A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scascellài , vrb Definitzione bogare fora de logu, bogare de pare, segare de mala manera Sinònimos e contràrios irbesciai, iscratzare, scadrogai, secare Frases istramixedhu ses a ndi scascellai cussa bella nai!…◊ furandi su frutu, ma no ndi scascellis is nais! ◊ timu chi ndi siat arruta una mata giai scascellada chi tenia apuntedhada.

scascellaméntu , nm Definitzione su scascellai Sinònimos e contràrios irbíssiu, iscontzu, scordogadura, sdollocadura Ètimu srd. Tradutziones Frantzesu dislocation, déboîtement Ingresu dislocation Ispagnolu dislocación Italianu slogaménto Tedescu Verrenkung.

scàscia , nf: (scà-scia) Definitzione donniuna de is duas dentes longas de su porcu in sa barra de fundhu; fintzes aina chi si manígiat po tèssere prus a cracu o tibba sa trama Sinònimos e contràrios sagna Terminologia iscientìfica crn, ans.

scasciàda , nf Definitzione sciampladura chi si faet in sa grussària de unu muru Sinònimos e contràrios scasciadura Ètimu srd. Tradutziones Frantzesu ébrasement Ingresu splay Ispagnolu derrame Italianu strómbo, strombatura Tedescu Ausschmiegung.

scasciadúra , nf Definitzione su scasciai Sinònimos e contràrios scasciada Ètimu srd.

scasciài , vrb Definitzione fàere su muru prus largu a manu a manu chi si artzat Maneras de nàrrere csn: scasciaisí de sa sedha = rúere dae cadhu; scasciai sa manu = scassedhai, mòere sa manu cun pagu pertzisione de fàghere fintzas dannu in sa faina 2. fadendu cussu retratu m'at scasciau sa manu Tradutziones Frantzesu ébraser Ingresu to splay Ispagnolu efectuar un derrame Italianu strombare Tedescu ausschmiegen.

scascialài , vrb Definitzione matzigare a pelea, cun dificurtade Sinònimos e contràrios irdentae / iscasciolare Ètimu srd.

scascialaméntu , nm Definitzione su scascialai, su abarrare o istare matzigandho Ètimu srd.

scasciubbàu , agt Definitzione chi est andhau male meda, chi agiummai no ndhe balet, no serbit prus Sinònimos e contràrios scabbassau.

scasiscàsi , avb Definitzione a su time time, cun duritu, unu pagu cun bregúngia Frases si nci fiat atabbacau scasiscasi a domu sua ◊ mammai, candu dh'at biu aproliendi a domu scasiscasi, at cumpréndiu su chi podiat èssiri acuntéssiu ◊ scasiscasi su pobidhu ndi fiat essiu a foras.

scasórgiu , nm: ischisórgiu, scraxoxu, screxoxu, scrixoxu, scroxoxu, scrusórgiu, scruxoxu, scusórgiu, scussórgiu Definitzione cosa de valore mannu cuada de s'antigóriu: prus che àteru est su tema de medas contos, fintzes de tímere, ca nanca dhue iat a èssere su dimóniu po dhu badrare Sinònimos e contràrios aschisorju*, pósidu, scudroxu, sidhadu Frases genti chi andàt a cicai scruxoxus anca ndi beniant macus de s'assíchidu! ◊ su regnu de is celus est símbili a unu scusórgiu ◊ est circhendu scruxoxus in bidea de si arricai! Tradutziones Frantzesu trésor caché Ingresu hidden treasure Ispagnolu tesoro escondido Italianu tesòro nascósto Tedescu verborgener Schatz.

scassài scantzài

scassèsa , nf: iscassesa* Definitzione su èssere iscassu in o de una cosa, su èssere tropu pagu Sinònimos e contràrios carestia, grusura, iscassia, merchinzia | ctr. bundhàntzia.

scassidhíri , vrb Definitzione bogare de s’incàsciu, mòvere de su logu suo, nau mescamente de un'arremu Sinònimos e contràrios innoigare, irbesciai, scadrogai, sciadhie Frases ndi seu arruta de su letu e mi seu scassidhiu su pei Ètimu srd.

scassobàu , agt: iscascioladu* Sinònimos e contràrios iscassoletadu, schissiolau Frases alla, scassobau, càmbia chistionu, ca ti ant a intendi fillus tuus, puru! ◊ alla, citudidha no síasta scassobau!

scassolài , vrb Definitzione nàrrere iscassolus, isciolórios, isciapidórios, cosas chentza giudu Sinònimos e contràrios addrollare, astrologare, ibentiare, illeredhiare, iscasciuletare, istralobbiare, sciasolai, sciolloriai Ètimu srd.

scassólu , nm Definitzione cosa nada cun pagu giudíssiu, chentza seru, cosa de gente pagu sàbia Sinònimos e contràrios bambiore, ibbàmbiu, illériu, isabidóriu, iscàntaru, sciabóriu Ètimu srd.

scàssu , agt: iscassu*, schessu Definitzione chi no est su tanti giustu, chi est pagu cunforma a su bisóngiu; nau de unu, fintzes arrestigu, de manu istrinta Sinònimos e contràrios iscàltzigu, ischessu, mancante / susuncu | ctr. giustu, bundhante.

scasumadúra , nf Definitzione su si scasumai, su chi si narat scasumendisí cun ccn. Sinònimos e contràrios scasumamentu Ètimu srd. Tradutziones Frantzesu familiarité Ingresu confidence Ispagnolu confidencia Italianu confidènza Tedescu Vertraulichkeit.

scasumài , vrb: iscasumai*, scosumai Definitzione leare oru, arrennèscere a cumprèndhere o ischire calecuna cosa de una chistione, fintzes iscoviare, giare a ischire, ispiegare; rfl. nàrrere su chi unu sentit, su ndhe foedhare cun ccn., de una chistione Sinònimos e contràrios assaborire, indennentai, scasumiri / faedhare, iscobiare / ispiegae 2. tziu Arremundicu, dèu dh'ia a bolli iscadhiai una cosa, si mi promitit ca no mi scasumat! ◊ scasumissí, gopai, ca seus innòi po intendi! ◊ mi seu scasumau cun mamma.