A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

allogài allocàre

allogài 1, allogàre allogàe

allogaméntu , nm Definitzione su allogai, su chistire Sinònimos e contràrios allogadura 1, chistinzu, chistura, costoimentu / cdh. adhocu Ètimu srd. Tradutziones Frantzesu conservation Ingresu preservation Ispagnolu conservación Italianu conservazióne Tedescu Aufbewahrung.

allogàre 1 allocàre

allogatéri allocatéri

allogiài , vrb: allozare Definitzione agatare logu a crocare, po istare; si narat fintzes in su sensu de papare a tzatzadura, de si tzatzare bene Sinònimos e contràrios acuartierai, aposentae, ospedai / atatare, sassai 2. immoi mi seu allogiau, lah, cun cussa petza: apu própiu papau bèni! ◊ gei si allògiant is gatus nostus cun totu custu pisci, oi!…◊ tenemu sempri fàmini, non mi arregordu si calincuna borta mi seu allogiara!◊ cussus funt pipius pagu bistius e pagu allogiaus Ètimu itl. Tradutziones Frantzesu loger Ingresu to lodge Ispagnolu alojar Italianu alloggiare Tedescu wohnen.

allogíre , vrb Definitzione batire a domo a ccn. po dhu fàere crocare su note o istare calecuna die, a papare o àteru Sinònimos e contràrios allogiai*, aposentae, ospedai Frases in cussas dies nodias, solu a dhos allogire, is amigos istràngios, fut festa ◊ candho beniat a bidha dh'allogiant in d-una domo 2. Elias fiat allogiu me in domu de custa bona fémina.

allógiu , nm: allórgiu Definitzione una calidade de lógiu Sinònimos e contràrios lógiu* / cdh., giodhuarestu Terminologia iscientìfica rba, Lolium perenne Tradutziones Frantzesu ivraie Ingresu rye-grass Ispagnolu ballico Italianu lòglio Tedescu Lolch.

allógiu 1 , nm: allozu Definitzione logu, domo inue crocare prus che àteru a pagamentu Sinònimos e contràrios ospedàgiu Frases li daiat s'allozu sempre gratis Ètimu itl.

allógu allócu

allógu 1 , nm Definitzione logu po arrimare cosa, inue si lassat arrimada una cosa, istampu ue si ponet o faet intrae ccn. cosa Tradutziones Frantzesu parc (de stationnement), parking Ingresu parking Ispagnolu aparcamiento Italianu parchéggio Tedescu Parkplatz.

alloiméntu , nm Definitzione su alloire Ètimu srd.

alloína , nf: laina Definitzione ladamíngiu chi si ndhe faet modhe meda, a brodu (mescamente de bestiàmene chi est papandho erba modhe, in beranu) Sinònimos e contràrios atílimu, cacaredha, cussu 1, iscagantzina, iscurrensa, iscussina, iscussura 1, labina*, terchinzu Tradutziones Frantzesu selles diarrhéiques Ingresu diarroheic faeces Ispagnolu heces diarreicas Italianu fèci diarròiche Tedescu diarrhöische Exkremente.

alloinàre allainàre

alloíre , vrb: alluire, luire* Definitzione torrare in posse, po dinare, de su chi unu aiat pérdiu o giau; iscabbúllere de un'afrinca / ischiat alloire su masone = acostire, ghirare o portare a s’acorru, contivigiare, portare a fúrriu; alluire linna a su fogu, sos trastes = acostai, aprontai Sinònimos e contràrios illoire Frases si oe, pecadore, no ti allois, tue l'intendhes e l'intendhimus nois chi nos brujant in ànima e persone!

allollàdu, allollàu , agt Definitzione chi est coment'e incantau, chi no est cumprendhendho nudha, atontau che lolle Sinònimos e contràrios abballalloadu, abbaucadu, abbebbellecadu, abbrebebau, ammacarronadu Frases isto abbaidendhemila chena resessire a mi mòvere, allollada dae sa lughe de sos oxos suos (A.Marroni) Ètimu srd.

allolloaméntu , nm Sinònimos e contràrios allochiadura, allochiamentu Ètimu srd.

allolloàu , agt Sinònimos e contràrios allollonau Frases is pitzocos fiant allolloaos de su chi bidiant.

allolloinài , vrb Sinònimos e contràrios abbengare, allochiai, allollojai Frases nosus ancora no eus imparau e si lassaus allolloinai de is apariéncias (S.Diana)◊ si càstias su soi t’allolloinat is ogus e t’inciurpat (S.D'Arco).

allollojài , vrb Sinònimos e contràrios abballalloare, allochiai, atolondrai Ètimu srd. Tradutziones Frantzesu s'abêtir Ingresu to make stupid Ispagnolu alelarse Italianu diventare stùpido Tedescu dumm werden.