Ditzionàriu in línia
de sa limba e de sa cultura sarda

arronchinài , vrb: arrunchinare, arrunciai, arruncinai, arruncinare, orrunchinare, ronchinai Definizione pònnere su bruncu, fichire is dentes a calecuna cosa po si dha papare; andhare a su friga friga in calecuna cosa o cun ccn.; fintzes pònnere a una parte, istare arretiraos, tròchere a una parte Sinonimi e contrari arrosigai, arrusurare, mandhicare, papae / friai, scrabutzinai, scrovinai / trancire Frasi fiat aspetendi a morri su fradi po ndi suciai su nostu puru, ma no ndi arrúncinat! ◊ si no at iscrúfiu nudha, si arrúncinat is cracàngius! ◊ balla, de cussus drucis ndi at arruncinau pagu! ◊ su bestiolu est arruncinendi unu fundu de cardu ◊ is piciochedhus si dhui at fàmini ge arrónchinant de totu!◊ totus tirànt a domu de cussus, si bit ca dhui fiat cosa meda de arrunchinai 2. a atumbai a tui est peus de arruncinai in d-una cresuri de figumorisca! 3. toca, arrunciarí in calincunu furringoni, chinuncas buscas!◊ is piciochedhus no abarrastis mai arrunciaus: si afracastis, giogastis a istrumpas ◊ ses sempri in giru: ti bolemu filla mia isceti una dí, ca est seguru chi abarràst arrunciara! Etimo srd. Traduzioni Francese ronger Inglese to nibble Spagnolo roer Italiano rosicchiare Tedesco nagen.

biculàre , vrb: piculare Definizione pigare, papare cun su bicu, a cropos de bicu, comente faent is pigiones, is pudhas (ma si narat fintzes in su sensu de leare a papare a bículos, segandho a manos de orrugu prus mannu) Sinonimi e contrari bichiare, bicullitare, ispitudhare, ispitulare, ispitzicorvare, papai, picuzare, spurtiri Frasi sa pira l'est totu biculendhe s'ae ◊ lass'istare sa figu biculada ◊ cussu bículat in mesa anzena ca no si cheret tribbulare 2. daghi l'ant tantos pudhos biculada, como sa pudha tua perdet s'ou… Etimo srd. Traduzioni Francese ébrécher, émietter Inglese to nibble Spagnolo picotear Italiano sbocconcellare Tedesco naschen.

irmossichedhàre, irmossighedhàre , vrb Definizione coment'e tocare o segare a móssigos, nau pruschetotu po segare orrugos de ccn. cosa (es. istrégiu) Sinonimi e contrari ispitulliare, spisedhae, spistorai, spistoredhai Etimo srd. Traduzioni Francese ébrécher Inglese to cut into small pieces, to nibble Spagnolo mordisquear Italiano sbocconcellare Tedesco knabbern an.

ispibionài , vrb: ispipionare, ispupugionare, ispupujonare, spibionai Definizione irrampare, bodhire su pibione de is gurdones; orrúere, calare su pibione a terra a solu, pèrdere su pibione; in cobertantza, nàrrere, foedhare / i. su rosàriu = nàrrere su rosàriu Sinonimi e contrari spibidai / ispidhuncare Frasi sos pitzinnos sont iscarchianne e ispupujonanne s'àchina ◊ est ispibionendu unu gurdoni de àxina po si dha papai ◊ po fai s'ollestincu tocat a ispibionai sa modhitzi ◊ seus andaus a ispibionai oria 3. gei dh'iscieis comenti est sa genti, ca boit ispibionai!◊ ajó, cumentza a ispibionai, fuedha! ◊ gei dh'ispibionat cuatru bortas, cuss'arrosàriu!… Etimo srd. Traduzioni Francese grapiller Inglese to nibble Spagnolo picotear la uva Italiano piluccare Tedesco abzupfen.

ispitudhàre , vrb: ispitzudhare Definizione segare un'orrughedhu: foedhandho de castàngia, segare su corgiolu po no isciopare orrostindhodha / ispitzudhare paràgula = fuedhai cun abbilesa, ma nau sempri candu unu no est bellu a fuedhai Sinonimi e contrari biculare, ispiciulare, spibitzai / irbicare, spistorai / ispitighedhare 2. aiat bufau e no ispitzudhabat paràgula: tandho nche l'at bortada in italianu… mezus puru! Etimo srd. Traduzioni Francese ébrécher, émietter Inglese to nibble Spagnolo mordisquear Italiano sbocconcellare Tedesco knabbern an.

istravuciàre , vrb: istravutzare, istruvuciare, istruvusciare Definizione istare a su papa papa, nau fintzes in su sensu de papare meda, prus de su chi serbit, de perdimentare sa cosa Sinonimi e contrari manicare, manichedhare, papai / burrusciare, desbaratare, isbaire, ispeldisciare 2. si est feu a si brivare de su tantu chi pro su vívere est netzessidade, s'istruvusciare est peus ateretantu! (A.Paba)◊ su pistercone, amantiosu de gustos e divertimentos, si ndhe aiat istravutzadu cun sos cumpanzos sos benes chi li aiant lassadu sos mannos Traduzioni Francese grignoter, gaspiller Inglese to nibble, to squander Spagnolo picar, derrochar Italiano mangiucchiare, scialacquare, sperperare Tedesco naschen, vergeuden, verschwenden.

papitàre , vrb Definizione istare a su tasta tasta cosas de papare Sinonimi e contrari biculare, ispitulare, manichedhare, papai, papedhare, picuzare, spibitzai, spribillonai Etimo srd. Traduzioni Francese mangeotter, grignoter Inglese to nibble at Spagnolo comiscar Italiano mangiucchiare Tedesco naschen.

spribillonài , vrb Definizione su andhare spibítzia spibítzia, tastandho de dónnia cosa mescamente cosighedhas piticas, a orrughedhos Sinonimi e contrari ispilucare, ispitulare, papitare, spibitzai Etimo srd. Traduzioni Francese mangeotter Inglese to nibble Spagnolo picotear Italiano spilluzzicare Tedesco knabbern, naschen.

ticàre , vrb Definizione tastare, bufare unu tzicu, a tzicos (ma fintzes papare a orrughedhos); mòlere, betare trigu a su majolu e fintzes pagare su molíngiu Sinonimi e contrari assagiai, atastare, gustai, inciuciare / bicai / mòlere Frasi chie est innanti ticat innanti 2. tica, tica, pudhighina: a ti betare su ranu sa teraca de su prebanu est a dulore de ischina! 3. su trigu in sa mola est tichendhe Etimo srd. Traduzioni Francese boire à petits coups, picorer Inglese to sip, to nibble Spagnolo paladear Italiano sorseggiare, spilluzzicare Tedesco in kleinen Schlucken trinken, picken an.