A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scascellài , vrb Definizione bogare fora de logu, bogare de pare, segare de mala manera Sinonimi e contrari irbesciai, iscratzare, scadrogai, secare Frasi istramixedhu ses a ndi scascellai cussa bella nai!…◊ furandi su frutu, ma no ndi scascellis is nais! ◊ timu chi ndi siat arruta una mata giai scascellada chi tenia apuntedhada.

scascellaméntu , nm Definizione su scascellai Sinonimi e contrari irbíssiu, iscontzu, scordogadura, sdollocadura Etimo srd. Traduzioni Francese dislocation, déboîtement Inglese dislocation Spagnolo dislocación Italiano slogaménto Tedesco Verrenkung.

scàscia , nf: (scà-scia) Definizione donniuna de is duas dentes longas de su porcu in sa barra de fundhu; fintzes aina chi si manígiat po tèssere prus a cracu o tibba sa trama Sinonimi e contrari sagna Terminologia scientifica crn, ans.

scasciàda , nf Definizione sciampladura chi si faet in sa grussària de unu muru Sinonimi e contrari scasciadura Etimo srd. Traduzioni Francese ébrasement Inglese splay Spagnolo derrame Italiano strómbo, strombatura Tedesco Ausschmiegung.

scasciadúra , nf Definizione su scasciai Sinonimi e contrari scasciada Etimo srd.

scasciài , vrb Definizione fàere su muru prus largu a manu a manu chi si artzat Modi di dire csn: scasciaisí de sa sedha = rúere dae cadhu; scasciai sa manu = scassedhai, mòere sa manu cun pagu pertzisione de fàghere fintzas dannu in sa faina 2. fadendu cussu retratu m'at scasciau sa manu Traduzioni Francese ébraser Inglese to splay Spagnolo efectuar un derrame Italiano strombare Tedesco ausschmiegen.

scascialài , vrb Definizione matzigare a pelea, cun dificurtade Sinonimi e contrari irdentae / iscasciolare Etimo srd.

scascialaméntu , nm Definizione su scascialai, su abarrare o istare matzigandho Etimo srd.

scasciubbàu , agt Definizione chi est andhau male meda, chi agiummai no ndhe balet, no serbit prus Sinonimi e contrari scabbassau.

scasiscàsi , avb Definizione a su time time, cun duritu, unu pagu cun bregúngia Frasi si nci fiat atabbacau scasiscasi a domu sua ◊ mammai, candu dh'at biu aproliendi a domu scasiscasi, at cumpréndiu su chi podiat èssiri acuntéssiu ◊ scasiscasi su pobidhu ndi fiat essiu a foras.

scasórgiu , nm: ischisórgiu, scraxoxu, screxoxu, scrixoxu, scroxoxu, scrusórgiu, scruxoxu, scusórgiu, scussórgiu Definizione cosa de valore mannu cuada de s'antigóriu: prus che àteru est su tema de medas contos, fintzes de tímere, ca nanca dhue iat a èssere su dimóniu po dhu badrare Sinonimi e contrari aschisorju*, pósidu, scudroxu, sidhadu Frasi genti chi andàt a cicai scruxoxus anca ndi beniant macus de s'assíchidu! ◊ su regnu de is celus est símbili a unu scusórgiu ◊ est circhendu scruxoxus in bidea de si arricai! Traduzioni Francese trésor caché Inglese hidden treasure Spagnolo tesoro escondido Italiano tesòro nascósto Tedesco verborgener Schatz.

scassài scantzài

scassèsa , nf: iscassesa* Definizione su èssere iscassu in o de una cosa, su èssere tropu pagu Sinonimi e contrari carestia, grusura, iscassia, merchinzia | ctr. bundhàntzia.

scassidhíri , vrb Definizione bogare de s’incàsciu, mòvere de su logu suo, nau mescamente de un'arremu Sinonimi e contrari innoigare, irbesciai, scadrogai, sciadhie Frasi ndi seu arruta de su letu e mi seu scassidhiu su pei Etimo srd.

scassobàu , agt: iscascioladu* Sinonimi e contrari iscassoletadu, schissiolau Frasi alla, scassobau, càmbia chistionu, ca ti ant a intendi fillus tuus, puru! ◊ alla, citudidha no síasta scassobau!

scassolài , vrb Definizione nàrrere iscassolus, isciolórios, isciapidórios, cosas chentza giudu Sinonimi e contrari addrollare, astrologare, ibentiare, illeredhiare, iscasciuletare, istralobbiare, sciasolai, sciolloriai Etimo srd.

scassólu , nm Definizione cosa nada cun pagu giudíssiu, chentza seru, cosa de gente pagu sàbia Sinonimi e contrari bambiore, ibbàmbiu, illériu, isabidóriu, iscàntaru, sciabóriu Etimo srd.

scàssu , agt: iscassu*, schessu Definizione chi no est su tanti giustu, chi est pagu cunforma a su bisóngiu; nau de unu, fintzes arrestigu, de manu istrinta Sinonimi e contrari iscàltzigu, ischessu, mancante / susuncu | ctr. giustu, bundhante.

scasumadúra , nf Definizione su si scasumai, su chi si narat scasumendisí cun ccn. Sinonimi e contrari scasumamentu Etimo srd. Traduzioni Francese familiarité Inglese confidence Spagnolo confidencia Italiano confidènza Tedesco Vertraulichkeit.

scasumài , vrb: iscasumai*, scosumai Definizione leare oru, arrennèscere a cumprèndhere o ischire calecuna cosa de una chistione, fintzes iscoviare, giare a ischire, ispiegare; rfl. nàrrere su chi unu sentit, su ndhe foedhare cun ccn., de una chistione Sinonimi e contrari assaborire, indennentai, scasumiri / faedhare, iscobiare / ispiegae 2. tziu Arremundicu, dèu dh'ia a bolli iscadhiai una cosa, si mi promitit ca no mi scasumat! ◊ scasumissí, gopai, ca seus innòi po intendi! ◊ mi seu scasumau cun mamma.