Ditzionàriu in línia
de sa limba e de sa cultura sarda

cumbeniàre , vrb: acumbeniare* Definition pònnere is cumbénias, is comodidades, mescamente in sa domo Synonyms e antonyms acumbenentziare Translations French doter un appartement de tous les conforts English to provide with comforts Spanish poner comodidades en la casa Italian provvedére del conveniènte, di comodità German für die Bequemlichkeit sorgen.

cumbènnere, cumbènniri , vrb: cummènnere Definition torrare a contu, tènnere profetu de una cosa, andhare méngius una cosa a su postu de un'àtera Sentences cumbenit de andhare luego ◊ po seguresa ti cumbenit a ndi fuedhai innantis de andai ◊ cumbenit a fàghere goi ◊ ti cumbenit chi bi pesses tue etotu a sas cosas tuas! ◊ a comporare inoghe no cumbenit ca est totu prus caru ◊ ti cummenit a bènnere ◊ in tempus rimédia ca aici cumbenit! Etymon ltn. convenire Translations French convenir English to suit Spanish convenir, compensar Italian convenire German günstig sein, sich lohnen.

cumbinài, cumbinàre , vrb: cumminai, cumminare Definition bènnere s'ocasione; andhare de acórdiu, èssere o pònnere de acórdiu in sa matessi idea, cuncordare cuntratandho po comporare e bèndhere; cuncordare una cosa cun s'àtera, fàere / ind. pres. cumbinat, cúmbinat Synonyms e antonyms acadessi, acontèssere, capitai, costare 1, cuncordai, incapitae, sucèdere / cuncodrai, fàchere | ctr. iscumbinare, iscuncordai Sentences est cumbinadu chi sa die at próidu ◊ si unu si bestit de billutu e gambales, est unu pastore, ateretantu cumbinat a chie est vestitu de pannu: est unu cusinu ◊ si bos cúmbinat de colare in carrela, intrade a domo!◊ est cumbinau totu apari coment'e s'amen pustis de su Babbunostu 2. si cumbinamus bi lu còmporo! ◊ si nos cumbinamus, restamus unidos finas a morte ◊ e cumbinadu azis, pro cussu cómporu? ◊ goi no lu sighimus su cumone, tantu no cumbinamus prus ◊ si no cumbinant in su naturale, oe duos divórtziant! 3. comente ti cumbinat issa pares una mammarosa! ◊ custas cosas tristas inue bi at festa no cumbinant! (Màsala)◊ ite ses cumminanno? Etymon itl. Translations French combiner, arranger, se mettre d'accord English to combine, to agree Spanish combinar Italian combinare German zusammenstellen.

cumbínchede, cumbínchere , vrb: cumbinci, cumbínghere, cunvinci, cunvínciri Definition fàere a manera chi unu càmbiet idea, chi adduat e siat a s'idea de un'àteru / pps. cumbintu, cumbissu Synonyms e antonyms | ctr. ibbortare, istorrai Sentences cheriat cumbínchede a issu etotu e po cussu aiat fatu totu cussos arresonamentos Translations French convaincre English to convince Spanish convencer Italian convìncere German überzeugen.

cummentài, cummentàre , vrb Definition fàere su cummentu, s'ispiegatzione, sa crítiga, tènnere it'e nàrrere, it'e ispiegare o aciúnghere in calecuna cosa Translations French commenter English to comment on Spanish comentar Italian commentare German erläutern, beurteilen.

cummissariàre , vrb Definition pònnere unu cummissàriu a contivigiare un'amministratzione, un'aziendha, mescamente candho s'autoridade chi ndh'est mere e dha cumandhat at bistu chi no balent o no arrennescent a fàere su dovere is amministradores ordinàrios (o mancant deunudotu) Translations French nommer un commissaire English to administer through an external commissioner (a body) Spanish nombrar un comisario, intervenir Italian commissariare German unter kommissarische Verwaltung stellen.

cummòvere , vrb: cummòviri Definition provare o fàere provare dolu, làstima, allutare is sentidos, tocare o ammodhigare su coro Synonyms e antonyms afriscionare, apiadai, internèssiri Translations French émouvoir English to move Spanish conmover, enternecer Italian commuòvere German rühren.

cumpadèssere, cumpadèssi , vrb: cumpadèssiri, cumparessi, cumpodèssiri Definition tènnere passiéntzia cun is àteros, cricare de no si ofèndhere o de dhos padire candho istrobbant o pregontant cosa, lassare fàere Synonyms e antonyms cumpatire, iscugiare, lastimai, paedhare Sentences ma ita cumparessi e cumparessi: no mi depu lassai arrovinai! ◊ funt piciochedhus de cumpadessi! ◊ custa cosa est bogandumí de conca: mi depit cumpadessi! ◊ Deus at a cumpadessi is mancàntzias nostas ◊ cumpadessat, ma no est acomenti narat fustei! ◊ lassais currillai is fillus e cumpadesseis chi istrobbint puru! Etymon spn. compadecer Translations French avoir de l'indulgence English to pity Spanish aguantar Italian compatire German nachsichtig sein mit.

cumpaltíre , vrb: cumpartire, cumpartiri, cumpartziri Definition ispartzire in partes oguales, giare o pònnere is cosas cantu a una parte a s'àtera Synonyms e antonyms addesumare, ispartzire, paltire Sentences sos bàrrios cherent bene cumpartidos ca sinono ispendhentant Translations French subdiviser English to subdivide, to distribute Spanish repartir Italian suddivìdere, distribuire German teilen, verteilen.

cumparài , vrb Definition pònnere apare una cosa cun s'àtera a bíere ite dhue at de oguale e de diferéntzia Synonyms e antonyms aparagonare, cufrontare, cumparantziai Translations French comparer English to compare Spanish comparar Italian comparare German vergleichen.

cumpàrrere, cumpàrri, cumpàrriri , vrb Definition essire po si fàere a bíere, pàrrere, ma nau pruschetotu in su sensu de pàrrere bellu, bonu, meda / pps. cumpàrfidu, cumpartu, cumpàssidu Synonyms e antonyms aparèssiri, pàrrere | ctr. iscumpàrrere, isparèssiri / èssere Sentences una noti fiat essia a cotilla e dhi fiat cumpartu babbai ◊ su mercante cumparit furisteri in bidha anzena ◊ s'immaginatzioni fait cumpàrriri su chi no est ◊ su sole che fit cabuladu e fit cumpàrfida sa Luna ◊ muzere bostra est una de cudhas chi sunt santas sena lu cumpàrrere 2. coment'e persone cumpariat pagu e nudha: fit bàsciu e mesu gobbosu ◊ che tenet setanta annos ma no lu cumparet ◊ pro cumpàrrere, a s'isposonzu bi cheret nessi durches! ◊ fint oto dies tzapendhe ma cumpariat chi bi fint mes'annu de canta robba ndhe ant bogadu a fora! Translations French paraître, s'annoncer English to appear, to outline, to seem Spanish aparecer Italian apparire, sembrare, delinearsi German erscheinen, scheinen, sich abzeichnen.

cumpassàre , vrb Definition istare, passare, tènnere unu modu de istare: cumpassaresila bene, male; fintzes annotare, abbaidare e cunsiderare cun ammiru, pentzare; a logos fintzes avitare sa cosa, portare sa cosa a régula, chentza ndhe perdimentare Synonyms e antonyms palmizare 2. a Masaledhu si l'at cumpassadu, però l'at rispetadu ◊ paret chi su pitzinnu si est cumpassanne su chelu, ma no l'importat de istedhos, de arcu ’e chelu, de sa die e de sa note ◊ tziu Màuru est in sa corte cumpassàndhesi donni cosa Etymon itl. compassare Translations French contempler English to admire Spanish contemplar Italian contemplare German betrachten.

cumpensài , vrb: cumpentzai, cumpessare Definition giare o fàere cosa in càmbiu de su chi a unu dhi ant giau o fatu Sentences dh'eus a cumpentzai po totus is méritus suus ◊ custas munedas portadhas a su museu ca ti ant a cumpentzai Translations French rétribuer English to reward Spanish recompensar Italian compensare, ricompensare German belohnen.

cumpètere, cumpètiri , vrb Definition andhare a trivas o cricare de che passare o bínchere s’unu a s’àteru, de fàere méngius, de prus, in calecuna cosa; fintzes pertocare, tocare o àere s’óbbrigu o s’impreu de fàere unu dovere 2. no cumpetet a sos minores a votare pro s'amministratzione Translations French rivaliser English to compete Spanish competir Italian compètere German Wetteifern.

cumpiàchere , vrb: cumpiàghere, cumpraxi Definition fàere praxere, su si alligrare de una cosa Synonyms e antonyms acuntentae, allegràresi, apagnai | ctr. dispiàchere Sentences si seus bénnius a innòi est po dhus cumpraxi Etymon srd. Translations French se réjouir English to please Spanish complacer Italian compiacére German gefällig sein.

cumpilàre , vrb Definition su cumpilare, su acabbare de iscríere unu paperi o módulu, aprontau iscritu in parte, aciunghendho is cosas chi arrechedet o pregontat Translations French remplir, compléter English to compile Spanish compilar Italian compilare German verfassen, ausfüllen.

cumpitàre , vrb Definition lígere, pònnere impare is líteras a unas a unas Synonyms e antonyms cofuzire, confúgere Translations French épeler English to spell Spanish deletrear Italian compitare German buchstabieren.

cumpletài, cumpletàre , vrb: cumpretare Definition acabbare una cosa fata in parte, aciúnghere Translations French compléter English to complete Spanish completar Italian completare German fertigstellen.

cumplicài, cumplicàre , vrb: cumpricare Definition fàere is cosas prus difíciles de comente funt, prus troboias, prus trebballosas Translations French compliquer English to complicate Spanish complicar Italian complicare German komplizieren.

cumpòniri, cumpònnere, cumpònni, cumpònniri , vrb Definition unire, pònnere impare partes diferentes chi serbint a unu matessi iscopu, a fàere una matessi cosa, fintzes assentare sa linna faendhodha a fasches; pònnere bene o agiustare su bestimentu in dossu, pònnere apostu sa cosa in su logu, in domo: nau de sa persona, fintzes àere unu cumportamentu coment'e chi siat totu apostu, fintzes po finta; pònnere paghes, pònnere de acórdiu duas o àteras personas; adatare e migliorare, giare unu bellu gustu (foedhandho de papares) Synonyms e antonyms campaniare 1 / allaputzai, chinchinnare, cuncodrai, mudai | ctr. scuncordai Sentences in mesu a tantas modas cumponia s'istória de custa vida mia ◊ sa prucissioni cumentzat a si cumponni ◊ no connosco a fundhu sas cosas chi cumponent custu mundhu ◊ totugantos, sos cundhimentos, cumponent su mànigu 2. fit isse chi cumponiat sas brigas, sos malumores chi iscontzaiant sas famílias ◊ su chi faghent sos macos lu devent cumpònnere sos sàbios ◊ fut un'ómine sàbiu chi sa zente giamaiat candho bi aiat de cumpònnere pretos ◊ mellus a si cumpònniri chi no a curiai! ◊ andhaiat a s'aposentu de su fizu e torraiat a cumpònnere sos trastes suos ◊ da fit in chirca de binu, Pedru… però deviat cumpònnere! 3. a su minestrone li cheret sa pilarda de pumata ca lu cumponet ◊ de carena fit leza e no la cumponiat sa bestimenta Surnames and Proverbs prb: richesa cumponet fintzas machine ◊ sos bestires cumponent finas s'àinu Etymon ltn. cumponere Translations French composer, réconcilier English to settle Spanish componer Italian compórre, pacificare German schlichten.