Ditzionàriu in línia
de sa limba e de sa cultura sarda

bandhuléri , agt, nm: bandulleri Definizione chi o chie istat andhandho, sèmpere in giru, ammandronau, chentza fàere faina Sinonimi e contrari arreulau, arroliadori, bagamundheri, praitzosu / andariegu, bacamundhu, corruntoneri, currillanu, garroneri, orrunderi, peldulàriu, rundhellu, zirellu / bandhidore | ctr. remonidu Frasi bandulleri ischivu, e innui fiast?! ◊ vivas sempre che cane bandhuleri e no apas una pedra pro ti sere! ◊ cussu est istadu annos meda bandhuleri Etimo ctl. bandoler Traduzioni Francese vagabond, fainéant Inglese vagabond Spagnolo vagabundo Italiano vagabóndo Tedesco herumziehend, Landstreicher.

bistentósu , agt Definizione chi si la leat a istentare, chi no tenet coidau Sinonimi e contrari cagallente, mandrone | ctr. coidosu Frasi animalatzu bistentosu, no ponet a mandhigare e cudha crebendhe de su fámine! Etimo srd. Traduzioni Francese paresseux, fainéant Inglese lazy Spagnolo perezoso Italiano pigro Tedesco faul.

carreràgiu, carreràju , agt, nm Definizione chi o chie istat in s'orruga chentza fàere nudha: nau de fémina, fintzes chi est faendho sa bagassa Sinonimi e contrari ifainadu, irvaliendhadu, istraderi, mandrone Frasi ses sempre carreràgiu totu s'annu apitu a pentzione o postu mannu 2. sa família fit andhendhe male pro culpa de una fiza carreraja chi s’isperriat pro duos sodhos Etimo srd. Traduzioni Francese fainéant Inglese idler Spagnolo gandul Italiano fannullóne Tedesco Faulenzer.

codiàlzu , agt: codiarzu Definizione nau de ccn., chi istat o abbarrat a códias, chi lassat istare (o faet male sa cosa) po mandronia o cricat de no ndhe fàere; chi portat códias, trassas Sinonimi e contrari coilongu, filísigu, ilvioladu, iscuidadu, mandronàciu, praitzosu / trasseri | ctr. apensamentau, penciamentosu 2. cussu est codialzu che unu matzone! Terminologia scientifica ntl Etimo srd. Traduzioni Francese fainéant Inglese slothful, shirker Spagnolo perezoso, holgazán Italiano neghittóso, scansafatiche, lavativo Tedesco faul.

ibbàidu , agt: irbàidu, isbàidu Definizione chi no est faendho nudha, no est serbendho, no est impreau trebballandho Sinonimi e contrari disocupadu, irgaitzu, isbaidu, líchidu 1 | ctr. afainadu, afracoxau Frasi custa terra est isbàida ◊ chissai ite at a fàere po si campare, issu chi at bíviu sèmpere chentza fàere nudha, totu a s'ibbàida! (Deidda-Saderi) Etimo srd. Traduzioni Francese fainéant, vacant, inoccupé Inglese idle, vacant Spagnolo gandul, desempleado Italiano scioperato, vacante Tedesco arbeitslos.

ingurdósu , agt Definizione nau de ccn., chi istat o abbarrat sèmpere chentza fàere, ammandronau, chentza gana de fàere nudha Sinonimi e contrari arremàsigu, gudrebi / arreulau, cracaratzu, filísigu, mandronàciu, oreri, praitzosu Frasi est unu pagu ingurdosa, cracaratza: dhi praxit sa domu mundada, su pani fatu, ma abarrat sétzia totu sa dí Etimo srd. Traduzioni Francese fainéant, réticent Inglese slothful, reluctant Spagnolo perezoso Italiano infingardo, riluttante Tedesco träg, widerstrebend.

irvaliendhàdu , agt Definizione chi abarrat in giru chentza cumbinare nudha, perdendho tempus Sinonimi e contrari ifainadu, peldulàriu, rundhajolu, rundhellu Frasi in su cuzolu de su campanile dai su manzanu a su sero si acoiletant sos vetzos e sos irvaliendhados Traduzioni Francese fainéant Inglese sluggard Spagnolo holgazán Italiano fannullóne Tedesco Faulenzer.

mandronàciu, mandronàssu, mandronàtzu , agt, nm Definizione mandrone, ma nau cun arrennegu e a disprétziu Sinonimi e contrari arreulau, filísigu, oreri, praitzosu Frasi mandronatzu, dae manzanu a sero istat fuliadu chentza fàghere nudha! ◊ bai a trabballai, mandronàciu!◊ sos Sardos non los poto lissentziare ca mi rendhent a tres bortas de sos mandronatzos chi mi ant mandhadu! Etimo srd. ac Traduzioni Francese paresseux, fainéant Inglese lazy Spagnolo perezoso Italiano poltróne, accidióso, poltronésco Tedesco faul, müßig, träge, Faulpelz, Faulenzer.

mandròne, mandròni , agt, nm Definizione chi o chie tenet pagu gana de trebballare, chi no est amantiosu de su trebballu, chi dhu tirat a ingurru, chi no trebballat Sinonimi e contrari abbaredhau, chighineri, chinisaju, cojanesu, fochilarju, gradhiosu, mandruxu | ctr. faineri, marasadore, trabagliadore, trabagliante Modi di dire csn: su viazu de su m. = càrrigu tropu mannu, e po cussu istrobbosu o assentau mali, po sa mandronia de no pigai sa cosa in prus bortas; mandroni che cani = mandrone mannu, meda, a s'úrtimu etzessu Frasi si sas muntagnas fint de macarrones e ite vida sa de sos mandrones!…(G.Zicconi Tanchis)◊ chirca tribàgliu, mandrone, chi est sa menzus meighina! ◊ in cussa famíglia is fillus funt managus e mandronis, dh'ant pigau paura a trabballai in su sartu! ◊ mandronedhu est… si aiat ischidu chie at inventadu su tribàgliu l'aiat mortu!◊ custu fut unu piciochedhu mandroni e abbetiosu, no agiudàt mai a nemus Cognomi e Proverbi prb: su mandrone sa chijina si adorat Terminologia scientifica ntl Etimo srd. Traduzioni Francese paresseux, fainéant Inglese idle Spagnolo perezoso, poltrón Italiano poltróne Tedesco müßig, Müßiggänger, Taugenichts.

oréri , nm Definizione chie costumat a istare chentza fàere, chi istat contandho is oras, prus che àteru po sa mandronia Sinonimi e contrari codialzu, filísigu, ilvioladu, mandronàciu, praitzosu | ctr. marasadore, trabagliante Terminologia scientifica ntl Etimo srd. Traduzioni Francese fainéant Inglese idler Spagnolo holgazán, gandul Italiano scansafatiche, perdigiórno Tedesco Taugenichts.

pedisecàu , agt: peisegadu Definizione chi portat pei segau, chi est tzopu, nau in cobertantza e cun tzacu de unu chi campat apitzu de is àteros (su porcu peisegadu = aténdhiu in totu chentza si mòvere a logu), chi pretenet totu de is àteros Sinonimi e contrari codialzu, ilvioladu, mandronàciu, praitzosu | ctr. marasadore Etimo srd. Traduzioni Francese fainéant Inglese lazybones Spagnolo holgazán, gandul Italiano scansafatiche Tedesco Faulenzer, Müßiggänger.

peldulàriu , agt, nm: perdulaju, perdulari, perdulàriu, perdullàriu, predulari Definizione chi o chie istat perdendho su tempus in giru, chentza fàere nudha de giudu Sinonimi e contrari aproviau, malacudidu, maliberde, regoltolzu / andariegu, bacamundhu, bandhuleri, corruntoneri, garroneri, rundhajolu, vanganteri Frasi unu fegone perdulàriu li deit lolluru nèndheli chi sa cosa chi si bufat si pagat puru! ◊ funt ispérdius in totu su mundu coment'e perdulàrius andendi de logu in logu ◊ no est in chirca de canes perdulajos argamilossos! ◊ ma bribbanti iast a èssi: dèu bocendumí e tui fadendu su predulari in continenti! Etimo spn. perdulario Traduzioni Francese fainéant Inglese idler Spagnolo vago Italiano perdigiórno, fannullóne Tedesco Taugenichts.

pirastràju , agt: pirastrari, pirastràriu Definizione chi andhat macu po su pirastu, istat cricandho pirasru, ma nau sèmpere in cobertantza po bagamundhu, chi istat sèmpere in giru Sinonimi e contrari bandhuleri Frasi istat continu fatu a mie che cane pirastràriu ◊ brutu cane pirastraju: àscia de raju chi ndhe isperdat sa zenia! Etimo srd. Traduzioni Francese errant, fainéant Inglese wanderer, loafer Spagnolo callejero, vagabundo, descarriado, holgazán Italiano randàgio, fannullóne Tedesco streunend, Nichtstuer.

praitzósu , agt, nm: preiciosu, preitigosu, preitiosu, preissosu, preitosu, preitzosu, pretiosu 1, prisciosu, pritiosu Definizione chi o chie est pigau de sa preítzia e no bollet fàere nudha po abbitúdine o naturale suo Sinonimi e contrari arreulau, cracaratzu, filísigu, ingurdosu, mandronàciu, oreri / cdh. sdórriu, pritzosu | ctr. contipizosu, marasadore, trabagliante Frasi su preitzosu bollit puntu, no solingau! ◊ cussu preitosu istat in su pinnetu che gatu in sa chisina ◊ sos preitiosos sunt chensciosos cun totu ◊ ge at a fai un'acabbu cussu pritzosu arreulau!…◊ deo pro iscríere so prisciosu ◊ seo immidiosu ca medas bortas su preiciosu tenet siendha lumenada!◊ a sa pessona pritiosa no li aggradat a trivagliare Terminologia scientifica ntl Etimo srd. Traduzioni Francese paresseux, fainéant Inglese lazy Spagnolo perezoso Italiano pigro, pelandróne, neghittóso, accidióso Tedesco faul, träge, Nichtstuer.