A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scempiàu , pps, agt: isempiadu Definizione de scempiai; chi portat dannu mannu, istrúpiu; chi est mesu iscimpru, pagu giuditziosu / fai sa cosa a sa scempiara = coment'e un'iscimpru, che macu, a machine Sinonimi e contrari isciumpiadu, iselmoradu, istropiadu 3. nd'at a cumprèndiri babbu tuu, ómini scempiau!…◊ candu mai sa scempiara non est pronta a faci istantia?!…◊ scempiau, cussu piciocu, si drogat puru!

scempiósu , agt Definizione chi ponet istrúpiu Frasi nci fiant ferius e scimingiaus de calincunu colpu scempiosu Etimo srd.

scèmpla , nf: sciampla Definizione orrobba in prus chi is maistos lassant a s'ala mala de unu bestimentu, a parte de aintru, po pòdere illargare su bestimentu, si capitat Etimo ctl. eixampla.

scempriài scempiài

scendiàda , nf Definizione su scendiai Sinonimi e contrari iglioronzu, scendióngiu Frasi a sa primu scendiada at tentu unu fillu mascu Etimo srd.

scendiài, scendiàri , vrb: ascendiai, iscendiai, scindiai Definizione illibbertare, nau de sa fémina príngia, su ndhe fàere su fedu / scendiai unu lampu, lampu = betare unu lampu, lampos Sinonimi e contrari iglierare, infendiai*, insinnigare, palturire, springiai Frasi a is noi mesis sa picioca scéndiat unu fillu mascu ◊ po scendiari is féminas immoi bandant a su spidali 2. matas sintéticas scéndiant froris sen'e profumu ◊ scendiai su mundu cun sa connoscéntzia, cun sa menti.

scendióngiu , nm: issindhionzu, scindióngiu Definizione su ndhe fàere su fedu, su pipiu Sinonimi e contrari iglioronzu, illieramentu, paltu, scéndiu, sfendióngiu* Terminologia scientifica vda Traduzioni Francese accouchement Inglese childbirth Spagnolo parto Italiano parto Tedesco Geburt.

scéndiu , nm Definizione su scendiai, su s'illibbertare, nau de fémina príngia Sinonimi e contrari iglioronzu, illieramentu, paltu, sfendióngiu Etimo srd.

sceniósu , agt: sciniosu Definizione nau de sa terra no tropu sicada e ni tropu isciusta chi arandhodha essit agiummai coment'e farra; si narat fintzes de fruta o àteru de papare chi essit a farinos Frasi sa terra sciniosa est bella a trabballai.

scenografía , nf Definizione arte de disegnare is cosas comente cumparent a sa vista in teatru, arte de cuncordare un'ispetàculu, s'ispetàculu etotu po totu su chi dhue cumparet.

scentalliài , vrb Definizione pigare bentu, tzantzigare cun su bentu Sinonimi e contrari bolatzai, ibentulai Frasi su tzàpulu scentalliada che bandhera bincidora (A.Ruggiu).

scèra , nf: iscera* Definizione unu tanti mannu mescamente de gente Sinonimi e contrari filera, fiotu, trumada.

scèra 1 , nf Sinonimi e contrari sceberu, sceradura Frasi su trabballu chi mi seu pigau no est de ndi fai una scera, de gòcius, ma un'arregorta (J.Murgia).

scèra 2 scèda

sceradúra , nf Definizione su scerai Sinonimi e contrari chirrionzu, sceberadura, seberamentu / sceberu | ctr. ammisturamentu Etimo srd.

scerài , vrb: iscerai* Definizione coment'e chirriare, seberare, arrennèscere a bíere, a bíere crara, distinta, una cosa de un'àtera Sinonimi e contrari chirrare / allampare, assebeltare, distínghere, isceberai, semodare Frasi po fai carrus tocat a scerai s'ílixi prus bellu ◊ as a scerai a plaxeri tuu un'arti o unu mestieri ◊ luxi de vida mia, isceti istedhus de òru in celu ti ndi sceru! ◊ scera totu custu lori e poni a parti a muntoni a muntoni! ◊ donna Cristina scerendi scerendi est abarrada bagadia! 2. in su murriadrosu càstiant pubas chi aditzu si scerant (D.Maccioni)◊ no s'iscít ita maladia tenit: po immoi no si scerat nudha ◊ Deus bit fintzas su chi no si scerat ◊ su campanibi dh'eus a tingi in biancu po si scerai de atesu fintzas a su noti ◊ ajaju no mi scerat de is atrus piciochedhus ◊ est príngia ma no si scerat ancora nudha Traduzioni Francese choisir, apercevoir Inglese to choose, to make out Spagnolo elegir, divisar Italiano scégliere, scòrgere Tedesco wählen, erblicken.

sceràu , pps, agt Definizione de scerai Sinonimi e contrari ischeriadu, sceberau Frasi a sa fini, iat scerau de si cojai cun d-unu propietàriu ◊ ses istétiu scerau po calmai s'ira de Deus 2. camina ca ti caminu, seu arribbau a su logu scerau Traduzioni Francese choisi, aperçu Inglese chosen, made out Spagnolo elegido, vislumbrado Italiano scélto, scòrto Tedesco gewählt, erblickt, bemerkt.

sceràu 1 scedàu

scerbài , vrb Definizione istrupiare, guastare Sinonimi e contrari iscempiai 2. e chini ti at túndiu, chi ses totu scerbau?

scerbedhài , vrb: igerbedhare*, sciorbedhai Definizione segare, bogare, pistare is crebedhos, sa conca, fintzes in su sensu de bochíere; pigare a conca, a crebedhos, su si pigare pentzamentu mannu o meda po calecuna cosa Sinonimi e contrari ischerbicare, ispistidhai / irmedhighinare Frasi si dh'incòciu, cussu molenti dhu tzucu a puntara de pei, dhu sfiguru, dhu sciorbedhu! 2. custu est trabballu chi sciorbedhat ◊ no s'eus a sciorbedhai mera: si est mascu dhi poneus su nòmini de ajaju Traduzioni Francese casser la tête Inglese to smash one's head Spagnolo abrir la cabeza, devanarse los sesos Italiano pestare, rómpere la tèsta Tedesco schlagen, jdm. den Kopf einschlagen.