Ditzionàriu in línia
de sa limba e de sa cultura sarda

cumbeniàre , vrb: acumbeniare* Definizione pònnere is cumbénias, is comodidades, mescamente in sa domo Sinonimi e contrari acumbenentziare Traduzioni Francese doter un appartement de tous les conforts Inglese to provide with comforts Spagnolo poner comodidades en la casa Italiano provvedére del conveniènte, di comodità Tedesco für die Bequemlichkeit sorgen.

cumbènnere, cumbènniri , vrb: cummènnere Definizione torrare a contu, tènnere profetu de una cosa, andhare méngius una cosa a su postu de un'àtera Frasi cumbenit de andhare luego ◊ po seguresa ti cumbenit a ndi fuedhai innantis de andai ◊ cumbenit a fàghere goi ◊ ti cumbenit chi bi pesses tue etotu a sas cosas tuas! ◊ a comporare inoghe no cumbenit ca est totu prus caru ◊ ti cummenit a bènnere ◊ in tempus rimédia ca aici cumbenit! Etimo ltn. convenire Traduzioni Francese convenir Inglese to suit Spagnolo convenir, compensar Italiano convenire Tedesco günstig sein, sich lohnen.

cumbinài, cumbinàre , vrb: cumminai, cumminare Definizione bènnere s'ocasione; andhare de acórdiu, èssere o pònnere de acórdiu in sa matessi idea, cuncordare cuntratandho po comporare e bèndhere; cuncordare una cosa cun s'àtera, fàere / ind. pres. cumbinat, cúmbinat Sinonimi e contrari acadessi, acontèssere, capitai, costare 1, cuncordai, incapitae, sucèdere / cuncodrai, fàchere | ctr. iscumbinare, iscuncordai Frasi est cumbinadu chi sa die at próidu ◊ si unu si bestit de billutu e gambales, est unu pastore, ateretantu cumbinat a chie est vestitu de pannu: est unu cusinu ◊ si bos cúmbinat de colare in carrela, intrade a domo!◊ est cumbinau totu apari coment'e s'amen pustis de su Babbunostu 2. si cumbinamus bi lu còmporo! ◊ si nos cumbinamus, restamus unidos finas a morte ◊ e cumbinadu azis, pro cussu cómporu? ◊ goi no lu sighimus su cumone, tantu no cumbinamus prus ◊ si no cumbinant in su naturale, oe duos divórtziant! 3. comente ti cumbinat issa pares una mammarosa! ◊ custas cosas tristas inue bi at festa no cumbinant! (Màsala)◊ ite ses cumminanno? Etimo itl. Traduzioni Francese combiner, arranger, se mettre d'accord Inglese to combine, to agree Spagnolo combinar Italiano combinare Tedesco zusammenstellen.

cumbínchede, cumbínchere , vrb: cumbinci, cumbínghere, cunvinci, cunvínciri Definizione fàere a manera chi unu càmbiet idea, chi adduat e siat a s'idea de un'àteru / pps. cumbintu, cumbissu Sinonimi e contrari | ctr. ibbortare, istorrai Frasi cheriat cumbínchede a issu etotu e po cussu aiat fatu totu cussos arresonamentos Traduzioni Francese convaincre Inglese to convince Spagnolo convencer Italiano convìncere Tedesco überzeugen.

cummentài, cummentàre , vrb Definizione fàere su cummentu, s'ispiegatzione, sa crítiga, tènnere it'e nàrrere, it'e ispiegare o aciúnghere in calecuna cosa Traduzioni Francese commenter Inglese to comment on Spagnolo comentar Italiano commentare Tedesco erläutern, beurteilen.

cummissariàre , vrb Definizione pònnere unu cummissàriu a contivigiare un'amministratzione, un'aziendha, mescamente candho s'autoridade chi ndh'est mere e dha cumandhat at bistu chi no balent o no arrennescent a fàere su dovere is amministradores ordinàrios (o mancant deunudotu) Traduzioni Francese nommer un commissaire Inglese to administer through an external commissioner (a body) Spagnolo nombrar un comisario, intervenir Italiano commissariare Tedesco unter kommissarische Verwaltung stellen.

cummòvere , vrb: cummòviri Definizione provare o fàere provare dolu, làstima, allutare is sentidos, tocare o ammodhigare su coro Sinonimi e contrari afriscionare, apiadai, internèssiri Traduzioni Francese émouvoir Inglese to move Spagnolo conmover, enternecer Italiano commuòvere Tedesco rühren.

cumpadèssere, cumpadèssi , vrb: cumpadèssiri, cumparessi, cumpodèssiri Definizione tènnere passiéntzia cun is àteros, cricare de no si ofèndhere o de dhos padire candho istrobbant o pregontant cosa, lassare fàere Sinonimi e contrari cumpatire, iscugiare, lastimai, paedhare Frasi ma ita cumparessi e cumparessi: no mi depu lassai arrovinai! ◊ funt piciochedhus de cumpadessi! ◊ custa cosa est bogandumí de conca: mi depit cumpadessi! ◊ Deus at a cumpadessi is mancàntzias nostas ◊ cumpadessat, ma no est acomenti narat fustei! ◊ lassais currillai is fillus e cumpadesseis chi istrobbint puru! Etimo spn. compadecer Traduzioni Francese avoir de l'indulgence Inglese to pity Spagnolo aguantar Italiano compatire Tedesco nachsichtig sein mit.

cumpaltíre , vrb: cumpartire, cumpartiri, cumpartziri Definizione ispartzire in partes oguales, giare o pònnere is cosas cantu a una parte a s'àtera Sinonimi e contrari addesumare, ispartzire, paltire Frasi sos bàrrios cherent bene cumpartidos ca sinono ispendhentant Traduzioni Francese subdiviser Inglese to subdivide, to distribute Spagnolo repartir Italiano suddivìdere, distribuire Tedesco teilen, verteilen.

cumparài , vrb Definizione pònnere apare una cosa cun s'àtera a bíere ite dhue at de oguale e de diferéntzia Sinonimi e contrari aparagonare, cufrontare, cumparantziai Traduzioni Francese comparer Inglese to compare Spagnolo comparar Italiano comparare Tedesco vergleichen.

cumpàrrere, cumpàrri, cumpàrriri , vrb Definizione essire po si fàere a bíere, pàrrere, ma nau pruschetotu in su sensu de pàrrere bellu, bonu, meda / pps. cumpàrfidu, cumpartu, cumpàssidu Sinonimi e contrari aparèssiri, pàrrere | ctr. iscumpàrrere, isparèssiri / èssere Frasi una noti fiat essia a cotilla e dhi fiat cumpartu babbai ◊ su mercante cumparit furisteri in bidha anzena ◊ s'immaginatzioni fait cumpàrriri su chi no est ◊ su sole che fit cabuladu e fit cumpàrfida sa Luna ◊ muzere bostra est una de cudhas chi sunt santas sena lu cumpàrrere 2. coment'e persone cumpariat pagu e nudha: fit bàsciu e mesu gobbosu ◊ che tenet setanta annos ma no lu cumparet ◊ pro cumpàrrere, a s'isposonzu bi cheret nessi durches! ◊ fint oto dies tzapendhe ma cumpariat chi bi fint mes'annu de canta robba ndhe ant bogadu a fora! Traduzioni Francese paraître, s'annoncer Inglese to appear, to outline, to seem Spagnolo aparecer Italiano apparire, sembrare, delinearsi Tedesco erscheinen, scheinen, sich abzeichnen.

cumpassàre , vrb Definizione istare, passare, tènnere unu modu de istare: cumpassaresila bene, male; fintzes annotare, abbaidare e cunsiderare cun ammiru, pentzare; a logos fintzes avitare sa cosa, portare sa cosa a régula, chentza ndhe perdimentare Sinonimi e contrari palmizare 2. a Masaledhu si l'at cumpassadu, però l'at rispetadu ◊ paret chi su pitzinnu si est cumpassanne su chelu, ma no l'importat de istedhos, de arcu ’e chelu, de sa die e de sa note ◊ tziu Màuru est in sa corte cumpassàndhesi donni cosa Etimo itl. compassare Traduzioni Francese contempler Inglese to admire Spagnolo contemplar Italiano contemplare Tedesco betrachten.

cumpensài , vrb: cumpentzai, cumpessare Definizione giare o fàere cosa in càmbiu de su chi a unu dhi ant giau o fatu Frasi dh'eus a cumpentzai po totus is méritus suus ◊ custas munedas portadhas a su museu ca ti ant a cumpentzai Traduzioni Francese rétribuer Inglese to reward Spagnolo recompensar Italiano compensare, ricompensare Tedesco belohnen.

cumpètere, cumpètiri , vrb Definizione andhare a trivas o cricare de che passare o bínchere s’unu a s’àteru, de fàere méngius, de prus, in calecuna cosa; fintzes pertocare, tocare o àere s’óbbrigu o s’impreu de fàere unu dovere 2. no cumpetet a sos minores a votare pro s'amministratzione Traduzioni Francese rivaliser Inglese to compete Spagnolo competir Italiano compètere Tedesco Wetteifern.

cumpiàchere , vrb: cumpiàghere, cumpraxi Definizione fàere praxere, su si alligrare de una cosa Sinonimi e contrari acuntentae, allegràresi, apagnai | ctr. dispiàchere Frasi si seus bénnius a innòi est po dhus cumpraxi Etimo srd. Traduzioni Francese se réjouir Inglese to please Spagnolo complacer Italiano compiacére Tedesco gefällig sein.

cumpilàre , vrb Definizione su cumpilare, su acabbare de iscríere unu paperi o módulu, aprontau iscritu in parte, aciunghendho is cosas chi arrechedet o pregontat Traduzioni Francese remplir, compléter Inglese to compile Spagnolo compilar Italiano compilare Tedesco verfassen, ausfüllen.

cumpitàre , vrb Definizione lígere, pònnere impare is líteras a unas a unas Sinonimi e contrari cofuzire, confúgere Traduzioni Francese épeler Inglese to spell Spagnolo deletrear Italiano compitare Tedesco buchstabieren.

cumpletài, cumpletàre , vrb: cumpretare Definizione acabbare una cosa fata in parte, aciúnghere Traduzioni Francese compléter Inglese to complete Spagnolo completar Italiano completare Tedesco fertigstellen.

cumplicài, cumplicàre , vrb: cumpricare Definizione fàere is cosas prus difíciles de comente funt, prus troboias, prus trebballosas Traduzioni Francese compliquer Inglese to complicate Spagnolo complicar Italiano complicare Tedesco komplizieren.

cumpòniri, cumpònnere, cumpònni, cumpònniri , vrb Definizione unire, pònnere impare partes diferentes chi serbint a unu matessi iscopu, a fàere una matessi cosa, fintzes assentare sa linna faendhodha a fasches; pònnere bene o agiustare su bestimentu in dossu, pònnere apostu sa cosa in su logu, in domo: nau de sa persona, fintzes àere unu cumportamentu coment'e chi siat totu apostu, fintzes po finta; pònnere paghes, pònnere de acórdiu duas o àteras personas; adatare e migliorare, giare unu bellu gustu (foedhandho de papares) Sinonimi e contrari campaniare 1 / allaputzai, chinchinnare, cuncodrai, mudai | ctr. scuncordai Frasi in mesu a tantas modas cumponia s'istória de custa vida mia ◊ sa prucissioni cumentzat a si cumponni ◊ no connosco a fundhu sas cosas chi cumponent custu mundhu ◊ totugantos, sos cundhimentos, cumponent su mànigu 2. fit isse chi cumponiat sas brigas, sos malumores chi iscontzaiant sas famílias ◊ su chi faghent sos macos lu devent cumpònnere sos sàbios ◊ fut un'ómine sàbiu chi sa zente giamaiat candho bi aiat de cumpònnere pretos ◊ mellus a si cumpònniri chi no a curiai! ◊ andhaiat a s'aposentu de su fizu e torraiat a cumpònnere sos trastes suos ◊ da fit in chirca de binu, Pedru… però deviat cumpònnere! 3. a su minestrone li cheret sa pilarda de pumata ca lu cumponet ◊ de carena fit leza e no la cumponiat sa bestimenta Cognomi e Proverbi prb: richesa cumponet fintzas machine ◊ sos bestires cumponent finas s'àinu Etimo ltn. cumponere Traduzioni Francese composer, réconcilier Inglese to settle Spagnolo componer Italiano compórre, pacificare Tedesco schlichten.