A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

sceberàu , pps, agt: seberadu Definition de sceberai; foedhandho de su frutu de is matas, chi si cumènciat a bíere comente sa mata est perdendho su frore / s. che trigu bellu = chirriadu cun incuru mannu Synonyms e antonyms chirriatu, ischeriadu, scerau 2. sa méndhula est totu seberada e ndhe zughet meda puru Translations French séparé, choisi, noué English separated, selected, set Spanish separado, elegido, transformado en fruto Italian separato, scélto, allegato German getrennt, ausgewählt, angesetzt.

scebéru , nm, agt: iscioberu, scioberu, seberu 1, séberu, séperu, séveru Definition su isceberai; chi est fatu a iscéberu, isceberau, de su méngius Synonyms e antonyms iscéberu, iscera 1, ischerta, sebelta Idioms csn: fai s.; avb. donai a s., andhare a s.; fressadas de séberu = cobertas de lana téssidas in manera diferente; peràulas sèberas = pesadas, bene nadas, chirriadas aposta; abba sèbera = abba bona, de sas menzus; ua sèbera = su séberu, àxina bella po papai, po fai a pabassa, po allogai; dies sèberas = diis nodias; fàghere su séberu (nadu de sas àrbures) = inzendrare, chirriare su frutu, mudare su fiore a frutu Sentences custu puru ischiant e si l'ant chérfidu, fatendhe unu séberu 2. tricu séperu, ua sèbera, bitellos sèperos ◊ prepareint issios de castagna, fatos de linna sèbera ◊ sos massàgios ant batidu sas cugustas de su trigu séberu ◊ est longu che canna sèbera ◊ ses macu che loa e bucallotu a séveru! ◊ cantu prus àxina sèbera portat, su fundu, prus binu bonu essit Etymon srd. Translations French choix, sélection English choice, selection Spanish elección, selección Italian scélta, selezióne, opzióne German Wahl, Auswahl, Auslese, Option.

scecutài , vrb: escecutare*, iscicutai, scicutai, sciucutai Definition su chi faet sa giustítzia candho a unu ndhe ndhi pigat su chi tenet; furare totu, giare a pitzu a ccn. po che dhi furare sa cosa, po dhi fàere dannu, fintzes brigare meda / fata e scicutada! = fata (sa mancàntzia) e pagada Synonyms e antonyms aprensionai, imbargai, issucutare, istajire, preare / irrobbare Sentences su meri dh'iat fatu scicutai finas a ndi torrai totu su chi dhi depiat ◊ sa giustítzia dhu scicutit! 2. gagliotu, totu sa dí est scicutendimí sa butega! ◊ ant lassau totu su logu scicutau ◊ meda tempus fait, is terras funta scicutadas de is Turcus: torrobbànt is massajus e nce dhus portànt in Turchia Translations French confisquer, réquisitionner English to requisition Spanish embargar, secuestrar Italian sequestrare, requisire German beschlagnahmen, abnehmen.

scèda , nf: isceda*, scera 2 Definition cosa chi si mandhat a nàrrere o chi si benit a ischire de calecuna chistione, de unu cumandhu, arresposta a una dimandha Synonyms e antonyms apolta, arraspusta, assunta, noa, segurtade, segurtànsia Idioms csn: mandai, torrai sa s., tènniri s. ca..., de...; mi ndi eis a torrai sa s.! = mi ndhe azis a torrare sos contos!, azis a bídere s'antzua!, de seguru at a andhare male ca sa chistione est comente so nendhe deo! Sentences est arribbada sa sceda lègia de sa spaciada sua ◊ torraimí sceda de cudha chistioni! ◊ mi at preguntau scedas de mammai ◊ depeus torrai sceda a chini si at mandau ◊ su cantadori campidanesu prus antigu chi s'iscínt scedas seguras est Nàssiu Deplanu ◊ ndhe allegamus e tra duas cidas torrais ca bosi torramus scera ◊ at fatu sa pregunta e aspetat a dhi torrai sceda ◊ est lómpia sa scera trista de sa morti sua 3. ni cun santus, ni cun tiaus no nci brulleis meda: assinuncas oi etotu ndi eis a torrai sa sceda e si apu a biri a bacedhus, fatus a cancarroni! Translations French renseignement, nouvelle, annonce, avis English information, response, news Spanish información, noticia, anuncio Italian informazióne, notìzia, respònso, annùncio German Information, Nachricht, Antwort, Mitteilung.

scedassài , vrb: scedatzai, sciadatzai, sedatare, sedatzai, sedetare, seratare, setatzare, sedetare Definition trebballare a sedatzu; mòvere de un'ala a s'àtera in lestresa e a tanti bortas che unu sedatzu faendho sa farra; pigare a ispintas e a tiradas fortes a unu, o fintzes pigare a boghes, a briga Synonyms e antonyms cerri, cherrintzonare, farinare, iscerai, issedatzare, spalinai, stedetzai, tedatare / saidare Sentences ant marrau, iscraminau, purgau, cérriu, scedatzau (F.Onnis)◊ sa farra scedassada bolit crobis de òru… ◊ sont setatzanne sa símula ◊ fiza mia, lassa su sedatu za sedetat solu!…◊ bois bazi, za la sedeto deo sa farina! 3. chi dhui fui istétia dèu gei mi dh'iu sciadatzada! Etymon srd. Translations French tamiser English to sift Spanish cribar Italian setacciare German sieben.

scedassàu , pps, agt: sedatau, sedatzau Definition de scedassai; chi est fatu, passau o illimpiau in sedatzu. Synonyms e antonyms cdh. siatzatu

scedatzadòri , nm: sciadetzedori, sedatzadore, sedatzadori, sedetzadori, seraciaroi, sereciaroi Definition chie sedatzat; trastu po sedatzare, genia de iscannu longu e bascitedhu fatu cun duos currentes allisaos allobaos cun is peis po dhue pònnere e mòvere su sedatzu faendho sa farra, aintru de su canistedhu Synonyms e antonyms cangiadòrgia, issedatzadòrgia, sedatadorja, sedatagiola, steretzadori, tatajola, tedatajola 2. su sciadetzedori est de linna e si ponit aintru de su canistedhu ◊ pigàt su sedetzadori e su sedatzu e si poniat a fai sa farra Etymon srd. Translations French trieur English sorter Spanish criba Italian cernitóio German kleine Bank zum Sieben.

scedatzài scedassài

scedàtzu sadàtzu

scedàu , agt: iscedau, scerau 1, sciadau, sciadrau, sciodau Definition foedhu chi si narat mescamente po lastimare a unu po calecunu dannu, male (ma fintzes cun istima a unu pipiu), o fintzes cun ironia po cosas de bonu Synonyms e antonyms deldiciadu, dirgrassiadu, mabassortau, malafadau, malafortunau, míseru / feritzedhu!, scurixedhu!, siscuru! Sentences sciadau, pobidhu miu bellu: as a èssi fadiau, puru! 2. prenit e isbuidat corus scedaus 3. scerau, epuru dhi praxit sa cosa bella! Etymon srd. Translations French le pauvre! English poor (thing) Spanish ¡pobrecillo! Italian poverino! German der Arme!

scedhài, scedhàri , vrb: iscedhai, schedhai Definition isceberare e fintzes cricare; essire, istesiare, bogare de sa chedha, pònnere a una bandha coment'e cosa mala / s. is nonnus = scioberai is pardinus; scedhaisí de su tallu = (nau de gente) essíreche a s'oru, fàere diferente de is àteros Synonyms e antonyms chirrare, isceberai / arrefudai, stagiai Sentences s'interrogu si fait cun passiéntzia, scedhendi is iscedas giustas ◊ tui ti scedhas àteru dannu puru, fendi aici! ◊ custa est sa filla chi ant scedhau po mulleri ◊ est papendu e portat is ogus in su talleri po biri s'arrogu de scedhai! 2. chini mi schedhat e no arrespetat is fuedhus mius, tenit su chi dhu cundennat (Ev)◊ chini no dh'at a ascurtai at a èssi schedhau de totu sa genti ◊ no ses dispràxia de mi biri a solu e schedhau de totus? ◊ is duus pastoris oi scedhant donniunu is brebeis suas Etymon srd.

scédhu , nm: ischedhu, oschedhu* Definition su grassu chi abbarrat in is pingiadas a parte de fora.

scédhu 1 , nm Definition su scedhai Synonyms e antonyms iscéberu, iscera 1, sceberu Sentences ant fatu su scedhu de is nonnus de su bàtiu Etymon srd.

scédu , nm Definition su fígiu chentza naschire de un'animale, o fintzes candho est piticu Synonyms e antonyms fedu.

scèfa , nf: cerfa, scerfa Definition sa pagighedha fine chi abbarrat a muntone in s'argiola de comente ant treulau su laore; su fundhurúgiu chi faet s'ógiu Synonyms e antonyms coale, coana, cugudhau, cuguzone, mucra, scefabi 2. ciai no eis a nai ca soi ponendu ollu arràncidu, comenti fait cancunu chi nci ponit peri sa scerfa! 3. dhoi nd'at una scerfa manna! Scientific Terminology rbr Etymon srd.

scefàbi , nm: scerfabi, scerfàui Definition sa pàgia chi si sèberat in s'argiola treulandho, sa camisa o càscia de su trigu ancora in s'ispiga candho no est ancora bene pistada Synonyms e antonyms aunna, cugudhau, scefa Scientific Terminology rbr Etymon srd.

scèlta , nf: isceta*, sceta, scete Definition cannone crutzu acancarronau conc'a bàsciu de pòdere apèrrere e serrare po fàere calare abba o àteru de s'istrégiu inue est intrau / min. scetixedha, scetigedha Synonyms e antonyms grifone 1 Sentences furint andaus a mangasinu, abertu sa scete de sa cuba e cumenciau a bufai.

scemiài , vrb: sciamiai, sciumiai, sciumiari Definition mòvere coment'e iscutulandho, a cropos; su si mòvere a iscutuladas lestru lestru, fintzes po arrennegu; betare cosa a ispergiadura, coment'e betandho abbasanta (o fintzes cun móvias a iscutuladura, bogandho o istirandho su bratzu)/ sciumiai musca = catzare o issuliare musca Synonyms e antonyms fruschinare, iscabiare, ischirchinare, sachedhare, scontziai / cadredhai, fruschinare / ispàlghere, isparcinare / isciuliai Sentences si sciàmiant is bratzus, sa coa, is corrus, sa conca ◊ andat cun is bratzus sciàmia sciàmia ◊ su malloru, sulendi che píbera, si nci dh'iscudit asuba sciamiendu is corrus acutzus 2. no dh'est aggradau su dhi pediri su dépidu e po cussu si nd'est andau sciumiendi (G.Mura)◊ si bit su muschitu sciàmia sciàmia allutau de su druciori de su mustu 3. Nàssiu ndi essit cun sa pingiada de su brodu budhiu e intonat "Asperges me hysopo et mundabor!" scemiendi brodu a sa spentimadura! ◊ su massaju sciàmiat su lori in sa terra arada Etymon ltn. *ex-minare Translations French agiter English to waggle Spanish menear, agitar Italian dimenare German schlenkern, schütteln.

scempiadúra , nf: isempiadura* Synonyms e antonyms isempiúmene.

scempiài , vrb: iscempiai*, scempriai Definition pònnere istrúpiu, fàere dannu mannu a personas, animales, a matas Synonyms e antonyms bisastrare, irfrezare, iselmorare, iseniare, istropiare / ifasciare, iscalabrare, istrossare Sentences s'est scempiau de manu sua etotu ◊ at donau unu brínchidu e de campanibi si nc'est ghetau a una mata, pirígulu de si scempriai!