A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scabidhài , vrb: iscabidhai* Definizione bogare sa cabitza de sa canna, fàere s'ispiga, nau de is laores chi ispigant; lòmpere, nau fintzes de persona Sinonimi e contrari iscabissare, ispicare, ispighire Frasi candu su trigu iat scabidhau e si fut drimpiu fut cumparta fintzas s'erba mala ◊ sa terra etotu fait cresci su lori: prima su cambu, apustis scabidhat e infinis si drimpit s'ispiga Traduzioni Francese monter en épi Inglese to ear Spagnolo espigar Italiano spigare Tedesco Ähren ansetzen.

scabidhíu , agt Definizione nau de erba, chi at fatu s'ispiga, intostada; in cobertantza nau de ccn., chi est créschiu, mannu Sinonimi e contrari ispighidu / indoliu Frasi si est scabidhia, custa cosa dha lassaus a fostei ca portat casciais bellus! Etimo srd.

scabiossadúra , nf Definizione su scabiossai / a s. = a manera de si scabiossai, de orrúere male Frasi sa màchina est currendi a scabiossadura ◊ est totu a scabiossadura a trabballai in cussu logu Etimo srd.

scabiossài , vrb: scaviossai Definizione betare in d-unu scabiossu, iscrébigu, o àteru, de logu artu Sinonimi e contrari imbolare, ispantumare, isperrumai, issussiare Frasi nc'eus a scabiossai sèmpiri de prus a fundu ◊ nci dh'at scabiossau conca a bàsciu de susu de una roca ◊ lessintiminci cabai de su trenu, chi no mi nci scabiossu! Traduzioni Francese précipiter Inglese to precipitate Spagnolo precipitar, despeñar, arrojar Italiano precipitare Tedesco hinabstürzen.

scabióssu , nm: scaviossu Definizione logu artu meda, de orroca / a s. = a betadura, a cúcuru ficadu Sinonimi e contrari ispéntimu, isperdicadorju, ispérruma, tràdhia, úbridu 2. prima nd'est ampuau e apustis si nc'est abbucau a scabiossu Etimo srd. Traduzioni Francese précipice Inglese precipice Spagnolo precipicio, barranco, despeñadero Italiano precipìzio Tedesco Abgrund.

scabiscadúra , nf Definizione iserbadura, illimpiamentu de is laores po ndhe tirare mescamente su cabiscu, una genia de càule (lassa) Etimo srd.

scabiscài , vrb: iscobiscai*, scobiscai Definizione bogare o tirare su cabiscu chi faet in mesu de is laores Sinonimi e contrari irderbai.

scabitài , vrb Sinonimi e contrari ispertare 1, ispizare, pantonai Frasi mi depu scabitai sa conca ca no bollu abarrai scrafi scrafi Etimo srd.

scabitzàda , nf: iscabitzada* Definizione cropu de conca; cropu giau a manu aperta a gatzile, a conca Sinonimi e contrari iscabbessu, iscabessada / cdh. scapitzata.

scabitzài , vrb: iscabissare* Definizione segare sa cabitza, sa conca, nau fintzes de matas in su sensu de segare de sa frochidhadura, a isconcadura Sinonimi e contrari isconcare / irgruxae, irruigare, iscamurrare, istrugare.

scabixàu , agt Sinonimi e contrari afésiu, malacariu, marriu, scalarxiu, scariatzu, scarritzinu, surgiu 1 | ctr. rassu Frasi circu, debbadas, in cussus ogus alluinaus, in cussa faci scabixada sa gana de bíviri Traduzioni Francese très maigre Inglese very thin Spagnolo muy flaco Italiano magrìssimo Tedesco sehr schlank.

scabudài scabidài

scabúdu , nm Definizione su scabudai, su lassare in abbandhonu Sinonimi e contrari abbandhonu, descuidu, disamparu | ctr. contibizu Frasi chi pentzat a s'ora de su scabudu, una punta dhi setzit in su coru!(F.I.Congiu)◊ est pentzendu a su scabudu de sa famíglia Etimo srd. Traduzioni Francese abandon Inglese neglect Spagnolo abandono Italiano abbandóno Tedesco Verlassen.

scabulài , vrb: iscavulai*, scavuai, scavulai, scavulari Definizione fuliare a un'ala, lassare istare, fintzes betare; bogare de càbudu, lassare de fàere una cosa; foedhandho de laore nou, rèndhere, giare de resa Sinonimi e contrari betare, foliai, frundhire, imbolare / acabbae, scabidai | ctr. arragolli, chistie, coglire Frasi prestu, scavuancedha sa sigareta! ◊ in fàbbrica ant serrau totu: si nci ant scavuau aici… cumenti a petza pudéscia! ◊ scàbula totu e benidindi! ◊ depit scabulai su bufóngiu, su fumóngiu e papai chena sali ◊ fai finta de èssi aintru de unu barribi e scavuadinci a bàsciu 2. scabulamidha, no mi fàcias erriri! ◊ scabulaidedha de prangi, gomai, e prusaprestu agiudaimí a fai custas pabassinas! Traduzioni Francese jeter Inglese to throw away Spagnolo arrojar, echar, tirar Italiano buttar via Tedesco wegwerfen.

scàbulu , agt: iscàbulu* Definizione chi est chentza cumpàngiu, chentza fígios, a solu Sinonimi e contrari iscambillau / annàntile.

scàbulu 1 , nm Definizione iscrébigu, scabiossu, strumpu Sinonimi e contrari irrocadolzu, ispéntimu.

scaburài scabidài

scacamurrài , vrb Definizione atripare, giare una surra, iscrammentare a cropos (fintzes in cobertantza) Sinonimi e contrari iscúdere / iscadhai, iscalmentare, spriai 2. torra su coru a logu ca issa ti at lassau: issa isposa diciosa e tui scacamurrau! (L.Aresu)

scacargiàda , nf: iscacagliada*, scracaliada Definizione su erríere a iscracàliu Sinonimi e contrari iscacàgliu, iscalliada, iscracanzu, rísida, sgangagliada.

scacàrgiu , nm: iscacàgliu*, scracàbiu, scracàgliu, scracàliu, scracàlliu, scracallu, scracaxu Definizione sa boghe candho si erriet, nau fintzes de sa boghe de calecunu animale Sinonimi e contrari ghirghílliu, iscacagliada, iscracanzu, iscracaxu, irghirghílliu Frasi cun d-unu fuedhu o unu scracàlliu ti fait passai sa gana de dhu scudi ◊ funt arriendi a scracàgliu ◊ ant arrísiu totus a scracàliu ◊ cussu arrít a scracallus ◊ iat inténdiu féminas arriendu a scracaxu (F.Marcialis)◊ calencunu si ponit a erriri a scacàrgius 2. s'intendit su scracàlliu de is pudhas ◊ s'intendiat su scracàbiu de una pudha frucera.