A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

scempiàu , pps, agt: isempiadu Definition de scempiai; chi portat dannu mannu, istrúpiu; chi est mesu iscimpru, pagu giuditziosu / fai sa cosa a sa scempiara = coment'e un'iscimpru, che macu, a machine Synonyms e antonyms isciumpiadu, iselmoradu, istropiadu 3. nd'at a cumprèndiri babbu tuu, ómini scempiau!…◊ candu mai sa scempiara non est pronta a faci istantia?!…◊ scempiau, cussu piciocu, si drogat puru!

scempiósu , agt Definition chi ponet istrúpiu Sentences nci fiant ferius e scimingiaus de calincunu colpu scempiosu Etymon srd.

scèmpla , nf: sciampla Definition orrobba in prus chi is maistos lassant a s'ala mala de unu bestimentu, a parte de aintru, po pòdere illargare su bestimentu, si capitat Etymon ctl. eixampla.

scempriài scempiài

scendiàda , nf Definition su scendiai Synonyms e antonyms iglioronzu, scendióngiu Sentences a sa primu scendiada at tentu unu fillu mascu Etymon srd.

scendiài, scendiàri , vrb: ascendiai, iscendiai, scindiai Definition illibbertare, nau de sa fémina príngia, su ndhe fàere su fedu / scendiai unu lampu, lampu = betare unu lampu, lampos Synonyms e antonyms iglierare, infendiai*, insinnigare, palturire, springiai Sentences a is noi mesis sa picioca scéndiat unu fillu mascu ◊ po scendiari is féminas immoi bandant a su spidali 2. matas sintéticas scéndiant froris sen'e profumu ◊ scendiai su mundu cun sa connoscéntzia, cun sa menti.

scendióngiu , nm: issindhionzu, scindióngiu Definition su ndhe fàere su fedu, su pipiu Synonyms e antonyms iglioronzu, illieramentu, paltu, scéndiu, sfendióngiu* Scientific Terminology vda Translations French accouchement English childbirth Spanish parto Italian parto German Geburt.

scéndiu , nm Definition su scendiai, su s'illibbertare, nau de fémina príngia Synonyms e antonyms iglioronzu, illieramentu, paltu, sfendióngiu Etymon srd.

sceniósu , agt: sciniosu Definition nau de sa terra no tropu sicada e ni tropu isciusta chi arandhodha essit agiummai coment'e farra; si narat fintzes de fruta o àteru de papare chi essit a farinos Sentences sa terra sciniosa est bella a trabballai.

scenografía , nf Definition arte de disegnare is cosas comente cumparent a sa vista in teatru, arte de cuncordare un'ispetàculu, s'ispetàculu etotu po totu su chi dhue cumparet.

scentalliài , vrb Definition pigare bentu, tzantzigare cun su bentu Synonyms e antonyms bolatzai, ibentulai Sentences su tzàpulu scentalliada che bandhera bincidora (A.Ruggiu).

scèra , nf: iscera* Definition unu tanti mannu mescamente de gente Synonyms e antonyms filera, fiotu, trumada.

scèra 1 , nf Synonyms e antonyms sceberu, sceradura Sentences su trabballu chi mi seu pigau no est de ndi fai una scera, de gòcius, ma un'arregorta (J.Murgia).

scèra 2 scèda

sceradúra , nf Definition su scerai Synonyms e antonyms chirrionzu, sceberadura, seberamentu / sceberu | ctr. ammisturamentu Etymon srd.

scerài , vrb: iscerai* Definition coment'e chirriare, seberare, arrennèscere a bíere, a bíere crara, distinta, una cosa de un'àtera Synonyms e antonyms chirrare / allampare, assebeltare, distínghere, isceberai, semodare Sentences po fai carrus tocat a scerai s'ílixi prus bellu ◊ as a scerai a plaxeri tuu un'arti o unu mestieri ◊ luxi de vida mia, isceti istedhus de òru in celu ti ndi sceru! ◊ scera totu custu lori e poni a parti a muntoni a muntoni! ◊ donna Cristina scerendi scerendi est abarrada bagadia! 2. in su murriadrosu càstiant pubas chi aditzu si scerant (D.Maccioni)◊ no s'iscít ita maladia tenit: po immoi no si scerat nudha ◊ Deus bit fintzas su chi no si scerat ◊ su campanibi dh'eus a tingi in biancu po si scerai de atesu fintzas a su noti ◊ ajaju no mi scerat de is atrus piciochedhus ◊ est príngia ma no si scerat ancora nudha Translations French choisir, apercevoir English to choose, to make out Spanish elegir, divisar Italian scégliere, scòrgere German wählen, erblicken.

sceràu , pps, agt Definition de scerai Synonyms e antonyms ischeriadu, sceberau Sentences a sa fini, iat scerau de si cojai cun d-unu propietàriu ◊ ses istétiu scerau po calmai s'ira de Deus 2. camina ca ti caminu, seu arribbau a su logu scerau Translations French choisi, aperçu English chosen, made out Spanish elegido, vislumbrado Italian scélto, scòrto German gewählt, erblickt, bemerkt.

sceràu 1 scedàu

scerbài , vrb Definition istrupiare, guastare Synonyms e antonyms iscempiai 2. e chini ti at túndiu, chi ses totu scerbau?

scerbedhài , vrb: igerbedhare*, sciorbedhai Definition segare, bogare, pistare is crebedhos, sa conca, fintzes in su sensu de bochíere; pigare a conca, a crebedhos, su si pigare pentzamentu mannu o meda po calecuna cosa Synonyms e antonyms ischerbicare, ispistidhai / irmedhighinare Sentences si dh'incòciu, cussu molenti dhu tzucu a puntara de pei, dhu sfiguru, dhu sciorbedhu! 2. custu est trabballu chi sciorbedhat ◊ no s'eus a sciorbedhai mera: si est mascu dhi poneus su nòmini de ajaju Translations French casser la tête English to smash one's head Spanish abrir la cabeza, devanarse los sesos Italian pestare, rómpere la tèsta German schlagen, jdm. den Kopf einschlagen.