A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

annànghida , nf Definitzione su aciúnghere; sa cosa o su tanti chi si aciunghet Sinònimos e contràrios aciunta, agianta, agiúnghida, agnanta, annunta Ètimu srd.

annanghidúra annaghidúra

annànghiu , pps. Definitzione de annànghere Sinònimos e contràrios aciuntu, annantu Frases li apo annànghiu s'indiritzu pro mi dare sa risposta.

annannedhàre , vrb Definitzione su si fàere a nennedhu, a pipiu, a persona chentza abbrítiu, fintzes ammandronare Sinònimos e contràrios ammammutzonare Ètimu srd.

annànta agnànta

annàntile , agt, nm Definitzione chi istat a su move move, chi andhat; manera de andhare, de si mòvere andhandho / pedra a. = sa pedra iscàbula, isparta, sa chi essit in sos aronzos, sa chi si agatat gai, a cantos, subra de su terrinu Sinònimos e contràrios iscàbulu / andhata 2. canno sos sentitos si li bortaiant a s'imbesse, s'annàntile si li fachiat bassalitortu ◊ tenet s'annàntile lentu Ètimu srd.

annàntu , pps, agt: annatu Definitzione de annànghere / èssere carre agnanta = parente de intradura Sinònimos e contràrios aciuntu, annànghiu, annuntile Frases su Segnore l’at naradu: "Abbàida su chelu e conta sos istedhos, si ch’essis a los contare" e ch’at annatu: "Gai at a èssere sa répula tua" (Bb). Ètimu ltn. nanctus Tradutziones Frantzesu adjoint Ingresu added Ispagnolu añadido Italianu aggiunto Tedescu zusätzlich.

annantúra , nf: annuntura Definitzione tretu aciuntu, cosa aciunta, nau mescamente de is arremos de sa carena ue faent giogu s'unu cun s'àteru (o una parte cun s’àtera) Sinònimos e contràrios aciuntura, agiuntadura, annanghidura, annodricadorju, annuadórgiu, arte 1, nigradroxu Terminologia iscientìfica crn Ètimu srd.

annàntza andhànta

annàntzia andhàntzia

annapàda , nf Definitzione su annapare Sinònimos e contràrios annapadura, intelada Ètimu srd.

annapadúra , nf Definitzione su annapare Sinònimos e contràrios annapamentu, imbeladura, impannadura, impannu, incheladura Ètimu srd. Tradutziones Frantzesu ternissure Ingresu misting Ispagnolu empañamiento Italianu appannaménto Tedescu Anlaufen.

annapài , vrb: annapare Definitzione su pònnere o si pònnere ananti coment'e una napa o velu chi no lassat bíere bene cun bene; dhu narant fintzes de sa lughe forte chi ferit a ogos e po calecuna iscuta no lassat bíere o po calecuna cosa o idea chi no lassat bíere s’arrexone o sa beridade; in sa faina de is sonagiàrgios, pònnere po arrefortzu is napos a sa sonàgia in su tretu inue si assardant is oros chi si benint apare Sinònimos e contràrios abbelare, abbujare, afuscai, imbelare, impannare, inchelare, infuscai, intelai / alluinai Frases su fumu de centu fogajas annapàt su soli e a denoti sa luna ◊ s'àlidu annapat s'isprigu fridu ◊ su soli est annapau ◊ custu pruinedhu annapat e annébidat totu 2. su sole mi annapat ◊ s'ódiu ti annapat su chervedhu ◊ s'amori annapat dónnia cosa Ètimu srd. Tradutziones Frantzesu embuer, brouiller Ingresu to mist up Ispagnolu empañar, ofuscar Italianu appannare Tedescu anhauchen.

annapaméntu , nm Sinònimos e contràrios annapadura Ètimu srd.

annapàre annapài

annapàu , pps, agt Definitzione de annapai, -are; chi portat coment’e una napa chi no lassat bíere bene Sinònimos e contràrios anneuladu, impannau, innapadu Maneras de nàrrere csn: pilloni a. = alibedhe; pessone annapada = chi atuat o atinat pagu 2. iscriet in bidros annapados de alenu Tradutziones Frantzesu embué, voilé Ingresu misted Ispagnolu empañado Italianu appannato Tedescu angelaufen.

annapidèdha , nf: nebidedha Sinònimos e contràrios bragamonti, nébida* 2, nèpeda Terminologia iscientìfica rba.

annarajàu , agt Definitzione chi est a tzarra, foedhandho a boghes, mescamente nau de medas chi si agatant impare a chistionu Frases in su riedhu b'at duas filas de féminas annarajàs, lavandhe sa bocada (P.Pireddu)◊ che intendho una bannarza de zente annarajà, parent féminas in su lavadorzu!

annarbài annabrài

annarbaméntu , nm Definitzione su annarbai, sa lanedha chi creschet in sa cosa isciusta Sinònimos e contràrios afungori, afungu, ammucoradura, imbucore, lanedha, morighinu, mucore, mugheru, nabra Terminologia iscientìfica atn, Botrytis cinerea Ètimu srd. Tradutziones Frantzesu moisissure Ingresu mould Ispagnolu moho Italianu muffa Tedescu Schimmel.