A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

aggantzàre agganciài

aggantzàu aggantzàdu

aggantzidúdine , nf Definitzione su èssere arrestigos, malos a giare cosa Sinònimos e contràrios aggantzadura, aggantzúmine, asurímini, gregúmene, ingurdoneria, limiore, migragna, susuncúmini | ctr. bonucoro Frases fit ricu, ma cun s'aggantzidúdine chi teniat no daiat nudha a nisciunu Ètimu srd. Tradutziones Frantzesu ladrerie, crasse Ingresu niggardliness Ispagnolu tacañería Italianu taccagnerìa Tedescu Knauserigkeit.

aggantzinàdu , pps, agt Sinònimos e contràrios aggantzadu, limidu, susuncu.

aggantzinàre aggantinàre

aggantzitàre , vrb Definitzione pònnere gancitos Sinònimos e contràrios aggantzullitare Ètimu srd.

aggàntzu , nm Definitzione cosa a ue agganciare, nau fintzes po iscusa, cosa chi si narat o chi si faet coment'e iscusa Sinònimos e contràrios acantzadorju, achirru / arraghèscia, irbortu Ètimu srd. Tradutziones Frantzesu point d'appui Ingresu hold Ispagnolu agarradero, asidero Italianu appìglio Tedescu Haltepunkt, Vorwand.

aggantzullitàre , vrb Definitzione pònnere gancitos Sinònimos e contràrios aggantzitare Ètimu srd.

aggantzúmine Sinònimos e contràrios aggantzidúdine, asurímini, limiore Ètimu srd.

aggaràdhu , nm Sinònimos e contràrios aradadhu Frases tue ses prenu de grosta e de aggaradhos.

aggarbài, aggarbàre , vrb: grabbare Definitzione giare garbu, fàere a grabbu, bene, giare una forma, trebballare una cosa a manera de dha fàere essire comente si bolet / aggarbai unu bistiri = arranzare unu bestire pro chi ruat bene a chie lu depet pònnere Sinònimos e contràrios adatai, bugiardare, cuncodrai Frases at aggarbadu sas istampas de s'iscala de su carru a berrina e a iscarpedhu ◊ fustes e fustighedhos de su carru fint de linna birde ca si podiant aggarbare chene perígulu de si truncare Ètimu srd. Tradutziones Frantzesu adapter Ingresu to fit Ispagnolu modelar Italianu adattare, modellare Tedescu anpassen, modellieren.

aggàrbu , nm Definitzione su aggarbai, -are Frases s'aggarbu de sa parte de segus de s'iscala de su carru si faghiat a distrale o a serra manna Ètimu srd.

aggardàre , vrb Definitzione prènnere su logu de cardu (chi dhue creschet) Ètimu srd.

aggardàu , pps, agt Definitzione de aggardare; nau de logu, chi est totu prenu de cardu.

aggargalài, aggargalàre , vrb Definitzione fàere una moida o sonu coment'e de abba budhindho, chi si pesat a búdhidu, chi orruet de artu in mesu de abba etotu Sinònimos e contràrios abbrubudhai, abbrufulai, acrocuai, aggorgotai, borbogliare, froculare, groggolare, gurgulliare Ètimu srd. Tradutziones Frantzesu gargouiller Ingresu to bubble Ispagnolu gorgotear Italianu gorgogliare Tedescu gurgeln.

aggargastàtu , agt Definitzione chi est pigau a su gúturu, chi portat sa boghe iscannia, sorrogada Sinònimos e contràrios arragatzau, arragau, arroghidu, sarragau Ètimu srd.

aggargatàre , vrb Definitzione incassillai o incasciare in mesu de is pedras, de is gàrgaras Sinònimos e contràrios aggorgotare, ingargarare, ingarghilare, impelciare.

aggarotàu acarotàdu

aggarradòre , agt Definitzione chi aggarrat, chi aferrat Ètimu srd.

aggarradórju , nm Definitzione su tretu inue si aferrat una cosa, su tretu fatu po aferrare, agganciare Sinònimos e contràrios aggarru Frases zuchiat sa corona imbolicada in s'aggarradorju de su baculedhu ◊ provabat a si nche pesare dae terra ma non bi aiat aggarradorju Ètimu srd.