A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

aggarradúra , nf Definitzione su aggarrare; nau in cobertantza, su èssere de manu istrinta, arrestigos Sinònimos e contràrios aggantzadura, aggarramentu, aggrancidúdine, asurímini, atzicaria, limiore, susuncúmini | ctr. bonucoro Ètimu srd. Tradutziones Frantzesu avarice, pingrerie Ingresu meaness Ispagnolu tacañería Italianu tirchierìa Tedescu Knauserigkeit.

aggarrài , vrb: aggarrare, aggherrai, aggherrare Definitzione pigare cun fortza, cun manu firma, poderare Sinònimos e contràrios abbrancai, acafai, acherrai, aciapai, afarcai, afarrancae, aferrai, aggafai, agganciai, aggranfare, agguantai, carrabbusai | ctr. lassare, iscapae Frases dh'iat aggherrau a su tzugu e fiat allupendidhu ◊ iant aggherrau su serbidori e dh'iant arropau ◊ l'at aggarrau che frochedhu, furriau a s'imbesse e li at dau una bella abbinatada ◊ mi at aggarrau e iscutu a gropas de su cabadhu coment'e unu sacu Ètimu ctl., spn. Tradutziones Frantzesu saisir Ingresu to grip Ispagnolu agarrar Italianu afferrare Tedescu packen.

aggarraméntu , nm Definitzione su èssere susuncus, arrestigos / faedhare chin a. = chentza fai su contu de s'àteru Sinònimos e contràrios aggantzadura, aggarradura, susuncúmini Ètimu srd.

aggarràre aggarrài

aggarràu , pps, agt Definitzione de aggarrare; in cobertantza, chi est susuncu, de manu afissa, arrestigu Sinònimos e contràrios aggantzadu, limidu, susuncu 2. fit trabballante, netu de bíssios, ma aggarrau chi no si tatabat mancu de abba ◊ aggarrau comente est no depet àere fatu mai una limúsina!

aggàrru , nm Sinònimos e contràrios aggarradorju Ètimu srd.

aggasajàre acasagiài

aggastàre acastài

aggatàda , nf Definitzione su aggatare, su istrecare Sinònimos e contràrios afissa, strecada Ètimu srd. Tradutziones Frantzesu écrasement Ingresu squeeze, kind of flat bread Ispagnolu aplastamiento Italianu schiacciata Tedescu Quetschen.

aggatàdu , pps, agt Definitzione de aggatare; incracau, fintzes apicigau istrintu a calecuna cosa Sinònimos e contràrios catadu, ciatu, strecau, tzumburau 2. su pitzinnu fit arrumbau frimu in d-unu contone iscurosu, aggatau tra paza e fenu Tradutziones Frantzesu écrasé Ingresu squashed Ispagnolu aplastado Italianu schiacciato Tedescu zerquetscht.

aggatadúra , nf Definitzione su aggatare, su istrecare Sinònimos e contràrios acatadura 1, strecadura, strecamentu Ètimu srd. Tradutziones Frantzesu écrasement Ingresu squashing Ispagnolu aplastamiento Italianu schiacciaménto Tedescu Quetschen.

aggatàre , vrb Definitzione fàere a una cata, istrecare, coment'e candho a una cosa (es. istrégiu de làuna) si ponet unu pesu tropu mannu apitzu o si acropat cun cosa grae (es. martedhu): dhu narant po cosas chi no s'istrecant coment'e cosa modhe (comente funt is frutos) ma chi agiúmburant (pagu o meda) Sinònimos e contràrios abbugnai, abbullonare, acatare 2, agiumbare, ammacigai, atzumbarare, atzumbonare, catulare, cerfai, ischerfare, ischertzare, ischitzare, strecae Frases sa màchina at aggatadu unu botighedhu chi che at dadu a suta Ètimu srd. Tradutziones Frantzesu écraser Ingresu to squash Ispagnolu aplastar Italianu schiacciare Tedescu quetschen.

aggatarràu acatarràdu

aggavignàre, aggavinàre , vrb Definitzione pigare cun fortza, a fortza, faendho male a s'àteru Sinònimos e contràrios aggarrare Ètimu itl. aggavignare.

agghefàre aggafàre

agghegiàre , vrb: agghejare, aggherjare, agghexare Definitzione giare aggheju, fàere prus biu unu dolore, unu male, tocare una liaga, una ferida, un’arremu malàidu (de malesaura, po pagu atentzione o apostadamente po giare prus dispraxere) a manera de provare dolore torra, giare prus dispraxere, fintzes fàere inchietare; atzitzare is canes, pònnere is canes a cracare a ccn. o un’animale Sinònimos e contràrios abbruncai / aciopai, ateneae, atorigare, auntzare, incidai, inciulai, insissiligai, ubetzare / atunchiare, ingrazare, intriscare, mincidiare, suberiare, trubare Frases bi at calchi cosa de a mie chi no as apretziadu candho ndh’as tentu s’ocasione! – la fit agghegiandhe issu (M.Danese)◊ "Porcrabu, ómine preistóricu cun su cherbedhu apedradu!" – l’at agghegiadu issa ◊ pro l'agghejare fit sempre in preguntas ◊ ponet in urtu s'amore e lu trasformat in ódiu agghejèndhelu in dogni malumore ◊ fogos, traschias e sicagnas ti agghejant sas piaes ◊ ti agghejat chentu e unu male ◊ sos capos de sos Giudeos a Cristos incravadu lu fint agghejendhe giamèndhelu "re" Tradutziones Frantzesu exacerber Ingresu to make worse Ispagnolu exacerbar Italianu esacerbare Tedescu erbittern, quälen

agghegiósu , agt Definitzione nau de cosa e de gente, chi giaet agghégiu, chi fastídiat Sinònimos e contràrios atzegatzioneri, ifadosu Ètimu srd. Tradutziones Frantzesu agaçant, irritant Ingresu irritating Ispagnolu irritante Italianu irritante Tedescu aufreizend.

agghégiu , nm: aggheju, agghexu Definitzione su tocare o atumbare un’arremu malàidu, chi dolet; su chi si faet o si narat, fintzes a marrania, a incídiu, giaendho ifadu e faendho arrennegare s'àteru, aciunghendho male a su male, dolore o dispraxere a is dispraxeres, a is ofesas: a logos, fintzes cosa chi si tenet a istrobbu, istrepos, bascaràmene; fintzes cosa chi si faet o chi si narat po audire, animare a unu Sinònimos e contràrios abbruncadura, abbrúnchidu, abbruncu, atumbada, irbrúnchiu / alliu, incídiu, inzenza, inzerra, tzítziu | ctr. abblandhu, aconnortu Frases ohi, male, ite agghégiu a su bratzu malàidu!…◊ sos agghejos de sa vida sunt medas ◊ si fit mesu penetidu de sas peràulas malas chi pro cuss'aggheju li fint fuidas dae buca ◊ su tilipirche a totu dat aggheju, ue passat est peus de su raju! ◊ su púlighe est minudedhu ma za ndhe daet de aggheju! 2. sos cumpanzos si divertiant a li dare aggheju ◊ si li das aggheju, cussu s'imberrisconat!◊ su maridu fit cotu che candho mai l'aiat bidu: tra agghexu e velenu li cheriant sas candhelas solu pro totu su chi li fit betendhe apare! 3. si li daes aggheju, a isse no li paret beru: si ndhe cuntentat meda! Ètimu srd. Tradutziones Frantzesu provocation, exacerbation Ingresu exacerbation, provocation Ispagnolu provocación, exacerbación Italianu provocazióne, esacerbazióne Tedescu Herausforderung, Verschärfung.

agghejàdu , pps, agt Definitzione de agghejare Sinònimos e contràrios issuperiau.

agghejàre agghegiàre