atabàzu , nm: atamàzidu, atamazu Definizione avolotu e moida, sonos a meda Sinonimi e contrari atacazu, carralzu, chimentu, mamudinu, tifitanu Frasi sa bama est in atamazu, recuindhe ◊ s'atamazu de su bentu indrughet sos ozastros muilanne ◊ candho si pesaiat s'atamazu fint órulos, colpos, tichírrios e piantos Etimo srd. Traduzioni Francese tapage Inglese uproar Spagnolo estrépito, jaleo Italiano strèpito, chiasso Tedesco Lärm.

atàviu , nm Definizione boghes, tzarra, movimentu Sinonimi e contrari abbalàviu, atrúdhulu, fazellu, pedighinu Etimo srd. Traduzioni Francese agitation, affairement Inglese uneasiness, fuss Spagnolo jaleo, ajetreo Italiano irrequietézza, affaccendìo Tedesco Ruhelosigkeit, Überbeschäftigung.

bacànu , nm Definizione moida meda o avolotu chi faet gente chi foedhat a tzérrios, e si movet, e faet isciorrocu Sinonimi e contrari biuldu, carralzu, intrígliu, strebessu, tréulu / cdh. intirruzu | ctr. assébiu Etimo itl. Traduzioni Francese vacarme, tapage, chahut Inglese row Spagnolo alboroto, jaleo Italiano baccano Tedesco Lärm.

biliúldu, biliúrdu , nm: buliurdu Sinonimi e contrari biuldu, carralzu, strebessu Frasi a fortza de rustaza, istrale e picu cun tota calma o forte buliurdu s'ortu s'est fatu de frútules ricu (S.Casu)◊ ant postu su boliurdu in sas pijas de s'ànimu pro nàrrere a sos àteros sa grandhesa chi s'ómine costoit in su coro Traduzioni Francese vacarme, tapage, chaos Inglese uproar Spagnolo estrépito, jaleo, alboroto Italiano strèpito, caos Tedesco Lärm, Wirrwarr.

biúldu , nm: biurdu Definizione burdellu mannu de tzérrios e sonos Sinonimi e contrari biliuldu, carralzu, chichígliu, intrígliu, strebessu Frasi est unu veru biurdu, una Babbele! ◊ cagliados istent sos cantadores, sentza pònnere tantos biurdos ◊ sas mérulas sont assuconatas dae su biurdu de sa tzente ◊ intendho biurdu de proja Traduzioni Francese vacarme, tapage, chahut, fracas Inglese uproar Spagnolo alboroto, jaleo Italiano baccano, strèpito Tedesco Heidenlärm.

cífiri , nm: tzífiri Definizione su chimentu o burdellu chi si faet divertindho; dannu chi si faet chentza giare atentzione Sinonimi e contrari bodas, falóldia / desacatu, desatinu Etimo srd. Traduzioni Francese bombance, dégât Inglese good fun Spagnolo jaleo, parranda, desatino Italiano baldòria, malèstro Tedesco Lustigkeit.

pilísa , nf, nm: pilisi, pilissu, pilisu Definizione genia de aina po murigare su late cagiau po dhu fàere a casu; in cobertantza, avolotu, burdellu chi si ponet po calecuna chistione Sinonimi e contrari mórica / abbatúliu, abbolotu, sciumbullu, stragambullu, subuzu, trambullu, tregollu, tzirilotu Frasi cun su pilisi si mórigat su lati in su cadhàrgiu ◊ preparabat istèrgios pro múrghere e pilisos pro pilisare su late cracau ◊ teniat unu grandhe pilissu de illione ◊ bi at abbarrau intro de sa murghiola unu pilisu de gheníperu 2. in mesu de su pilisu de sa festa, issa si che intrabat a crésia a precare ◊ candho beniat s'isetore, unu tempus, fit pilisu malu pro sa zente, balla! ◊ fint totu in pilisu, candho s'intendhent sas boches: Sunt arribbandhe sos isposos! ◊ sa domo est in pilisu ca no bi at it'e manicare Etimo srd. Traduzioni Francese émoi, tumulte Inglese turmoil Spagnolo alboroto, jaleo Italiano subbùglio, tumulto Tedesco Aufruhr, Tumult, Getümmel.

tifitànu , nm Definizione faghevaghe, fragassu, moida, genia de sonu a meda, a carraxu Sinonimi e contrari abbatúliu, abbolotu, atabazu, atutina, mamudinu, pilissu, sciumbullu, stragambullu, trambullu, tremutu Frasi a tantu tifitanu e abbolotu su mortu abberit s'oju, dat su túnciu ◊ est gustu meu bídere sos pitzinnos cúrrermi fatu a giogu e a pelea, a tifitanu dai chea in chea, pro sa bellesa mia cantendhe innos (P.Casu)◊ iscuadríglias de aeroplanos sunt a s'andhalitorra a tifitanu postu Etimo cdh. tifitanu Traduzioni Francese vacarme Inglese uproar Spagnolo estrépito, jaleo Italiano strèpito, tumulto Tedesco Lärm.

tzibidómine , nm Definizione avolotu, tréulu mannu de gente meda Sinonimi e contrari abbolotu, trepógliu, trobbuscàmene Frasi bi aiat unu tzibidómine chi a mie aiant agabbatu de m’iscorriolare sa túnica chi giuchia (A.Pau) Traduzioni Francese cohue Inglese turmoil, confusion Spagnolo jaleo Italiano parapìglia Tedesco Durcheinander.

«« Cerca di nuovo