A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scempiàu , pps, agt: isempiadu Definitzione de scempiai; chi portat dannu mannu, istrúpiu; chi est mesu iscimpru, pagu giuditziosu / fai sa cosa a sa scempiara = coment'e un'iscimpru, che macu, a machine Sinònimos e contràrios isciumpiadu, iselmoradu, istropiadu 3. nd'at a cumprèndiri babbu tuu, ómini scempiau!…◊ candu mai sa scempiara non est pronta a faci istantia?!…◊ scempiau, cussu piciocu, si drogat puru!

scempiósu , agt Definitzione chi ponet istrúpiu Frases nci fiant ferius e scimingiaus de calincunu colpu scempiosu Ètimu srd.

scèmpla , nf: sciampla Definitzione orrobba in prus chi is maistos lassant a s'ala mala de unu bestimentu, a parte de aintru, po pòdere illargare su bestimentu, si capitat Ètimu ctl. eixampla.

scempriài scempiài

scendiàda , nf Definitzione su scendiai Sinònimos e contràrios iglioronzu, scendióngiu Frases a sa primu scendiada at tentu unu fillu mascu Ètimu srd.

scendiài, scendiàri , vrb: ascendiai, iscendiai, scindiai Definitzione illibbertare, nau de sa fémina príngia, su ndhe fàere su fedu / scendiai unu lampu, lampu = betare unu lampu, lampos Sinònimos e contràrios iglierare, infendiai*, insinnigare, palturire, springiai Frases a is noi mesis sa picioca scéndiat unu fillu mascu ◊ po scendiari is féminas immoi bandant a su spidali 2. matas sintéticas scéndiant froris sen'e profumu ◊ scendiai su mundu cun sa connoscéntzia, cun sa menti.

scendióngiu , nm: issindhionzu, scindióngiu Definitzione su ndhe fàere su fedu, su pipiu Sinònimos e contràrios iglioronzu, illieramentu, paltu, scéndiu, sfendióngiu* Terminologia iscientìfica vda Tradutziones Frantzesu accouchement Ingresu childbirth Ispagnolu parto Italianu parto Tedescu Geburt.

scéndiu , nm Definitzione su scendiai, su s'illibbertare, nau de fémina príngia Sinònimos e contràrios iglioronzu, illieramentu, paltu, sfendióngiu Ètimu srd.

sceniósu , agt: sciniosu Definitzione nau de sa terra no tropu sicada e ni tropu isciusta chi arandhodha essit agiummai coment'e farra; si narat fintzes de fruta o àteru de papare chi essit a farinos Frases sa terra sciniosa est bella a trabballai.

scenografía , nf Definitzione arte de disegnare is cosas comente cumparent a sa vista in teatru, arte de cuncordare un'ispetàculu, s'ispetàculu etotu po totu su chi dhue cumparet.

scentalliài , vrb Definitzione pigare bentu, tzantzigare cun su bentu Sinònimos e contràrios bolatzai, ibentulai Frases su tzàpulu scentalliada che bandhera bincidora (A.Ruggiu).

scèra , nf: iscera* Definitzione unu tanti mannu mescamente de gente Sinònimos e contràrios filera, fiotu, trumada.

scèra 1 , nf Sinònimos e contràrios sceberu, sceradura Frases su trabballu chi mi seu pigau no est de ndi fai una scera, de gòcius, ma un'arregorta (J.Murgia).

scèra 2 scèda

sceradúra , nf Definitzione su scerai Sinònimos e contràrios chirrionzu, sceberadura, seberamentu / sceberu | ctr. ammisturamentu Ètimu srd.

scerài , vrb: iscerai* Definitzione coment'e chirriare, seberare, arrennèscere a bíere, a bíere crara, distinta, una cosa de un'àtera Sinònimos e contràrios chirrare / allampare, assebeltare, distínghere, isceberai, semodare Frases po fai carrus tocat a scerai s'ílixi prus bellu ◊ as a scerai a plaxeri tuu un'arti o unu mestieri ◊ luxi de vida mia, isceti istedhus de òru in celu ti ndi sceru! ◊ scera totu custu lori e poni a parti a muntoni a muntoni! ◊ donna Cristina scerendi scerendi est abarrada bagadia! 2. in su murriadrosu càstiant pubas chi aditzu si scerant (D.Maccioni)◊ no s'iscít ita maladia tenit: po immoi no si scerat nudha ◊ Deus bit fintzas su chi no si scerat ◊ su campanibi dh'eus a tingi in biancu po si scerai de atesu fintzas a su noti ◊ ajaju no mi scerat de is atrus piciochedhus ◊ est príngia ma no si scerat ancora nudha Tradutziones Frantzesu choisir, apercevoir Ingresu to choose, to make out Ispagnolu elegir, divisar Italianu scégliere, scòrgere Tedescu wählen, erblicken.

sceràu , pps, agt Definitzione de scerai Sinònimos e contràrios ischeriadu, sceberau Frases a sa fini, iat scerau de si cojai cun d-unu propietàriu ◊ ses istétiu scerau po calmai s'ira de Deus 2. camina ca ti caminu, seu arribbau a su logu scerau Tradutziones Frantzesu choisi, aperçu Ingresu chosen, made out Ispagnolu elegido, vislumbrado Italianu scélto, scòrto Tedescu gewählt, erblickt, bemerkt.

sceràu 1 scedàu

scerbài , vrb Definitzione istrupiare, guastare Sinònimos e contràrios iscempiai 2. e chini ti at túndiu, chi ses totu scerbau?

scerbedhài , vrb: igerbedhare*, sciorbedhai Definitzione segare, bogare, pistare is crebedhos, sa conca, fintzes in su sensu de bochíere; pigare a conca, a crebedhos, su si pigare pentzamentu mannu o meda po calecuna cosa Sinònimos e contràrios ischerbicare, ispistidhai / irmedhighinare Frases si dh'incòciu, cussu molenti dhu tzucu a puntara de pei, dhu sfiguru, dhu sciorbedhu! 2. custu est trabballu chi sciorbedhat ◊ no s'eus a sciorbedhai mera: si est mascu dhi poneus su nòmini de ajaju Tradutziones Frantzesu casser la tête Ingresu to smash one's head Ispagnolu abrir la cabeza, devanarse los sesos Italianu pestare, rómpere la tèsta Tedescu schlagen, jdm. den Kopf einschlagen.