Ditzionàriu in línia
de sa limba e de sa cultura sarda

aggràdu , nm Definizione su aggradire, su pràghere, su èssere o àere in simpatia Sinonimi e contrari aggradessimentu, aggradessu, piachere | ctr. disaggradu Frasi faghe s'aggradu tou! ◊ si mi cheres fàghere aggradu baediche luego! ◊ m’eis a recumpensai cust’atu tanti de aggradu bostu! Etimo srd. Traduzioni Francese plaisir Inglese pleasure Spagnolo gusto, placer Italiano piacére Tedesco Gefallen.

allibbiaméntu , nm: allibiamentu Sinonimi e contrari gaju, gódiu, gosa, gosamentu, isciúscia, ispaju, lobru, reconsizu Etimo srd. Traduzioni Francese plaisir, jouissance Inglese profit, enjoyment Spagnolo provecho, beneficio Italiano godiménto, profitto Tedesco Genuß.

bodíre , vrb Definizione su provare praxere, cuntentesa, pigare gustu in calecuna cosa Sinonimi e contrari godire*, gosai | ctr. patire, sufrire Frasi Deus cherfat chi potas bodire finas a chent'annos! ◊ sos faltzos bodint candho s'àteru est avilidu ◊ su trigu meu si l'at a bodire isse Traduzioni Francese jouir, prendre plaisir Inglese to enjoy Spagnolo aprovechar Italiano godére Tedesco sich freuen.

ganía , nf Definizione gana manna, disígiu meda, prus che àteru de genia sessuale Sinonimi e contrari gana / insoadura Frasi sa gania disizosa de su càntigu e s'irbadhinamentu de sa cursa che li fint pigados a conca ◊ a dommo de sa gania ch'est andhau su fàmmene… Etimo srd. Traduzioni Francese grand plaisir sexuel Inglese intense lust Spagnolo libídine, lujuria Italiano intènso desidèrio sessuale Tedesco Geilheit, Begierde.

gódiu , nm Definizione su gosare, su assaborare su gosu Sinonimi e contrari gaju, godimentu, godinzu, gosa, gosura / spàssiu | ctr. patimentu, penória, sufrimentu Frasi comente bos poto contare su gódiu de sas dies de sole apustis de sas dies de abba? ◊ pro sos tres natios de Dulusorra àteru gódiu non bi aiat petzi cussu de sos ammentos de su paradisu chi aiant lassatu Etimo srd. Traduzioni Francese plaisir, jouissance Inglese enjoyment Spagnolo placer, deleite Italiano godiménto Tedesco Genuß, Freude.

gòsa , nf, nm: gosu Definizione su gosare, su tènnere soddisfatzione, su abbarrare o istare cuntentos, alligros / pro unu gosu = po unu gustu Sinonimi e contrari ajubore, arrecreu, biadesa, biadia, contentu, cuntentesa, dícia, gaju, gódiu, prégiu / allibbiamentu, gosamentu, gosura, isciúscia, ispaju, lobru, reconsizu | ctr. patimentu, patiscione, tormentu Frasi su gosu abbramidu l'incontras donzi die in s'umbra de custu chercu! (A.Serra)◊ cantu trista mi paret custa vida cun pagu gosu e meda patimentu! ◊ gei dh'est passau su gosu, de candu est mortu su pobidhu, scerada! ◊ chiterra mia cara, regàlami istasero cudhu gosu chi mi fureit una note giara Cognomi e Proverbi prb: su tramposu at pagu gosu Etimo spn. gozo Traduzioni Francese plaisir, jouissance, joie Inglese pleasure, mirth Spagnolo placer, gozo Italiano godiménto, gàudio Tedesco Genuß, Freude.

gosaméntu , nm Definizione su gosare, su godire Sinonimi e contrari allibbiamentu, gódiu, gosa, gosura, isciúscia, ispaju | ctr. patimentu, sufrimentu Etimo srd. Traduzioni Francese plaisir, jouissance Inglese pleasure Spagnolo gozo, placer Italiano godiménto Tedesco Genuß, Freude.

gulíssia , nf Definizione calecuna cosa licante, bona, de pònnere in buca po passare s'asciutore, s'apiliscadura; cosa chi praghet meda Sinonimi e contrari licania Traduzioni Francese délice, plaisir Inglese delight Spagnolo golosina, delicia Italiano delízia Tedesco Köstlichkeit, Wonne, Schönheit.

gústu 1 , nm: (no faet mai s'aféresi de g-) Definizione genia de cuntentu chi si leat cun calesiògiat de is chimbe sentidos, su pràghere, ma fintzes sa cuntentesa chi si provat in s'ànimu; su disígiu de calecuna cosa Sinonimi e contrari contentu, géniu, piachere, saboi / desizu | ctr. dirgustu Modi di dire csn: èssiri de bonu g. = chi cumprendhet ite est bonu e ite nono; a gustu miu, tuu, suu = comente piaghet a mie, a tie, a isse; dare su g. a ccn. = acuntentaidhu, dàreli su cuntentu, lassàreli fàghere comente disizat; leare su g. a unu = negàreli su cuntentu; fàghere g. a una cosa = leare gustu, ingustare Frasi totu ant mandhigadu su segundhu cun apititu e cun gustu linghendhesindhe finas sos pódhighes ◊ de abbardente si ndhe at dau una paja de issurcadas chin gustu 2. lassa tue custu carrasciale de modas macas, custu gustu feu chi cheret dogni cosa istrupiare (A.Casula)◊ andhaiant pro gustu a lis fàghere sas cartas sa majarza ◊ a zogare gai no bi leo gustu ◊ si fiza mia si cheret cojare cun cussu, su gustu sou no bi lu leo! ◊ su maistu fut cumentzendu a pigai gustu a sa política 3. sunt pagos sos chi si podent catzare dogni gustu ◊ su babbu li catzaiat donzi gustu: l'aferraiat a cojuos, a binnennas, a tusorzos, a garas poéticas ◊ podes seberare a gustu e a piaghere ◊ a su fizu li daet donzi gustu ◊ lu tiant cherrer bídere e tocare a gustu insoro Cognomi e Proverbi prb: mellus unu gustu chi no centu siendas Traduzioni Francese plaisir, goût Inglese taste, pleasure Spagnolo gusto Italiano gusto, piacére Tedesco Geschmack, Gefallen, Lust.

isciúscia , nf Sinonimi e contrari allibbiamentu, divertera, gódiu, gosa, gosamentu, ispaju, lobru, reconsizu Frasi ite bellu: inoghe est un'isciúscia! Traduzioni Francese abondance, chance, plaisir Inglese abundance, delight Spagnolo abundancia Italiano abbondanza, cuccagna, godiménto Tedesco Überfluß.

piachère , nm: piaghere, piagheri, plagere, plaxeri, plexeri, pragere, pragheri, prasere, praxere, praxei, praxeri, pregheri, prexei, prexere, prexeri Definizione genia de cuntentesa chi si provat po calecuna cosa chi andhat in bonu, su pràghere, su gustu chi si pigat tastandho o faendho calecuna cosa; css. cosa de si ndhe alligrare, chi giaet cuntentu o chi si faet po giare cuntentu, po currespòndhere a su disígiu o a sa volontade de unu Sinonimi e contrari aggradu, gosa, gustu, praximentu, zéniu / pavore | ctr. dispiachere Modi di dire csn: tènnere piaghere de una cosa = aggradèssiri una cosa; a piaghere de unu = acomenti iat a bòlliri ccn.; fàghere una cosa de piaghere meu, tou, sou e gai = ca dh'apu bófia geo, tue, issu, chentza chi dh'apat cumandhada àtere; pro piaghere = po fai prexeri, po cumpraxi; fàghere piaghere = pràxiri; fàghere unu piaghere = fai ccn. cosa po acuntentai a unu; a su piaghere tou siat! = zenia de augúriu; manigare, ríere a piaghere = itl. "di gusto", de ndi abarrai própiu cuntentus Frasi apo arretziu su regalu cun pragere ◊ bieus cun pregheri chi is matas funt ponendi linna noa ◊ immoi mi fais su santu prageri e dha iscàbulas! ◊ chi est a prasere tua, sa cózua si faet ◊ no andho mancu po prexere! 2. bennie annongi po plagere! ◊ ma faghe su piaghere e fróbbidi su lorodhu! ◊ Giuanni Batista no si est incantau ni a is onoris ni a is prexeris ◊ si fit istadu a piaghere meu aia distrutu sas armas de fogu ◊ nos amus fatu una manigada de frenugu própiu a piaghere!◊ a mi lu faghides unu piaghere? ◊ me in bidha mia nisciunus prus mi fait custu prexei Cognomi e Proverbi prb: a mali mi benit e prexeri ndi agatu Traduzioni Francese plaisir, faveur Inglese delight, favour Spagnolo placer, favor Italiano piacére, favóre Tedesco Freude, Vergnügen, Gefallen.

piàchere , vrb: piàghere, plagere, plàxiri, pràchere, pràgere, pràghere, pràgiri, pràjere, pràxere, praxi, pràxiri Definizione giare o fàere praxere, cuntentesa, alligria, gustu, abbarrare cuntentu, pigare gustu, èssere de aggradu / pps. piàchiu, pràciu, pràgiu, pràtziu, pràxiu; fai su praxi praxi (nau de una cosa) = tantare, fai su tziritziri Sinonimi e contrari acaressire, ingajare, aggradae, aggradèscere, aggradèssere, aggradire | ctr. dispiàchere Frasi inoghe no mi che piago ◊ fut pràciu a Deus ◊ no mi praxit a calai a ingunis ◊ dhi praxit a cantai ◊ nara, no ti piat pràghere su fizu de su putecàriu? ◊ si no si ponet cuidau, cascat su binighedhu durche, mancari dhi pragat a dhu bufare! ◊ in sartu a Predu li piachiat e de iscola no ndh'at chérfiu prus s'intesa ◊ dhue at a giru un'ómine malu chi dhi praxent is pipios…◊ m’iat a pràgiri a iscriri su sardu bellu Etimo ltn. placere Traduzioni Francese plaisir Inglese to like Spagnolo placer Italiano piacére Tedesco gefallen, mögen, freuen.

recréu , nm: arrecreu, ricreu Definizione cosa chi giaet consolu, praghet, chi faet godire, istare cuntentos Sinonimi e contrari desogu, godimentu, gosa, ispàssiu | ctr. patimentu, patiscione Frasi o Deus meu, cuntzédimi un'istante de recreu! ◊ s'abe agatat recreu in sos fiores ◊ ti ndhe ses riendhe: paret chi ndhe apas recreu! ◊ in tanta paghe sa mente assereno e mi est durche recreu sonniare ◊ cussu locu fit su recreu de sos minores ◊ issos in custu tribàgliu bi agatant recreu ca est a sa idea issoro Etimo spn. Traduzioni Francese plaisir, délassement Inglese delight, recreation Spagnolo recreo Italiano dilètto, piacére, ricreazióne Tedesco Vergnügen.