòi a s. = cotu a budhidu e cundhidu isossadu cun ozu e aghedu e unu pistu de predusímula e azu; olia a s. = cundhida, crua, a sa matessi manera Sinonimi e contrari scabeciada Frasi a papai at fatu pisci a scabbéciu Terminologia scientifica mng Traduzioni Francese poisson mariné Inglese pickled fish Spagnolo pescado en escabeche Italiano pésce marinato Tedesco marinierter Fisch.

scabbéssu , nm: iscabbessu* Definizione ciafu, cropu forte giau cun sa manu a cara Sinonimi e contrari bussinada, ibbatulada, irbirroncu, iscantargiara, mantuada, sporsugada.

scabbiài , vrb Definizione bogare de sa gàbbia Etimo srd.

scabbiòsa , nf: Definizione chintorza o erba de santu Giuanne, o erba de sproni, genia de erba bona fintzes po meighina po s'orrúngia Sinonimi e contrari biudedha, viudas Terminologia scientifica rba, Sixalix atropurpurea ssp. maritima Etimo itl. scabiosa.

scabbúlli, scabbúlliri , vrb: iscabbúllere* Definizione arrennèscere a ndhe pigare calecuna cosa de is manos de un'àteru a fortza o cun abbilesa, arrennèscere a otènnere, arrennèscere a si ndh'essire o a fàere a mancu de una chistione, de una dificurtade, de ccn., arrennèscere a ndhe bogare calecuna cosa, unu profetu / pps. scabbúlliu, scabburtu, scabbutu; s. ccn. cosa de una chistioni = bogar'e ragas, lòmpere a carchi resurtadu Sinonimi e contrari afranchire, allibberai, difèndhere, disgagiai, ifrancare, illertire, irfroculare, iscrúfere, schighitzí / ischire Frasi oi gei ndi scabbullis de làmbrigas! ◊ cun tres sogas dh'acapint e no ndi dhu scabbullat nisciunus! ◊ at comporau pitiolus po is angionedhas, cussas pagas scabutas de is farruncas de is margianis 2. ant bociu a babbu e fillu, ma sa giustítzia no nd'at scabbúlliu nudha ◊ no teniat unu sodhu po ndi scabbulli unu pràngiu ◊ sighiat a si ndi pesai prima de orbesci po ndi podi scabbulli una tassa de lati ◊ imparas assumancus un'arti, su tanti po ti ndi scabbulli un'arrogu de pani ◊ at gherrau po si scabbúlliri unu palmu de terra! ◊ no si scabuleis s'alimentu chi si spàciat, ma cussu chi durat po sa vida eterna (Ev) Traduzioni Francese se débrouiller Inglese to free oneself, to get off Spagnolo apañárselas Italiano liberarsi, cavàrsela Tedesco sich befreien, sich freimachen, davonkommen.

scabbúrtu, scabbútu , pps Definizione de scabbúlliri: scabbúlliu Sinonimi e contrari libberau Frasi sa fruta est arruta in mesu de sa cresura: est giai meda chi nd'apu scabbutu custa! (F.Pilloni)◊ custas sunt is angionedhas scabbutas de is farruncas suas ◊ fiat cuntentu de s'èssiri scabburtu de cussu ◊ depeus èssi cuntentus ca Deus s'at scabburtu de tantis malis (R.Spissu).

scabecéri , agt, nm Definizione chi o chie iscabèciat su pische; in cobertantza, chi o chie furat Sinonimi e contrari scabeciadori Etimo srd.

scabeciàda , nf Definizione unu papare, prus che àteru pische, fatu a scabbéciu Sinonimi e contrari scabbéciu Etimo srd.

scabeciadòri , agt, nm Definizione chi o chie costumat a furare Sinonimi e contrari afufadore, arpiadori, arrapiante, forúnciu, fraitzu, furone, mostrengheri, sbertadori, scabeceri Etimo srd. Traduzioni Francese pickpocket Inglese pickpocket Spagnolo carterista Italiano borsaiòlo Tedesco Taschendieb.

scabeciadúra , nf Definizione su scabeciai nadu in cuguzu pro fura Sinonimi e contrari fura Etimo srd.

scabeciài , vrb: iscabeciai* Definizione pònnere o fàere su pische (o fintzes àteru) in bagna o in àtera cosa suciosa (ógiu, aghedu) po pigare sabore o fintzes po dha chistire; nau in cobertantza, furare a fura prana / tunina scabeciada = tonnina posta in ozu (budhida in abba salida, posta in isterzu, cuguzada cun ozu, tupada a sízigu e torrada a budhire) Sinonimi e contrari arpiai, aungrare, eritare, furai Frasi papendi portada unu pratigliedhu cun cuatru olias scabeciaras ◊ si scabèciat sa tunina cun ollu Traduzioni Francese mariner Inglese to pickle Spagnolo marinar, escabechar Italiano marinare, méttere sott'òlio Tedesco marinieren, in Öl einlegen.

scabéciu , nm: iscabece* 1, scabetzu, scambéciu Definizione genia de mata americana chi faet linna tostada, de òpera, bona fintzes a tínghere in colore de binu Sinonimi e contrari brasile 1 Frasi sa mata de s'arenara bogat frori 'e scabéciu… mamma est arrennegara ca babbu est tropu béciu! Terminologia scientifica mt, Haematoxylum campechianum Traduzioni Francese campêche, bois de campêche Inglese logwood Spagnolo palo de campeche Italiano campéccio Tedesco Blaubaum.

scabèra , nf: iscalera*, scaera, scalera Definizione pesada totu a iscalinas, logu fatu totu a iscala manna, iscala etotu Sinonimi e contrari iscalinada / iscaba Frasi chen'e tui, comenti apu a fai a artziai sa scabera longa, cun sa valígia a codhu?! (I.Lecca)◊ tocat a nci artziari in d-una scalera de anca si bit sa bidha ◊ intendia passus in sa scalera de tàula Traduzioni Francese escalier, gradins Inglese flight of steps Spagnolo escalera Italiano gradinata Tedesco Treppe.

scabessàda , nf: iscabessada* Definizione iscutulada giada cun sa manu a conca, a su gatzile Sinonimi e contrari bofetada, bussinada, cabessada, iscantargiara, iscaputzone, istuturrone, sporsugada.

scabétzu scabéciu

scabidài , vrb: iscabidare*, scabudai, scaburai Definizione lassare a càbudu, agoa, lassare addaesegus in su sensu de abbandhonare, lassare istare, bogare de càbudu, lassare de fàere una faina de sighire apustis Sinonimi e contrari abbandhonare, disamparai, discodiare, irbandhonare, lassai, scabulai / cambare / tasire | ctr. contifizare Frasi Gesugristu no tenit ànimas de scaburai ◊ mamma mia, comenti e totu is mamas de su mundu, no tenit fillus de scabudai ◊ teni fidi e no scabudis a Deus! ◊ s'ortu ocannu dh'apu scabidau 2. seu sola e scabudada ◊ in s'ospítziu prangit unu babbu scabudau 3. apusti scabidau de trabballae obiaiant peri is óminis Traduzioni Francese négliger Inglese to neglect Spagnolo descuidar Italiano trascurare Tedesco vernachlässigen.

scabidédhu , agt Definizione its (S'Ischíglia 3,96,95) Frasi me in mesu de is becixedhus dhoi fiat, scabidedhu po su frius chi iat fatu, tziu Arremundicu (G.Mura).

scabidhadúra , nf Definizione su scabidhai; sa essia de s'ispiga; su tempus chi su laore est ispigandho Sinonimi e contrari ispicadura, ispighinzu, scavidadura Etimo srd. Traduzioni Francese épiage Inglese earing Spagnolo espigueo Italiano spigatura Tedesco Ährenschießen, Zeit der Ährenbildung.