A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scaviossài scabiossài

scavióssu scabióssu

scavitài scaviài

scàviu , nm: iscàviu* Definitzione su scaviai; genia de móvia a cropu chi si faet cun sa conca, cun su bratzu, cropu de corros chi giaent is boes Sinònimos e contràrios incorrada, sciamiada, sconchiada / sédhida Frases su malloru si nd'iscudit asuba de su cani a conca bàscia circhendi de dhu ferri cun d-unu scàviu infatu de s'àturu 2. prus no ant a ispartzinai cun largu scàviu de bratzu su sèmini (F.Onnis).

scàviu 1 , nm Definitzione genia de sonu de campanas, coment'e po dannu, a meda, o tanti po fàere o tzerriare gente cracandho agitóriu Ètimu srd. Tradutziones Frantzesu carillon Ingresu chime Ispagnolu repique de campanas Italianu scampanata Tedescu Glockengeläut.

scàvu , nm: iscavu* Sinònimos e contràrios fósciu.

scavuài scabulài

scavuladúra , nf Definitzione su scavulai / a s. = a meda, in bundhàntzia, a scàvulu Sinònimos e contràrios frundhiadura, frundhidura, fuliadura Ètimu srd.

scavulài, scavulàri scabulài

scàvulu , nm Definitzione su scavulai / a s. = a meda, in bundhàntzia, a iscavuladura Sinònimos e contràrios fuliadura, scavuladura Ètimu srd.

scaxadúra , nf: iscalladura* Sinònimos e contràrios scallamentu | ctr. beladura.

scaxài, scaxàri scagiài

scaxentài scallentài

scaxentaméntu scallentaméntu

scazài scagiài

scazaméntu scallaméntu

sceberàda , nf Definitzione su sceberai Sinònimos e contràrios sceberadura, sceberu, sceradura Ètimu srd.

sceberadòri , agt, nm Definitzione chi o chie iscèberat, faet a iscéberu Ètimu srd. Tradutziones Frantzesu trieur Ingresu sorter Ispagnolu cribador Italianu cernitóre Tedescu Sortierer.

sceberadúra , nf: seberadura Definitzione su sceberai, su pigare e pònnere abbandha cosas diferentes; nau de is frores, su fàere su frutu, colare (iscolu 1) de frore a frutu Sinònimos e contràrios chirrionzu, iscolu 1, seberamentu / sceberu, sceradura | ctr. ammisturamentu Ètimu srd. Tradutziones Frantzesu tri, nouement Ingresu setting, choice Ispagnolu selección, criba, el transformarse el ovario en fruto Italianu cèrnita, allegaménto Tedescu Auslese, Sortierung, Fruchtbildung.

sceberài, sceberàri , vrb: scioberai, sebarai, seberai, seberare, seperare, severare Definitzione pigare e pònnere a parte, abbandha una cosa de un'àtera; pigare su bonu, su méngius e lassare su malu, su peus, su metzanu, pigare ccn. cosa precisa chi torrat paris cun calecunu critériu, sa chi andhat bene a un'iscopu, o fintzes arregollendho de mesu de àteras; foedhandho de frores o de matas de frutuàriu, iscúdere o lassare andhare su frore e ingendrare su frutu, chi deasi si cumènciat a bíere / seberai/-are bijos, angionis, crabitos = pònnere abbandha dae sas mamas pro no che lis súere su late Sinònimos e contràrios asseperare, chirrare, isceberai, iscedhai, iscerai, istagiai / acorruntzulare | ctr. ammasturai, meschiare Frases seis prontus a sceberai s'arritzu in su cossu, ma nc'ingurteis unu cammellu intreu! ◊ po issa no nc'est calidadi de seberai, no sèberat ratza, mannus o pitius ◊ candu passais in mesu de is froris seberai is peis po no ndi apetigai 2. as seberadu bene, cojendhe: as leadu una prendha de fémina! ◊ si at seberadu su menzus fiadu dae mesu de s'ama ◊ mi tiro unu frore: in mesu de sos chentu che sèbero s'orrosa… ◊ sciobera sciobera, su peus nd'iscerat ◊ cussa cosa est totu amméschiu: ndhe cheret seberada sa parte bona e frundhida sa mala ◊ ti ponzo a severare in mesu de duos coros: su chi cheres ti lea! ◊ est bellu, severadu che ispiga de trigu 3. sa cariasa, sa pira, su frutuàriu como est totu seberendhe ◊ su fiore chi zughiat, s'àrbure, l'at seberadu totu ◊ s'àchina est seperendhe ◊ in su pàltinu nou sa ua est severendhe… Sambenados e Provèrbios prb: a cuadhu donau no scioberis piu Ètimu ltn. seperare Tradutziones Frantzesu séparer, choisir, nouer (bot.) Ingresu to divide, to select, to set Ispagnolu elegir, seleccionar, transformarse el ovario en fruto Italianu separare, scégliere, selezionare, allegare (détto di piante) Tedescu trennen, wählen, auswählen, ansetzen (Bot.).