Ditzionàriu in línia
de sa limba e de sa cultura sarda

atréminu , nm Definizione arrumóriu chi si faet cun is peis, movendho cosa; pruschetotu, genia de timoria manna, de trementa chi benit timendho ccn. cosa Sinonimi e contrari apeisinzu, apeitu, apetigu, istrepitzu / cdh. trímini Frasi it'est custu: s'atréminu de sa chedha immandrada o sa boghe de su pastore chi l'acorrat? ◊ mi paret de intèndhere atréminu in su passaditzu: benindhe zente est? ◊ si est intesu s'atréminu de sos passos 2. goi cumpostu in paghe est un'ammiru: paret chi apet sighidu a Bustianu in sonnos sentza atréminu e suspiru (A.Dettori)◊ patire s'atréminu ◊ pigant sos astudhos a s'atréminu chi dant sos inghírios de su tilibbriu Etimo srd. Traduzioni Francese effarement, peur Inglese fright Spagnolo temblor, miedo Italiano trèmito, sgoménto, paura Tedesco Zittern, Bestürzung, Angst.

tremedhèra , nf Definizione su trèmere, su istare tremendho, treme treme, genia de móvia a iscutuladura totu parívile; fintzes genia de presse, furighedha Sinonimi e contrari trementa tremuea, tremuina, tremuledha / cdh. trimaredha Frasi dhi benit una tremedhera in totu su corpus e dhi tzacarrant is dentis puru 2. dh'at pigau sa tremedhera e si ndi est andau Etimo itl. Traduzioni Francese frisson, tremblote Inglese shivers Spagnolo tembleque Italiano tremarèlla Tedesco Zittern.

trèmere , vrb: tremi, trèmiri Definizione mòvere a iscutuladas piticas e sighias, fàere móvias piticas, medas e paríviles in sensu contràriu de s'una a s'àtera / pps. trémidu Sinonimi e contrari cuncuai, seghedhare, sidhire, tremuai, trimire Modi di dire csn: trèmere che canna, che foza, che zuncu, che culumba crochindhe, paris = trèmeresi meda, totugantu; su calcanzu si li tremet!… = no ndhe l'importat nudha, est trancuillu Frasi a su punzu chi iscudet tremet tota sa banca ◊ mellus a timi chi no a tremi ◊ so tremindhe de su fritu ◊ fait sa firma cun sa manu tremi tremi ◊ is miradas suas mi tremiant che canna in die de bentu ◊ vos tremiavaes che una canna dae sa timória ◊ si fiat trémiu paris a su intendi cudhu isciorrocu Etimo ltn. tremere Traduzioni Francese trembler, vibrer Inglese to tremble, to flicker, to vibrate Spagnolo temblar, vibrar Italiano tremare, tremolare, vibrare Tedesco zittern, schwingen.

trémida , nf, nm: trémidu, trémita Definizione su trèmere, genia de móvia a cropu e sighida Sinonimi e contrari assachítidu, irghinitada, iscutinada, sachedhada, sàdhidu, tremidura / cdh. intriminuta, ttrs. trémuru 2. si sa mata donat una trémida ndi dhi arruit sa folla ◊ a ndhe daet de trémidas, sa terra, ue bi faghet terremotu!…◊ mi fipo addrummentatu a trémitas de fritu Traduzioni Francese sursaut, tremblement, secousse Inglese vibration, tremor shock Spagnolo estremecimiento, vibración Italiano sussulto, vibrazióne, trèmito, scòssa Tedesco Schwingung, Zittern, Erschütterung.

trémidu , pps, nm: trémiu Definizione de trèmere; fintzes su trèmere, sa móvia chi si faet tremendho Sinonimi e contrari trémida Traduzioni Francese tremblé Inglese trembled Spagnolo estremecido Italiano tremato Tedesco Zittern.

tremidúra , nf Definizione su trèmere Sinonimi e contrari nànniga, trémida, tremore Etimo srd. Traduzioni Francese tremblement Inglese tremor Spagnolo temblor Italiano tremóre Tedesco Zittern.

tremuài , vrb: tremulai, tremulare, trimulare Definizione trèmere pagu pagu, trèmere totu (po timoria, debbilesa, àteru) Sinonimi e contrari trèmere, trinicare Frasi is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe Etimo ltn. tremulare Traduzioni Francese trembler Inglese to quiver Spagnolo temblar, estremecerse Italiano tremolare Tedesco zittern.

tremuàlla , nf Definizione su istare tremendho Sinonimi e contrari nànniga, tremedhera, trementa, tremuledha Frasi sa tremualla de is istedhus de su celu ◊ sa timoria dhi fait benni sa tremualla ◊ fatuvatu s'intendiat una tremualla a cambas de no podi abarrai in pei Etimo srd. Traduzioni Francese tremblement Inglese trembling Spagnolo temblor Italiano tremolìo, tremóre Tedesco Zittern.

tremuèa, tremuénu, tremuéu , nf, nm, agt: tremulea, tremulégiu, tremuleju, tremulenu, tremuleu Definizione su trèmere, su istare tremendho; tremuenu, tremueu fintzes chi tremet, chi istat tremendho e, nau de terrenu, chi no firmat, chi istrèmenat, chi che afundhat de cantu est modhe Sinonimi e contrari trementa, tremoia, tremuledha / tremulosu, trémulu Frasi mi pigat sa tremuea ca seu cambas modhis ◊ m'infastidiat sa frúsia de is portas e su tremuleu de is finestrinus ◊ abarra frimu, ca mi paris in logu de tremueus! ◊ duas dies su mundhu a tremuleu: cantos ant furriadu su sentidu! ◊ mi sapo piliganu, a tremulégiu e carena istasida (F.Bechere) 2. sas manos si sunt fatas tremuleas, sos ossos si sunt iscussertados ◊ fit chistionendhe cun faedhos tremuleos ◊ su betzu giughet tremuleas sa conca, ancas e manos ◊ de ischintidhas tremulejas pintirinadu est su chelu ◊ si est mudada sa natura a is tremueus rajus de su soli ◊ s'intendit sa boxi tremuena de calincunu ◊ si est pesada una boghe tremulena de ómine betzu Etimo srd. Traduzioni Francese tremblement Inglese quivering Spagnolo temblor Italiano tremolìo Tedesco Zittern.

tremulèdha , nf Definizione genia de movimentu lestru e curtzu de sa carena (in totu o in parte), su istare tremendho, tremedreme Sinonimi e contrari trementa, tremualla, tremuea / cdh. trimaredha, trimuledha, ttrs. trimuredha Frasi sas mamas a tremuledha si faghiant sinnos cuendhe sos pitzinnos ◊ li picaiat sa tremuledha solu a lu intènnere mentovare: totu lu timiant che frea ◊ mi sentia su coro a tremuledha Etimo srd. Traduzioni Francese frisson, tremblote Inglese shivers Spagnolo tembleque Italiano tremarèlla Tedesco Zittern.

trinicàre , vrb: trinigare, trinnigare Definizione trèmere, su si trèmere totu, mòvere, su si mòvere a iscutuladura, a tremidura Sinonimi e contrari busigare, sachedhare, saidare, tidhiricare, trèmere, tremuai Frasi mi trinnigaia che foza, de su fritu ◊ mi paret chi mi pungant a puntorzu e mi ndhe trínnigo in totu sa carena ◊ ti trínnigas in s'íntimu ammentendhe sos basos, sas promissas ◊ s'ischideit atriciatrícia de suore, trinnighèndhesi che canna pro unu sónniu feu 2. sos furfurajos afainaos, trinicandhe sas alas, pariant chene pache ◊ no mi trínnighes! ◊ susuja, rocu e loros asseguras, a unu a unu dogni arminzu aparas e trínnigas s'aradu e totu esploras (P.Casu)◊ su bentu no trínnigat mancu sas fozas 3. si est trinnighendhe, s'aera est minetendhe tempesta 4. acumpanzat sos movimentos de sas pedaladas trinnighendhe pagu pagu sa conca a manca e a dresta Etimo srd. Traduzioni Francese trembler, frissonner, secouer Inglese to tremble, to shiver, to shake Spagnolo temblar, estremecerse, sacudir Italiano tremare, rabbrividire, scrollare Tedesco zittern, schaudern, schütteln.

trínnigu , nm Definizione su si trinnigare, fintzes po arrennegu o àteru sentidu forte / t. de dentes = trementa de barras po frius o po timoria manna; t. de fritu = tidilia Sinonimi e contrari ímpetu, trinnighinzu Frasi bidendhe elveghes pitigadas tundhendhe bi benzeit unu trínnigu de ispreu! Etimo srd. Traduzioni Francese sursaut, tremblement Inglese tremble, thrill Spagnolo estremecimiento Italiano trèmito, frèmito Tedesco Zittern.